Jeremia 47:2 - Ghari

² Maia e tsaria, !“Reia bâ! Na alaala loki na gala ara aligiri, vaga moa na kô e nusu dato tabana i vava, me sauba kara tatarimai vaga moa kalina e tave na obo. Sauba kara tsavu poponoa na butona kao ia, me pipi sui na omea ara totu i laona, igira sui nina verabau, ma na tinoni ara totuvigira. Migira sui lakalaka ara totu tana butona kao ia, sauba kara matagu loki ma kara viri tangitangi.

Jeremia 47:2 Referans Kwoze

Jeremia 46:20

Na Ejipt e vaga moa kesa na buluka daki rerei dou sosongo, me lovo mai i konina kesa na lango na buluka talu i vava me gatia.

Jeremia 8:16

Igira gada gala ara sagemai nogo tana verabau ni Dan; migita a rongominogoa na leleona niqira ose. Me kasisi na kao popono kalina ara kakanga. Igira gada gala ara maimai gana kara toroutsania nida kao, me pipi sui lakalaka na omea i laona, ma nida verabau kolugira sui goto na tinonina.”

Jeremia 1:14

Maia e tsarivaniau, “E tû tabana i vava, sauba na omea seko loki ke taqetu tsavugira sui igira ara totuvia na kao iani,

Na Katemai 17:15

Ma na angelo e tsarigotoa vaniau, “Ma na ko loki igoe o reia i tana e totukae na rebi ia, aia nogo na papadana na duli sui pipi tana vera, ma na puku, ma na mamatana tinoni, ma na tavosi goko sui.

Na Katemai 17:1

Mi muri, me tuu kesa tu vidaqira tugira vitu na angelo ara tu tamanina vitu na popo na korena God, maia e mailaba i koniqu me tsarivaniau, “Ko mai, minau sauba kau sauvulagi vanigo na kede loki e totu pitua na rebi tangirongo ia. Ma na rebi ia, aia nogoria na vera loki ara logoa i ligisaqira na ko loki danga.

Iakobo 5:1

!Mi kalina eni, igamu goto amu tamanina na omea danga kamu rorongo mai! !Kamu ngangai ma kamu tangitangi, rongona e varavara nogo kara gadovigamu danga na rota loki!

1 Korint 10:28

Me ti vaga ke kesa ke tsarivanigo: “Goena, na mutsa iani ara savorinogoa vanigira na tidao.” Mi tana igoe ko laka moa na ganiana na mutsa ia, rongona ko tau sekoliginia nina papada aia e tsarivanigo na goko vaga ia.

1 Korint 10:26

Rongona ara marenogoa tana Mamare Tabu na tsaqina goko vaga iani: “Na barangengo ma na vangana sui lakalaka i laona nina tamani nogo na Taovia.”

Nahum 1:8

Aia e vaga saikesa moa na obo loki e oboti poponoa na verabau ni Ninive, me matesigira sui lakalaka igira ara petsakoe mangana aia.

Daniel 11:22

Masei moa ti ke tovoa na utusiana, me sauba kara matesi ligia, atsa moa ti aia nina Mane Tabu Loki God.

Jeremia 48:39

!Na Moab e tarutu saikesa nogo! !Kamu ngangaidato! E paluvangamana nogo na Moab. Aia e toroutsa saikesa, migira sui na puku ara totu polipolia ara tsiria. Inau nogo na Taovia au tsaria na omea iani.”

Jeremia 46:13

Mi kalina a Nebukadnesar na taovia tsapakae ni Babilonia e mai na bokiana na Ejipt, ma na Taovia e goko tugua vaniau me tsaria,

Isaia 59:19

Me ke tû i longa me ke tsau votu i tasi, sauba igira na tinoni sui kara matagunia na asana tabu ma na susuligana loki. Maia sauba ke maiginigira vaga moa na tatarina na obo loki kalina na guguri loki e sulukaea na kô.

Isaia 28:17

Minau sauba kau naua ma na pedegoto ke lia vaga na totovona nimui sasaga, ma na goko mana ke lia vaga na totovona nimui tsaqina goko.” Ma kau moloa na kolina usa kakai vaga na vatu ke salaligigira sui lakalaka nimui tsaqina goko peropero amu vataragi bâ i koniqira, ma na obo loki ke obotigira sui na omea igamu amu tsotsovata i koniqira.

Isaia 22:1

Iani e vaga na goko e kalea na Poi na Moro. ?Igamu na tinoni ni Jerusalem nagua sagata e laba? ?Rongona gua ti igamu sui amu mutsamutsa mamu magemage tana nauna e atsa i kelana na valemui?

Isaia 15:8

Me pipi sui lakalaka na nauna tana nina votavota na kao ni Moab e tangi moa na leleona na ngangai. Mara rongomia tsau bâ tana vera ni Eglaim mi Beerelim.

Isaia 14:31

“!Kamu kakanga ma kamu gu loki ma kamu gagariri tana matagu igamu sui lakalaka na verabau tana Pilistia! Na pungu loki e datomai nogo talu i vava, aia nogo na alaala loki na mane vaumate susuliga, me tau goto posu sa vidaqira.”

Linge 98:7

!Igoe na tasi loki, me pipi sui lakalaka na omea ara mauri i laomu, kamu viri leleo takuti; migoe na barangengo, migira na tinoni sui ara mauri i laomu kamu lilinge!

Linge 96:11

!Kara ka magemage kaira na barangengo ma na masaoka! !Kara viri leleo takuti na tasi loki me pipi sui lakalaka na omea ara mauri i laona;

Linge 50:12

“Eo, me ti vaga inau kau dona na vitoa, me sauba e utu inau kau nongi mutsa i konimui igamu, rongona na barangengo popono ma na vangana sui i laona igira sui lakalaka niqu omea nogo inau.

Linge 24:1

Na barangengo migira sui pipi na vangana i laona nina omea nogo na Taovia; migira sui goto ara mauri i laona ara nina nogo aia.

Jeremia 6:22

Ma na Taovia e tsarigotoa, “Kamu reia bâ kesa na alaala loki na gala ara maimai nogo talumai i vava. Aia na puku susuliga sosongo ara vangarau manogatinogoa na vailabu, mara aligiri na mai talu tana vovosana na barangengo.

Jeremia 46:12

Nimu mane vaumate ara vaisudugi, mara viri puka sui i lao. E tau managamui tana vailabu, migira sui na puku tavosi ara rongomia tana rongona gamui paluvangamâ, ma na tatangina nimui ngangai e kuvia na barangengo popono.

Jeremia 46:24

Me sauba nomoa ke paluvangamaqira na Ejipt, kalina inau kau mologira i limaqira na tinoni ara talumai tabana i vava. Inau nogo na Taovia au tsaria na omea iani.”