Jeremia 4:30 - Ghari

³⁰ !Jerusalem igoe o seko pitsu nogo! ?Laka rongona gua ti o sagelia na polo tsitsibora vaga ara sagelia igira na daki taovia? ?Me rongona gua goto ti o gini inilau na inilau matega loki sosongo mo tolea na matamu? !Igoe o aragolea na rereimu ke gini rereidou sosongo, me tau saikesa tamani sa rongona! Igira ara galuvego i sau ara reisavigo nogo kalina eni, mara area moa na matesiamu.

Jeremia 4:30 Referans Kwoze

2 Taovia Tsapakae 9:30

Mi kalina a Jehu e laba i Jesreel, maia ko Jesebel e rongominogoa na omea e laba vaga ia, me tolea na matana, me aragodoua na ivuna, me ba tutû tana ovana na bisi i laona na valena, me morotsuna i sautu.

Tangitangi 1:19

“Minau au soagira igira ara tabana koluau i sau, migira sui ara sove saikesa na sangaaqu. Migira niqu manetabu ma na tinoni lokiloki ara viri mate sui tana niqu sautu loki, kalina ara lalave gaqira mutsa gana ke tangoligira ma kara gini mauri.

Tangitangi 1:2

Mi tana bongi popono aia e ngangai moa; ma na kô na matana e sarara tsuna tana ngorana. Mi laogira sui lakalaka na kulana ni sau, e tau lelê goto totuvisu ke kesa ke verea. Igira ara tabana kolua tana idana ara tû mara sauligia, mi kalina ia igira sui ara vaigalagi kolua.

Isaia 10:3

?Ma nagua sauba kamu naua igamu kalina God ke kedegamu me ke molomaigira gamui gala talu tana vera ao, ma kara toroutsanigamu? ?Mi konina sei sauba kamu ulo bâ na nongi sasanga? ?Miava moa sauba kamu ba molopoigira nimui omea tatamani?

Esekiel 28:13

Igoe o totu i Eden, nina uta nogo God, mo gini inilau pipi vatana na vatu angaanga loki matena. Mara danga goto gamu inilau qolumila. Minau nogo au vangaraugira sui vanigo kalina au volago.

Jeremia 13:21

?Me laka nagua sauba ko tsaria kalina igira na tinoni igoe o padâ ara tabana kolugo kara tû, ma kara tangoligo, ma kara tagaovi kaputigo? Tana dani ia, migoe sauba ko vatsangisavi sosongo vaga moa na daki e vatsangia na dalena.

Isaia 20:6

Mi kalina ke labamai na tagu ia, migira na tinoni ara totu taonia na liligina tasi ni Pilistia sauba kara tsaria, ‘!Reia bâ na omea e laba vanigira na tinoni igita a noru sosongoligira kara isutuguda tania na taovia tsapakae ni Asiria! ?Ma ka koegua vaga igita kalina ia ti ka savilaginia niqira isi igira na Asiria?’ ”

Na Katemai 17:13

Mi tugira tu sangavulu na taovia tsapakae e kesa moa na atsa tu niqira papada, mara tu tuu mara tu saua tu susuligaqira ma tu niqira tsotsovata vania na omea atsi loki.

Na Katemai 17:4

Maia na daki e sagelia na polo tsitsibora laka, ma na polo tsitsi sumasuma. Me gini inilau popono na qolu, ma na vatu angaanga loki matena, ma na matana davi. Tana limana e tangolia na tseu qolu e danga tsiriri i laona na omea bau me sibiga, igira nogo na vangana nina nauseko.

Na Katemai 17:2

Migira na taovia tsapakae sui tana barangengo ara lavu na mai i konina, mara gini magemage na nauseko koluana aia. Migira goto na toga tana barangengo ara nauvaganana goto ia, me ulavigira na inuviana na uaenina nina nauseko ia.”

Hibru 2:3

?Vaga ia, me sauba ka koegua igita, ti ka savilaginia na kede, kalina igita a tau nogo gini boe na muriana na sautu e kalea na mauri saliu i konina God? Ma God segenina nogo aia e ida na gini turupatuna tana rongona na sautu ia. Migira ara rongomia na turupatuna i konina God, igira nogo ara tabemaia vanigita igita.

Esekiel 28:9

?Mi kalina igira kara mai na labuamu, megua, laka sauba ko tsatsaria moa laka igoe kesa na god ne? Mi tana nogo ti igoe sauba ko donaginia laka igoe na tinoni lê moa mo tau na god.

Tangitangi 4:17

Igita a totu matengana moa na pituana na sasanga ke talumai i konina kesa na veratavosi, ma momoro tatavata poi tsau kalina a tau nogo tangomana na moro. Migita a pipitu lê moa, me tagara goto ke kesa ke mai sangagita.

Jeremia 5:31

igira na propete ara goko pero sailagi moa; migira na manetabu ara aqo muria moa niqira ketsa na propete, migira niqu tinoni ara reingaoa moa na sasaga vaga ia, mara tau goto tsaria sa omea. Bâ, minau sauba kau kedegira manana nomoa, ke gini sui niqira sasaga tabaru. ?Mi tana tagu ia, migira nagua sauba kara naua?”

Isaia 33:14

Igira na tinoni vanga tsutsukibo ni Sion ara gagariri tana matagu, mara tsaria, “Nina pede God e vaga saikesa moa na lake e iruiru sailagi. ?Me laka tangomana ke kesa ke pitsa tania na lake vaga ia?”

Goko Tabana 6:25

Ko laka na tami na rereidouna ke molo tabotabo vanigo; mo ko laka goto na sogo tana nina katemata vanigo.

Goko Tabana 7:10

Ma na daki ia e mai me tsodoa; aia e sagelia na polona na daki rebi me vangaraua na valoana na mane ia.

Jeremia 22:23

Igoe o totu dou i laona na valemu ara aqosiginia na gai na sida ni Lebanon, me sauba nomoa ke livugaluvemu kalina ke gadovigo na rota loki, vaga moa na rota e vatsangia na daki e parâ na vasusu.

Jeremia 30:14

Igira sui lakalaka na puku tavosi, igira amu norugira kara sangagamu, ara padalegamu nogo, mara tau goto nogo boeginigamu. Inau au baginigamu vaga nogo kesa gamui gala, mau kedelokigamu rongona igamu amu tabaru seko sosongo, mara danga sosongo nimui sasi.