Jeremia 43:2 - Ghari

² mi tana, mi kaira a Asaria na dalena a Hosaia, ma Johanan na dalena a Karea, migira sui goto na tinoni vanga kaekae, ara tû, mara tsarivaniau, “Igoe a Jeremia o peropero sosongo. Na Taovia nida God e tau saikesa mologo igoe ko tongo vanigami na ba totu i Ejipt.

Jeremia 43:2 Referans Kwoze

2 Turupatu Dato 36:13

Maia Sedekia e tû me sove tania a Nebukadnesar na taovia tsapakae, aia nogo e raia ke gini vatsa na asana God laka aia sauba ke totukakai i konina. Ma Sedekia e baribari sosongo me sove saikesa na pilovisutugua i konina na Taovia na God ni Israel.

1 Petero 5:5

Migamu na tinoni vaolu nimui aqo kamu nauvaganana goto. Kamu rongomangaqira na tinoni loki. Migamu sui kolu, na tinoni loki ma na tinoni vaolu, kamu dona na palatsuna, ma kamu vaisangagi igamu ruka tabana. Rongona ara katevulaginogoa tana Mamare Tabu laka “God e tukapusigira na kaekae, me vangalaka vanigira ara palatsuna.”

Iakobo 4:6

Eo, ma God e vangalaka sosongo goto baa vanigita. Me vaga nogo ara marea tana Mamare Tabu mara tsaria, “God e tukapusigira na kaekae, me vangalaka vanigira ara palatsuna.”

Jeremia 43:1

Mi kalina inau a Jeremia au tsari suinogoa na omea na Taovia niqira God e mologiniau kau tsarivanigira,

Jeremia 42:1

Mi muri, migira sui lakalaka gaqira taovia na mane vaumate, kolukaira a Johanan na dalena a Karea, ma Asaria na dalena a Hesaia, migira sui goto na tinoni lokiloki, ma na tinoni lê, ara tû, mara mailaba i koniqu inau a Jeremia

Jeremia 40:8

migira ara tû, mara vano sai alaala kolua a Gedalia i Mispa, tugira nogo a Ismael na dalena a Natania, ma Johanan na dalena a Karea, ma Seraia na dalena a Tanumet, migira na dalena a Epai ni Netopa, ma Jesania ni Maaka, kolugira niqira tinoni.

Jeremia 13:15

!Igamu na tinoni ni Israel, na Taovia e goko nogo vanigamu! Nimui aqo kamu molotsunali segenimui ma kamu rongomia na omea aia e tsaria.

Goko Tabana 16:5

Na Taovia e reisavigira igira sui na vanga koesegeniqira; me sauba e utu saikesa ke tamivanigira kara tsogo tania na kede e totu pitugira.

Jeremia 41:16

Mi tana, ma Johanan kolutugira gaqira taovia na mane vaumate ara adigira na tinoni ni Mispa, igira sui na mane vaumate, ma na daki ma na baka, ma na mane loki, igira nogo a Ismael e aditsekavanogira murina aia e labumatesia a Gedalia.

Goko Tabana 30:9

Ti vaga inau kau tamani omea danga sosongo, me tau utu kau tia tagarago ma kau tsaria, “?Laka asei vaga God?” Se ti vaga kau tau tamanina sa omea, me tau utu kau komi ma kau gini paluvangamamu igoe niqu God.

Goko Tabana 8:13

Aia e kukuni tania na Taovia e reisavigira na omea seko; inau au reisavi sosongolia na kaekae ma na koesegeni, na sasaga tabaru ma na goko peropero.

Goko Tabana 6:17

na vanga kaekae, na lapi vanga pero, na lima e labumatesigira na tinoni tsalapo,

Linge 123:4

Ara tsiri sekoligami oka sosongo nogo igira ara tamani omea danga, mara peagami igira na vanga kaekae.

Linge 119:21

Igoe o totosasaga vanigira ara kaekae; ko vealaginigira igira ara sove na muriaqira nimu ketsa.

Linge 12:3

!Ko tû Taovia, mo ko muisia na lapiqira puipui! Ko vongo kapusia na mangaqira igira ara gini goko kaekae mara tsarivaganana ia,

Binaboli 9:17

Migoe o kaekae sosongo moa mo tau tamivanigira niqu tinoni kara vano.

Binaboli 5:2

Ma na taovia tsapakae e veisuakaira, “?Asei vaga na Taovia? ?Rongona gua ti kau rongomangana aia ma kau tamivanigira na Israel kara vano? Inau au tau donaginia na Taovia; me sauba e utu goto kau tamivanigira na Israel kara vano.”

Tuturigana 19:14

Mi tana, ma Lot e vano ka koniqira kaira na mane sauba kara ka taugâ na dalena me tsarivanikaira, “Tsaku ma kamu ka vanoligi tania ieni; rongona na Taovia sauba ke toroutsania na verabau iani.” Mi kaira ara ka padâ laka aia e goko sinagi moa.

Jeremia 18:18

Mi tana, migira na toga ara tsaria, “!Ida igita ma ka vorogana mate a Jeremia! Sauba kara totu sailagi moa visana na manetabu kara sau totokoe vanigita, ma na mane sasaga loki kara parovatavigita, ma na propete kara katevulagi vanigita nina goko God. Ida ma ka kelipero gana, ma ka laka goto na rongomiana na omea aia ke tsaria.”

Jeremia 42:5

Mi muri, migira ara tsarivaniau, “Na Taovia nogo ke kedegami ti vaga igami kami tau muridougira pipi sui nina ketsa aia na Taovia nida God e sauvanigami tana mangamu igoe.

Jeremia 42:20

laka e tau saikesa goto na omea igamu amu pada na nauana. Eo, amu nongiau inau kau nonginongi vania na Taovia nida God vanigamu, mamu vekea laka sauba kamu naua pipi sui na omea aia ke ketsaliginigamu.

Jeremia 44:16

“Igami ami sove saikesa na rongomiana na omea igoe o tsarivanigami tana asana na Taovia.

Isaia 9:8

Na Taovia e votapede nogo vanigira na Israel, me vanigira goto na kukuana a Jakob.