Jeremia 46:4 - Ghari

⁴ !Vangaraugira nimui ose ma kamu sagekae i kelaqira! !Sagelia gamui kepi, ma kamu tû palatete! !Asa vavangagira nimui bao, ma kamu sagelia nimui tako!’

Jeremia 46:4 Referans Kwoze

Jeremia 51:3

Kamu laka na tamivaniaqira na mane vaumate ni Babilon kara tamani taguna na sageliana niqira tako, ma na gini vanavana niqira pipili. !Kamu laka goto na gaeaqira na mane vaolu! !Kamu matesiligigira sui lakalaka niqira alaala popono na mane vaumate!

Esekiel 21:28

“Dalena tinoni igoe, ko katevulagia niqu goko vanigira na tinoni ni Amon igira ara pea sosongoligira na Israel, mo ko tsarivanigira na omea iani inau na Taovia God au tsaria: ‘Kesa na isi e totu vangarau manoga nogo gana na matesiligiamui. Maia ara kotsa malenogoa agana na labumate, me anga vaga moa na kirapina na angaanga.

Nehemia 4:16

Me tuturiga tana tagu ia me bâ, migira na turina moa niqu mane ara aqoaqo, ma na turina ara sagelia gaqira sagore, mara tangolia niqira bao, ma na tako, ma na parige, mara tutû vangerau. Migira gamami ida ara sangadou sosongoligira na tinoni

2 Turupatu Dato 26:14

Ma Usia e sauvanigira nina mane vaumate na tako, ma na bao, ma na kepi tapala, ma gaqira tako tapala ara sagelia, na parige ma na pipili, ma na vatu gana na gini tatai tana kurupaqala.

1 Samuel 17:38

Maia e tû, me sauvania a David gana omea na vailabu: e sagelivania gana tako tapalamila, me moloa gana kepi tapalamila i lovana a David.

1 Samuel 17:5

ma na aseasena e poroginia na tako tapalamila, ma na tako ia e gana ngongo tsege sangavulu vitu kilo na mamavana, me kesa na kepi tapalamila i lovana.

Jeremia 51:11

Na Taovia e tsavalagira na taovia tsapakae tana Media, rongona aia e padanogoa ke toroutsania na Babilon, gana ke gini tangotuguna nina Vale Tabu ara toroutsania. Migira gaqira taovia na gala ara ketsaligira niqira tinoni, “!Kamu katsu vavangagira nimui pipili! !Ma kamu tangoli vangaraua nimui tako!

Joel 3:9

“Bâ, mi kalina ia igoe a Joel nimu aqo ko katevulagia na goko vaga iani vanigira na tinoni sui: ‘!Kamu vangaraua na vano na vailabu! !Kamu soamaigira igira nimui malagai susuliga bâ, me pipi sui goto nimui mane vaumate tavosi, ma kamu alavano!

Isaia 8:9

!Kamu rorongo igamu na puku sui amu totu tana vera ao! !Kamu vangarauragoa na sai alaala na vano tana vailabu! Sauba nomoa kamu tavongani matagu me ke puka lê gamui susuliga.

Jeremia 46:14

“Katevulagia na omea iani i laoqira na vera tana Ejipt, i Migdol, mi Mempis, mi Tapanes: ‘!Kamu totu vangarau na dilana gamui tsari, rongona pipi sui na omea amu tamanigira sauba kara toroutsanigira tana vailabu!