Jeremia 4:27 - Ghari

²⁷ Na Taovia e tsari idanogoa na omea iani, “Na barangengo popono sauba ke lia na kaomate, me utu nomoa kau toroutsani saikesalia.

Jeremia 4:27 Referans Kwoze

Jeremia 46:28

Igamu na Israel, igamu niqu tinoni, kamu laka na matagu rongona inau nogo au totu kolugamu. Sauba kau toroutsanigira saikesa pipi sui na puku tavosi i tana inau au sarangasigamu, migamu moa e utu kau toroutsanigamu saikesa. E mana, sauba nomoa kau kedegamu, mi kalina kau kedegamu ma kau naua moa tana pedegoto. Inau nogo na Taovia au tsaria na omea iani.”

Jeremia 5:18

Na Taovia e tsaria, “Me atsa goto moa tana tagu ia, me sauba e utu goto kau matesiligigira saikesa niqu tinoni.

Jeremia 5:10

Inau sauba kau molovanogira na gala kara ba kavikutigira niqira uta na uaeni niqu tinoni, me utu moa kau tamia kara toroutsanigira saikesa. Sauba kau tsarivanigira kara kaviligigira moa na araqira, rongona na arana girani ara tau niqu inau.

Jeremia 30:11

Inau nogo sauba kau mai i konimui ma kau laumaurisigamu. Sauba kau toroutsanigira pipi sui na puku tavosi i tana inau au sarangasigamu bâ, migamu moa e utu kau toroutsanigamu. Me sauba rago kau kedegamu igamu, mi kalina kau tû na kedeamui, me sauba kau naua moa tana pede gotolaka. Inau nogo na Taovia au tsaria na omea iani.”

Esekiel 11:13

Mi tana tagu tsotsodo nogo inau au katea na omea girani, maia Pelatia e tavongani puka me mate. Minau au puka kovoragi tana kao mau gu loki, “!Taovia God ko laka! ?Egua laka sauba ko labumatesigira sui igira ara kauvisu tana Israel?”

Aqo Manetabu 26:44

Me atsa moa ke vaga ia, minau sauba kau tau vanoligi saikesa tanigira kalina igira ara totu moa i laona niqira kao gaqira gala, se kau matesiligigira sui, rongona ke tau luvu lê na vaitasogi inau au naua kolugira, minau nogoria na Taovia niqira God.

Esekiel 33:28

Minau sauba kau ketsoa na kao ia me ke lia na kaomate lê, ma kau suilavagini vanigira gaqira susuliga igira ara gini kaekae sosongo. Migira sui na vungavunga tana Israel sauba kara goana atsi me ke tau goto tangomana ke kesa na liu tsapatugu bâ i laoqira.

Esekiel 6:14

Minau sauba kau tatakatsinia na limaqu ma kau toroutsaniginia na veraqira. Me sauba kau naua me ke lia na nauna mangu lê tû tana kaomate tabana i ata, me ke tsau bâ i Ribla tabana i vava, ma kau tau goto gaea sa nauna i tana ara totu igira na Israel. Mi tana nauvaganana nogo ia ti igira na tinoni sui kara donaginia laka inau nogo na Taovia.”

Jeremia 18:16

Ara naua ma na butona kao iani e lia na omea marasibiga saikesa, ara dona moa na reipeaana. Migira sui kara tavetada i tana sauba kara gini beke loki na reiana, ma kara viruviru lovaqira tana novo.

Jeremia 7:34

Ma na kao ia sauba ke lia na kaomate. Mi tana verabau i laona na Juda, mi tana sautu loki i Jerusalem, sauba kau muisia na tatangina na magemage ma na gavai, ma na magemage na kavomutsa na tauga vaolu.

Jeremia 4:7

Vaga saikesa nogo kalina kesa na laeone e laba rutsumai tania na nauna i tana e taopoi, igira na gala ara mololenogoa na veraqira segeni mara maimai nogo i sautu. Ara mai gana kara toroutsania na Juda. Igira sui na verabau tana Juda sauba kara toroutsa saikesa, me ke tagara goto ke kesa ke totuvisu i laoqira.

Isaia 24:1

Na Taovia sauba ke toroustania na barangengo me ke moloa ke totu mangu lê. Aia sauba ke birua na barangengo, me ke sarangasigira na tinonina.

2 Turupatu Dato 36:21

Me gini laba vaga ia rongona ke gini manatovu na omea na Taovia e katemai idanogoa tana mangana na propete Jeremia. Aia e goko vaga iani: “Sauba na veraqira ke totu mangu lê i laona ke vitu sangavulu na ngalitupa, gana kara gini sese matena niqira petsakoe rongona ara tau muria na ketsa na mango tana Sabat.”

Nehemia 9:31

Me loki sosongo moa nimu galuve vanigira, te o tau tsonikidaqira se ko matesiligigira, rongona igoe God o tobalaka mo galuve sosongoligira.

Jeremia 4:20

Ara vaitsarimurigi na rota seko loki, ma na vera popono e totu moa tana seko. Migira nimami valepolo ara tavongani taveo saikesa, ma na polo ara tsautsau tana matsapaqira ara viri taratsi votâ.

Jeremia 9:11

Ma na Taovia e tsaria, “Inau sauba kau toroutsania na Jerusalem, me ke lia na nauna i tana ara totu igira na pai atsi. Migira na verabau sui tana Juda sauba kara lia na kaomate, na nauna i tana e tau totuvia sa tinoni.”

Jeremia 25:11

Na butona kao popono iani sauba ke totu seko lê ma kara gini beke na reiana, migira na puku sui ara totu varangisigira sauba kara aqotseka vania na taovia tsapakae ni Babilonia i laona ke vitu sangavulu na ngalitupa.

Jeremia 44:6

Me vaga ia, ma na korequ ma niqu momosatoba loki e botsa laba tana vera sui i laona na Juda, mi tana sautu loki i Jerusalem, mau mololakeqira. Igira ara toroutsa saikesa me tsau mai i dani eni.

Esekiel 20:17

“Bâ, mi muri, minau au galuvegira tugua. Mau padâ laka kau tau tugua matesigira i laona na kaomate.

Aqo Manetabu 26:31

Me sauba kau toroutsanigira na veramui, ma kau toroveogira pipi nauna i tana amu samasama, me utu kau tabegira nimui omea amu gini savori-kodoputsa.

Isaia 17:6

Me sauba kara visana lelê moa kara mauri, ma na Israel sauba ke vaga na gai na olive ara laburusigira sui lakalaka nogo na vuana, me ruka tolu lelê moa na vuana ara totuvisu tana arana i kelana tsotsodo, se visana lelê moa tana arana i lao tsotsodo. Inau nogo na Taovia God ni Israel au tsaria na omea iani.”

Tangitangi 2:7

Na Taovia e sove tania nina belatabu, me vanoligi tania nina Vale Tabu. Me tami vanigira nogo na gala kara vui pukaligira na ponoponona. Mara sage bâ tana Vale Tabu, mi tana ara gugû tana magemage, vaga a naua igita kalina a lokisia kesa na dani tabu.

Sepania 1:18

Me atsa moa ti igira sui niqira siliva ma niqira qolumila me tau goto tangomana ke maurisigira tana dani ke poda na korena na Taovia. Mi tana dani ia, ma na barangengo popono sauba ke toroutsa saikesa tana lakena nina momosatoba loki. Maia sauba ke tavongani suilavaginigira na tinoni sui lakalaka tana barangengo.