Jeremia 43:12 - Ghari

¹² Inau sauba kau mololakena niqira valetabu niqira god peropero na tinoni ni Ejipt, maia na taovia tsapakae ni Babilonia sauba ke kodogira goto na titinonina niqira god peropero, se ke kalagaivanogira. Aia sauba ke adiligigira na omea sui lakalaka tania na kao ni Ejipt, vaga moa kalina na mane pitusipi e malesiligigira sui na ngutuna nina sipi tania na polona. Mi muri, kalina e mana nogo gana, maia ke tû me ke vanoligi.

Jeremia 43:12 Referans Kwoze

Esekiel 30:13

“Minau na Taovia God au tsarigotoa laka inau sauba kau toroutsanigira sui na titinonina lê niqira god peropero ara totu tana niqira verabau i Mempis. Ma kau tsialigia niqira taovia tsapakae, me ke tagara goto ke kesa ke tagao tana Ejipt, ma kau gini molo matagu loki vanigira na tinoni sui.

Isaia 49:18

Ko moro bamai mo ko reia na omea e laba. Igira nimu tinoni ara saikolu, mara vivisumai i vera. E mana vaga nogo inau na God mamauri igoe sauba ko gini kaekae igira nimu tinoni, vaga nogo kesa na daki tauga vaolu kalina e sagelia gana inilau.

Isaia 19:1

Iani nogo e vaga na goko tana rongona na Ejipt. Na Taovia e sagekae i kelana na parako, me maimai tsaku kalea i Ejipt. Migira na god peropero ni Ejipt ara gagariri i matana ia, migira na tinoni e puka lê rebona gaqira susuliga.

Jeremia 48:7

“Moab igoe o norua moa na susuligamu segeni, mo tsotsovata tana nimu omea tatamani danga, mi kalina ia, atsa moa goto igoe, me sauba nomoa kara tuliusigo, ma kara aditsekavanoa Kemos nimu god peropero, kolugira goto nina manetabu, migira nimu tinoni lokiloki.

Jeremia 46:25

Na Taovia Susuliga Sosongo, na God ni Israel, e tsaria, “Inau sauba kau kedea Amon, niqira god peropero na Tebes, kolua na Ejipt, ma nina god peropero, ma nina taovia tsapakae, migira sui goto ara vataragi i konina aia.

Linge 104:2

mo gini tsatsavu popono na marara. Igoe nogo o vuresia na baragata vaga moa ti na valepolo,

Nina Papi A Job 40:10

Me ti ke vaga ia, migoe ko adia na sasaqu inau, mo ko gini popolo gamu tangisoa ngiti inilau, mo ko totu palakae liusigira na tinoni sui.

Esta 6:9

Mi muri ti ko ketsalia kesa vidaqira nimu tinoni lokiloki aia e dato liuliu bâ, ke sagelivania na polona na mane ia, me ke molodatoa i gotuna na ose, me ke idaida vania me ke tangolia na itaina nina ose, me ke liu bâ tana pakokana na verabau. Mi kalina kara ka vavano, maia ke gugû me ke tsaria, ‘!Kamu reia aia nogo e vaga kalina na taovia tsapakae e tsonikaea kesa tinoni aia e padalokia!’ ”

2 Samuel 5:21

Mi kalina igira na Pilistia ara viri tsogo mara mololegira i tana na titinonina niqira god peropero, ma David migira nina mane ara kalagailigigira.

Binaboli 12:12

“Mi tana bongi nogo ia sauba inau kau liusaviliu i laona na kao popono tana Ejipt, ma kau labumatesigira sui pipi na daleqira mane botsaida na tinoni ma na omea tuavati, ma kau kedegira goto pipi sui na god peropero tana Ejipt. Inau nogoria na Taovia.

Kolose 3:14

Putsikae baa kamu dona na vaigaluvegi, aia nogoria na pukuna na mauri tana tobasai ma na sasaga dou sui.

Kolose 3:12

Igamu nina tinoni God. Aia e galuvegamu, me viligamu kamu lia nina tinoni segeni. Vaga ia, migamu nimui aqo kamu dona na vaiaragogi, na vaisangagi, na pea segenimui, na totu tsalapo dou ma na berengiti.

Epesus 6:11

Kamu sagelia pipi gamui sagore aia God e saugira vanigamu, rongona ke gini managamui na tukapusiginiaqira nina valovalo na tidao seko.

Epesus 4:24

Nimui aqo kamu sagelia na mauri vaolu, vaga nogo God e aqosia tana nununa segeni nogo, me labavulagi segenina tana mauri laka, ma na sasaga e goto saikesa me male saviliu.

Roma 13:12

Eo, na tagu igita a totu i laona kalina ia, e vaga moa e bongi oka nogo, me varavara nogo ke dani. Ida gita ma ka mololea na nauana na omea seko na tinoni ara dona na nauana tana rodo, ma ka sagelia gada sagore gana na vailabu tana mararana.

Sepania 2:11

Na Taovia sauba ke molo matagu vanigira, me ke adipukalia gaqira susuliga na god peropero sui tana barangengo. Mi tana ti igira na tinoni sui kara dona na samasama vaniana moa aia pipi tana niqira kao segeni.

Jeremia 51:44

Inau sauba kau kedea Bel niqira god peropero na Babilon, ma kau naua maia ke tusuvisugira na omea sui e komia i koniqira na tinoni; migira sui na puku na tinoni sauba e utu goto kara samasama vania. “Ara viri puka sui nogo na baravatuna na Babilon.

