Jeremia 44:10 - Ghari

¹⁰ Me tsau mai i dani eni igamu amu tau saikesa gini vangamâ ma kamu molotsunali segenimui. Mamu tau goto padalokiau inau, se kamu mauri murigira na ketsa sui inau au saunogoa vanigamu igamu migira goto na mumuamui.

Jeremia 44:10 Referans Kwoze

Goko Tabana 28:14

Ko rongomangana sailagi na Taovia migoe sauba ko mage. Ti vaga igoe o tsatsarae, me sauba ke seko vanigo.

Na Katemai 15:4

?Asei sauba ke tau kukuni tanigo Taovia? ?Masei sauba ke sove na gini turupatuna na lokimu? Igoe segeni moa o tabu loki sosongo. Migira na tinoni pipi sui tana vera sauba kara mai ma kara samasama vanigo, rongona nimu aqo ara gotolaka saikesa, mara labamaka i mataqira na tinoni sui.”

1 Petero 5:6

Me vaga ia, ma kamu molotsunali segenimui i matana God. Maia sauba ke sulukaegamu tana tagu aia ke pedea.

Jeremia 8:12

?Igamu niqu tinoni, laka amu dona na gini vangamâ na nauana na omea marasibiga vaga gira? Tagara, amu tau saikesa dona na gini vangamâ. Me vaga ia, kalina inau kau kedegamu, migamu sauba kamu puka vaga nogo igira na tavosina, ma kamu viri mate sui. Inau nogo na Taovia au tsaria na omea iani.

Roma 11:20

E mana rago ia. Ara tabakeligi igira na Tsiu rongona ara tau tutunina. Migamu amu totukakai tana gaina rongona amu tutunina. Ma kamu tau moa gini kaekae matena. Kamu matagu moa, ma kamu parovata.

Luka 23:40

Maia kesa na tukatso tavosi e tongo vania me tsaria: “?Mogua igoe, laka o tau matagunia God? Tugita sui tu totu tana mate atsa.

Mateo 27:54

Mi kalina aia niqira taovia na alaala na mane vaumate, kolugira ara totukolua tana mara pipitua a Iesu, ara vatsangia na vuluge, mara reia pipi sui na omea ara laba tana, ara gini matagu mate mara tsaria, “!E mana nomoa laka na Dalena God manana aia!”

Malaki 4:2

Migamu na tinoni amu rongomangaqu inau, sauba na susuligaqu gana na tusumauri ke sinarigamu vaga na aso, ma na lalaina ke maurisiginigamu. Me sauba kamu totu tanusi ma kamu magemage vaga moa na dalena buluka kalina ara sangavi vanigira na matsapana na baraqira, mara gini mage na rutsu ma na ulo bamai i taba.

Esekiel 9:4

“Ko liuvia na Jerusalem popono, mo ko moloa kesa na padapada tana raeqira igira sui ara gini melu mara padasavi tana rongoqira na omea marasibiga sui ara laba i laona na verabau iani.”

Jeremia 36:24

Maia na taovia tsapakae migira na tinoni lokiloki ara tau lelê goto gini matagu, se kara saua sa papadana laka ara padasavi kalina ara rongomia na omea sui girani.

Jeremia 10:7

?Masei ke tau padalokigo igoe na taovia tsapakae kaputigira na puku sui? E ulagana nomoa kara padalokigo, rongona e tagara goto ke kesa ke atsa kolugo igoe i laoqira na tinoni sasaga pipi sui tana puku, se i laoqira niqira taovia tsapakae.

Isaia 66:2

Inau segeniqu nogo au vusagira na omea sui. Minau au reingaogira bâ igira ara totu palatsuna, mara padasavia niqira sasi, mara kukuni taniau, mara rongomangaqu.

Isaia 57:15

“Inau nogo na God tabu loki mau totu saviliu. Inau au totu i gotu vasau tana nauna tabu, mau totu goto i laoqira na tinoni ara totu palatsuna mara padasavia niqira sasi, gana kau kakaisia na tobaqira, ma kara gini mauri doutugua.

Goko Tabana 16:6

Ko tobalaka mo ko tukakai, me sauba God ke padalegira nimu sasi. Ko kukuni tania na Taovia, me sauba ke tagara goto sa omea seko ke laba vanigo.

Goko Tabana 14:16

Na tinoni sasaga e parovata sosongo rongona ke gini totuligi tania na omea seko, maia e tau sasaga e tau dona na parovata me tau goto gini boe ti e dou se e tau dou na omea aia e naua.

Goko Tabana 8:13

Aia e kukuni tania na Taovia e reisavigira na omea seko; inau au reisavi sosongolia na kaekae ma na koesegeni, na sasaga tabaru ma na goko peropero.

Linge 51:17

Ngiti niqu kodoputsa aia nogoria niqu molotsunali segeniqu i matamu igoe niqu God; me utu igoe ko sove tania kesa aia e molotsunali segenina me pilotoba tanigira nina sasi.

Linge 34:18

Na Taovia e totu varangisigira igira e ponopala na tobaqira; me maurisigira igira ara padâ laka e utu vanigira nogo kara lia sa omea.

