Jeremia 40:9 - Ghari

⁹ Ma Gedalia e tsarivanigira, “Inau au vatsa vanigamu laka e tagara sa rongona kamu gini matagu na molo segenimui i limaqira na Babilonia. Kamu totu rago tana kao iani, ma kamu aqo vania na taovia tsapakae ni Babilonia, me sauba pipi sui na omea ke vano dou vanigamu.

Jeremia 40:9 Referans Kwoze

Jeremia 27:11

Me ti vaga sa puku na tinoni ke tamidoua na totu i limana na taovia tsapakae ni Babilonia, me ke aqo vania, minau sauba kau tamivania ke tototu moa tana nina butona kao segeni, me ke aqo gana i tana. Inau nogo na Taovia au tsaria na omea iani.”

2 Taovia Tsapakae 25:24

Maia Gedalia e tsarivanigira, “Inau au vatsa vanigamu laka e tagara sa rongona kamu matagunigira na mane lokiloki tana Babilonia. Kamu totu rago tana kao iani, ma kamu aqo vania na taovia tsapakae ni Babilonia, me pipi sui na omea sauba ke dou vanigamu.”

Linge 128:2

Na aqo na limamu sauba ko tsodoginia na maurimu; me sauba ko gini magemage mo ko tamanina na omea danga.

Linge 37:3

Migamu kamu norua moa na Taovia ma kamu naua na omea e dou; me sauba kamu mauri oka tana kao mi tana kamu toturavi dou, me ke tagara sa omea seko tangomana ke sekoligamu.

Tuturigana 49:15

Mi kalina aia e reia laka e dou sosongo na nauna tana ke mango, Me laka e dou sosongo goto nina kao, Maia sauba ke ngolia na kalagai mamava, Ma kara turua ke aqo mala tseka.

Tangitangi 1:1

!Eo kiki, e totu mangu lê nomoa na verabau ni Jerusalem, i tana ara mauri danga sosongo na tinoni i sau! Maia nogo na verabau ara padaloki sosongolia tana barangengo popono, mi kalina ia e vaga saikesa moa ti na daki tinamate. Aia e paladato bâ i laoqira na vera sui, mi kalina ia ara aditsekagira sui na tinonina.

Tangitangi 5:9

Igira na tinoni vanga labumate ara liuvia nimami kao popono; migami ami bisâ na maurimami kalina ami ba lavea gamami mutsa.