Jeremia 50:2

“!Kamu turupatuna na goko iani vanigira na puku sui! !Kamu katevulagia vanigira! !Kamu uvia na tavuli ma kamu tsarivulagi bamaia na goko iani ma kamu laka goto na molopoiana! !E puka nogo na Babilon, mara tairutunogoa Marduk nina god peropero! !Ara paluvangamaqira sui nogo nina titinonina na god peropero ni Babilon, mara tsogori rapasigira goto na nununa lê nina god peropero marasibiga!

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Isaia 61:5

Igamu niqu tinoni, sauba igira na tinoni ni veratavosi kara aqo vanigamu. Kara reitutugugira nimui sipi, ma kara aqosigira nimui uta na mutsa, ma kara reitutugugira nimui uta na uaeni.

Isaia 59:17

Aia sauba ke sagelia na pedegoto ngiti tako, ma na susuligana gana na maurisi tinoni ngiti kepi tapala. Me ke gini popolo na papada susuliga gana na gotosiaqira na omea ara tau goto, ma na tangotuguaqira nina toga tana rongona na pede tau goto ara rotasiginigira.

Isaia 52:1

!Jerusalem, ko susuliga me ke tangitugua gamu rongo! !Igoe nina verabau tabu God, ko sagelia gamu inilau angaanga! Igira na ponotoba sauba e utu goto kara sagemai i laomu.

Isaia 46:1

Ma na Taovia e tsarigotoa, “!Iani nogo na susuina gaqira tangirongo igira na god peropero ni Babilon! I sau igira na tinoni ni Babilon ara samasama vanikaira Bel ma Nebo ruka niqira god peropero. Mi kalina ia ara lutsangikaira tana asi, mara ka lia na kalagai mamava tana gotuqira na omea tuavati ara kolae sosongo nogo.

Isaia 21:9

!Bâ, mi kalina ia inau au reigira ara maimai nogo na mane sage tana ose mara palapala!” Mi muri maia e gudato goto me tsaria, “!Na Babilon e puka sui nogo! Mara viri tarutu sui na titinonina na god peropero ara samasama vanigira.”

Linge 132:18

Inau sauba kau paluvangamaqira popono igira gana gala, ma kau naua ma gana susuliga ke pabo babâ me ke totu kakai saviliu.”

Linge 132:16

Sauba kau tabugira nina manetabu i laona pipi sui niqira aqo ara naua, migira sui nina tinoni sauba kara linge ma kara gudato tana magemage.

Isaia 46:2

Na titinoni gira ara tau tangomana kara maurisi segeniqira. Ara mai na gala mara laugira mara kalagailigigira. !Iani nogo na susuina gaqira tangirongo igira na god peropero ni Babilon!

Jeremia 43:13

Aia sauba ke toroutsanigira na vatu tabu ara turuvaginigira i Heliopolis tana Ejipt, me ke tungia niqira valetabu igira na god peropero ni Ejipt.”

Jeremia 49:27

Inau sauba kau mololakena na baravatuna na Damaskus, ma kau tungigira goto na valena a Benhadad na taovia tsapakae. Inau nogo na Taovia Susuliga Sosongo au tsaria na omea iani.”

Esekiel 29:11

Me sauba ke tagara goto sa tinoni se sa omea tuavati ke tangomana na liu bâ i tana. Mi laona ke vati sangavulu na ngalitupa popono e utu goto ke mauri sa omea i laona.

Daniel 11:8

Maia sauba ke kalagai visugira tugua i Ejipt na nunuqira igira niqira god, kolugira goto pipi sui na omea ara aqosiginia na qolumila ma na siliva ara balo vanigira nogo na god peropero girani. Mi laona ke visana na ngalitupa sauba ke tagara goto na vailabu, me ke totu moa na rago.

Jeremia 10:11

Igamu na tinoni ni Israel kamu tsarivaganana vanigira na tinoni ponotoba, “Nimui god peropero igamu ara tau aqosia na barangengo ma na masaoka, me sauba kara toroutsa sui. Me utu goto kara totu babâ sa nauna tana barangengo.”

Jeremia 10:15

Ara tau saikesa tamani sa rongona, me ulagana nomoa ka reipeagira moa; maia na Taovia sauba ke mai me ke toroutsanigira sui lakalaka.

Jeremia 25:19

Iani nogo na mamarena na soaqira igira sui au raiginigira kara sanga inu tana tseu iani: na taovia tsapakae ni Ejipt, kolugira nina mane sasanga ma na tinoni lokiloki; migira sui na Ejipt kolugira sui goto na puku tavosi ara totu i tana; migira sui na taovia tsapakae tana kao ni Us; migira sui na taovia tsapake tana niqira verabau igira na Pilistia i Askelon, mi Gasa, mi Ekron, ma na turina na Asdod; migira sui na tinoni ni Edom, mi Moab, mi Amon; migira sui na taovia tsapakae ni Tire mi Sidon; migira sui na taovia tsapakae tana butona kao ligisana na Tasi Mediteranean; migira na verabau ni Dedan, mi Tema, mi Bus; migira sui ara putsi teteloa na ivuqira; migira sui na taovia tsapakae ni Arabia; migira sui niqira taovia tsapakae na puku ara totu tana kaomate; migira sui na taovia tsapakae ni Simri, mi Elam, mi Media; migira sui goto na taovia tsapakae tabana i vava, igira ara totu ao, migira ara totu varangi. Pipi sui lakalaka na puku tana barangengo popono sauba nomoa kara sanga na inuviana. Me ke muri tsotsodo na inu i konina, aia nogo na taovia tsapakae ni Babilonia.

Esekiel 29:19

Bâ, mi kalina ia, iani nogo na omea inau na Taovia God au tsaria: Inau sauba kau moloa i limana a Nebukadnesar na taovia tsapakae ni Babilonia na butona momoru popono ni Ejipt. Maia sauba ke laugira pipi sui niqira omea loki matena na Ejipt ngiti vovoliqira nina mane vaumate.