2 Turupatu Dato 34:27

mo gini padasavi sosongo nogo, mo molotsunali segenimu i mataqu inau, mo ratsivotâ na polomu mo ngangai kalina igoe o rongomia laka sauba kau kede koeguania inau na Jerusalem migira na tinoni i laona. Minau au rongominogoa nimu nonginongi,

2 Turupatu Dato 33:19

Ma na gokona nina nonginongi na taovia tsapakae me koegua God e tuguvisu vania, ma na turupatuna nina sasi sui aia e naugira tana idana kalina aia e tau vati pilotoba, igira na omea tabaruga aia e naugira, migira na nauna niqira mani samasama igira na ponotoba migira na nununa na god daki ko Asera aia e aqosigira, migira goto na titinonina na god peropero aia e samasama vanigira, ara maretsunagira sui nogo tana papi ara soaginia Niqira Aqoaqo igira na Propete.

2 Turupatu Dato 33:12

Mi tana nina rota loki aia e molotsunali segenina, me pilo bâ i konina na Taovia nina God, me nongia ke sangâ.

2 Turupatu Dato 32:26

Mi tana susuina ti aia Hesekia migira na tinoni ni Jerusalem ara molotsunali segeniqira, maia na Taovia e tau nogo kedegira na tinoni poi tsau murina na mateana a Hesekia.

2 Taovia Tsapakae 22:19

mo gini padasavi sosongo nogo, mo molotsunali segenimu i mataqu inau, mo ratsivotâ na polomu mo ngangai, kalina igoe o rongomia laka kau kede koeguania inau na Jerusalem migira nina tinoni. Inau sauba kau naua me ke mataguniga loki sosongo na rereina na Jerusalem, migira na tinoni sauba kara gini aqo na asana Jerusalem tana vealaginiaqira na tinoni. Minau au rongominogoa nimu nonginongi,

1 Taovia Tsapakae 21:29

“?Laka o tau reia igoe a Ahab e molotsunali segenina i mataqu inau? Eo, mi tana rongona nogo e nauvaganana ia, ti inau sauba kau tau moloa na rota seko loki ke gado i konina i laona na maurina; mi tana maurina moa na dalena ti inau sauba kau moloa na rota seko loki ke gadovigira nina vungu a Ahab.”

Binaboli 10:3

Me vaga ia, mi kaira a Moses ma Aaron ara ka vano i konina na taovia tsapakae mara ka tsarivania, “Na Taovia niqira God na Hibru e tsarivanigo, ‘?Ke oka koegua sagata goto ko sove na rongomangaqu inau? Ko tamivanigira niqu tinoni kara vano, rongona kara gini samasama vaniau.

Binaboli 9:30

Minau au donagininogoa laka igoe migira nimu mane sasanga amu tau moa vati matagunia na Taovia God.”

Binaboli 9:17

Migoe o kaekae sosongo moa mo tau tamivanigira niqu tinoni kara vano.

Linge 78:10

Mara tau goto manalia niqira tabana na vaitasogi ara naua kolua God; mara sove goto na muriana nina ketsa.

Jeremia 6:15

?Me laka ara dona na vangamâ rongona ara naua na omea marasibiga vaga gira? Tagara, igira ara tau saikesa dona kara gini vangamâ na omea seko ara naua. Me vaga ia, migira sauba kara puka vaga igira na tavosina; mi kalina inau kau kedegira mi tana nogo kara viri mate sui. Inau nogo na Taovia au tsaria na omea iani.”

Jeremia 26:4

Na Taovia e ketsaliau kau tsarivanigira na tinoni na goko vaga iani, “Inau na Taovia au tsarinogoa vanigamu laka nimui aqo kamu rongomangaqu inau, ma kamu murigira pipi sui niqu ketsa au saunogoa vanigamu,

Jeremia 32:23

Bâ, mi kalina ara mai tana kao iani mara aditamaniqira, migira ara tau goto rongomangamu, se kara mauri murigira nimu ketsa; mara tau saikesa naua na omea vaga igoe o ketsaliginigira kara naua. Maia nogo na rongona ti igoe o alomaia na rota seko loki e gadovigira kalina ia.

Jeremia 44:23

Tana rongona nogo igamu amu savori-kodoputsa vanigira na god peropero, mamu sasi i matana na Taovia mamu tau murigira nina ketsa sui, te e gadovigamu na toroutsa loki iani kalina ia.”

Isaia 42:24

?Asei e mologira na Israel tana limaqira igira na vanga komi? !Aia segenina nogo na Taovia, aia igita a sasi i matana! Migita segeni nogo a sove na muriana na sautu aia e pedea vanigita, ma tau goto ngaoa na muriana nina ketsa ma nina vali.

Jeremia 5:3

Taovia igoe o ngao sosongolia laka igira na tinoni kara muria na sautu goto. Igoe o labugira, migira ara tau goto gini boe. Mo tsogori rapasigira, migira ara sove moa na rongomiana nimu totosasaga. Ara baribari sosongo, mara tau goto piloligi tanigira niqira sasi.