Jeremia 47:5 - Ghari

⁵ Igira na tinoni ni Gasa ara melu loki sosongo, mara tsara koakoa na lovaqira, ma na vera ni Askelon e totu mangu lê saikesa. ?Me ke oka koegua sagata ti kamu mololea na pariana na kokoramui papadana na melu, igamu amu kauvisu tana Pilistia?

Jeremia 47:5 Referans Kwoze

Jeremia 48:37

Igira sui lakalaka ara tsarâ na lovaqira ma na ngolaqira. Igira sui ara paria na limaqira, mara sagelia na polo baubau papadana na melu.

Mika 1:16

Migamu na Juda, kamu tsara koakoa na lovamui tana tangisiaqira nimui baka tetelo amu galuve sosongoligira. Eo, kamu tsara koakoa na lovamui poi tsau amu lati vaga moa na manusata, rongona igira na gala sauba kara adiligigira na dalemui sui tanigamu, ma kara aditsekavanogira.

Jeremia 41:5

mara alu sangavulu na mane talu i Sekem, mi Silo, mi Samaria, ara mailaba varangisia i Mispa. Igira ara tsaraliginogoa na ngolaqira, mara ratsia na poloqira, mara paria na kokoraqira papadana na melu, mara adimaia na sausau na uiti ma na bulunagai uruuru, laka kara ba savorigira i laona na Vale Tabu.

Marko 5:5

Na dani ma na bongi aia e liu bamai i laoqira na qiluqilu mi tana vungavunga, me guguu, me adia na vatu vavanga me gini pari segenina.

Esekiel 25:16

Ba, minau au katevulaginogoa kalina ia laka sauba kau baginigira na Pilistia, ma kau matesiligigira sui lakalaka kolugira goto igira sui ara totu i tasi taligu.

Esekiel 7:18

Ma kara sagelia na polo baubau papadana na melu, me ke gariri popono na kokoraqira. Sauba kara tsara koakoa na lovaqira, me sauba nomoa ke paluvangamaqira sui.

Jeremia 47:4

E labamai nogo na tagu i tana kara toroutsania na Pilistia, minau sauba kau vongoa pipi sui na sasanga ara kauvisu tanikaira na vera ni Tire mi Sidon. Inau nogo na Taovia sauba kau matesiligigira na Pilistia, igira sui ara talumai tana momoru ni Krete.

Jeremia 47:1

Idavia aia na taovia tsapakae ni Ejipt e baginia na Gasa, aia kesa na verabau tana Pilistia, ma na Taovia e goko vaniau, inau a Jeremia, tana rongona na Pilistia.

Jeremia 16:1

Me kesa goto kalina na Taovia e goko vaniau, inau a Jeremia, me tsaria,

Isaia 15:2

Igira na tinoni ni Dibon ara dato bâ na ngangai tana niqira nauna tabu i kelana tetena. Migira na Moab ara tangisikaira na verabau ni Nebo mi Medeba; mara tsara koakoâ na lovaqira ma na ngolaqira tana melu.

1 Taovia Tsapakae 18:28

Migira na propete ara gudato loki goto bâ, mara adia na gau ma na isi mara gini parisegeniqira poi tsau kalina e viri riorio na kokoraqira, vaga nogo ara lavu na nauana taonia na vovorona niqira lotu.

Tinoni Pede 1:18

Ma na Taovia e sangagira na tinoni ni Juda mara aditamaniqira na kao vungavungaga ia. Mara tau moa tangoligira na vera ni Gasa, mi Askelon mi Ekron kolua na vovotana niqira kao ara totu polipoligira. Rongona igira na tinoni ara totu tana vera girani tabana i tasi ara tamanina niqira terê tapala gana na vailabugi, me gini utu vanigira na tinoni ni Juda kara tangomana na tsialigiaqira.

Na Vaolusi Ketsa 14:1

Ma Moses e goko babâ me tsaria, “Igamu nina tinoni na Taovia nimui God. Me vaga ia, mi kalina ti kamu melu mateqira na tinoni mate, migamu kamu laka na pariana na konimui, se na tsarana na nagona na lovamui vaga ara naua igira na tinoni tavosi.

Aqo Manetabu 21:5

“Ke laka goto sa manetabu na tsarana sa tabana na lovana, se na tsaraligiana moa sa turina na ngolana, se na pariana na konina, na mani sauvulagiana laka aia e roku.

Aqo Manetabu 19:28

se na rapuana na kokoramui, se na pariana na konimui na mani sauvulagiana laka amu melu tana rongona na tinoni mate. Inau nogo na Taovia.

Jeremia 16:6

Igira sui lakalaka na tinoni, igira ara tamani omea danga, migira goto ara tau tamanina sa omea, sauba kara viri mate sui tana butona kao iani, me ke tau goto kauvisu ke kesa ke qilugira se ke tangisigira. Me tagara goto ke kesa ke pari segenina se ke tsara kolekolea na lovana papadana laka e melu sosongo.