Jeremia 43:7 - Ghari

⁷ Migira ara sove na muriana nina ketsa na Taovia, mara vano nomoa tana Ejipt, mara ba totu tana verabau ni Tapanes.

Jeremia 43:7 Referans Kwoze

Jeremia 44:1

Na Taovia e goko vaniau, inau a Jeremia, tana rongoqira igira sui na tinoni ni Israel ara totu i Ejipt, i tana verabau ni Migdol, mi Tapanes, mi Mempis, mi tana butona kao tabana i ata.

Jeremia 2:16

Eo, igira na mane ni Mempis mi Tapanes ara tsara koakoa na lovana.

Jeremia 46:14

“Katevulagia na omea iani i laoqira na vera tana Ejipt, i Migdol, mi Mempis, mi Tapanes: ‘!Kamu totu vangarau na dilana gamui tsari, rongona pipi sui na omea amu tamanigira sauba kara toroutsanigira tana vailabu!

Isaia 30:4

Me atsa moa ti igira niqira mane adigoko ara ba tsau nogo i Soan mi Hanes kaira ruka na verabau tana Ejipt,

Esekiel 30:18

Ma na rodo pulipuli sauba ke tsavu poponoa na verabau ni Tapanes kalina inau kau adiligia gaqira tangirongo igira na Ejipt, ma kau suilavagini vanigira na susuligaqira ara gini kaekae sosongo. Me kesa na parako ke tsavu poponoa na Ejipt, migira na toga sui i laoqira pipi sui nina verabau sauba kara aditsekavanogira.

2 Turupatu Dato 25:16

Mi tana, ma Amasia e kutia nina goko na propete me tsaria, “?Laka ingisa nogo igami ami mologo igoe ko lia na mane sauparovata vania na taovia tsapakae? !Ko mui, ti tagara ma kau matesigo inau!” Maia na propete e mui me tsaria moa, “Kalina ia inau au dona laka God e padakuti matena nogo na matesiamu igoe, rongona igoe o naugira na omea sui girani, mo sove na muriana niqu goko parovata.”

Isaia 30:2

Igira ara vano na lave sasanga i Ejipt mara tau goto padâ kara nongiau talu inau. Ara ngaoa moa na Ejipt ke isutuguqira, me vaga ia migira ara norua moa na susuligana na taovia tsapakae ni Ejipt.

Jeremia 44:24

Mau tsarivanigira na tinoni sui, putsikae bâ igira na daki, “Igamu sui na tinoni ni Juda amu totu tana Ejipt kamu rongomia na omea aia na Taovia Susuliga Sosongo na God ni Israel e tsarivanigamu: Igamu, kolugira goto na taumui, amu vatsa nogo vania na Daki Taovia ni Baragata laka sauba kamu savori-kodoputsa vania aia, ma kamu qetuvania nimui sausau na uaeni, mamu manalinogoa nimui veke. !E doua! !Bâ gamu, ma kamu manaligira rago nimui veke amu naua!

2 Taovia Tsapakae 25:26

Mi muri, migira sui lakalaka na Israel igira ara tamani danga, migira ara tau tamanina sa omea, kolugira goto niqira taovia na mane vaumate, ara tû mara mololea i tana, mara vano sui i Ejipt, rongona ara matagunigira na Babilonia.

Jeremia 41:17

Ara mataguni sosongoligira na Babilonia rongona a Ismael e labumatesinogoa a Gedalia, aia na taovia tsapakae ni Babilonia e molokaea ke lia na taovia tagao kaputia na butona momoru ia. Me vaga ia, migira ara vano kalea i Ejipt gana kara tsogoligi tanigira na Babilonia. Mara ba tsau i Kimham varangisia i Betlehem mi tana ara mango.

Jeremia 42:21

Mi kalina ia, inau au tsarivulaginogoa vanigamu pipi sui na omea aia na Taovia nida God e molovaniau kau tsaria, migamu amu sove moa na rongomangana aia.