Jeremia 40:1 - Ghari

¹ Na Taovia e goko vaniau, inau a Jeremia, i murina kalina a Nebusaradan, aia niqira taovia loki na mane vaumate, e nusiligiau nogo tania na totu sosori i Rama. Ara soriginiau na itai tapala, kolugira goto na tinoni sui ni Jerusalem mi tana Juda, gana kara aditsekavanogami i Babilon.

Jeremia 40:1 Referans Kwoze

Epesus 6:20

Ara tsoniau tana vale sosori rongona nogoria au turupatuna bamai na Turupatu Dou iani. Kamu nonginongi vaniau, kau gini malagai babaa na gini goko na Turupatu Dou, vaga niqu aqo nogo na nauana.

Aqoaqo 21:13

Maia e goko me tsarivanigami, “?Nagua vaga amu naua igamu, mamu ngangai vaganana mamu sekoliginia tobaqu? Inau au vangarau segeniqu nogo, tau rongona moa ti kara soriau i Jerusalem, ma na rongona goto ti kau tsodoa na mate i tana rongona nogo na asana na Taovia Iesu.”

Jeremia 31:15

Na Taovia e tsaria, “I Rama ara rongomia na leleo loki, na tangitangi me puka na qouqou. Ko Ratsel e tangisigira na dalena; me tau tangomana ke kesa ke vere raea, rongona na dalena ara mate sui nogo.

Josua 18:25

Migira goto i Gibeon, Rama, Beerot,

Aqoaqo 28:20

Aia nogo na rongona te au soagamu kamu mai, ma kau gini goko kolugamu. Igamu amu reigira nogo na itai tapala girani igira ara soriginiau. Eo, ara soriginiau na itai tapala, tana rongona nogo aia kesa igira na tinoni ni Israel ara amesi okanogoa laka sauba ke mai.”

Linge 107:16

Aia e taitapaligira na matsapa ara aqosiginigira na tapalamila, me taimitsigira na tapala sui ara raveginigira na matsapa.

Linge 68:6

Aia e tusua na vale kara tamanina igira ara totu segeniqira, me nusigira ara totu sosori me mologira kara totu magemage tana kao lakataga. Migira ara sove tania God, sauba kara totu saviliu moa tana kaomate.

1 Samuel 7:17

Mi muri, ti aia ke visutugua i verana i Rama, mi tana goto ke aqo tana pede gotoliaqira na tinoni ni Israel. Me logoa i tana kesa na belatabu vania na Taovia.

Jeremia 39:9

Mi tana susuina, ma Nebusaradan, aia niqira taovia loki na mane vaumate, e aditsekavanogira i Babilonia igira na tinoni ara kauvisu i laona na verabau, kolugira goto igira ara tsogovano nogo tabana kolugira.

Esekiel 33:21

Mi tana tsegenina dani i laona na sangavulunina vula, tana sangavulu rukanina ngalitupana nida totu tsinogo, me kesa na mane e tangomana na tsogo mamauri tania i Jerusalem e mailaba i koniqu inau, me turupatuna vaniau laka na gala ara toroutsani popononogoa na verabau ni Jerusalem.

2 Turupatu Dato 16:1

Mi tana tolu sangavulu ononina ngalitupa nina aqotagao a Asa na taovia tsapakae tana Juda, maia Baasa na taovia tsapakae tana Israel e ba sage i laona na Juda me tuturiga na moloana na baravatuna na verabau ni Rama, gana ke gini utusiginia na sautu na mani liu tsunasage tana Juda.

Jeremia 42:7

Me putsi sangavulu na dani, ma na Taovia e gokotugua vaniau,