Jeremia 4:20 - Ghari

²⁰ Ara vaitsarimurigi na rota seko loki, ma na vera popono e totu moa tana seko. Migira nimami valepolo ara tavongani taveo saikesa, ma na polo ara tsautsau tana matsapaqira ara viri taratsi votâ.

Jeremia 4:20 Referans Kwoze

2 Tesalonika 1:9

Sauba ke gadovigira na kede saliu, ma kara gini rota na totuligi taniana na matana na Taovia. Me ke utu vanigira goto na reiana na mararana na susuligana,

Mateo 10:28

Kamu laka na mataguniaqira lee igira ara dona kara labumatesia moa na konimui, me utu goto kara labumatesia na tidaomui. Kamu matagunia moa God, rongona aia moa e dona ke kedekaira sui na konimui ma na tidaomui tana rota e vo sui.

Joel 1:15

Nina dani na Taovia e mai varangi nogo, aia nogo na dani i tana aia na God Susuliga Sosongo ke alomaia gaqira matemate na tinoni sui. Ma na omea mamataguniga nomoa sauba ke laba tana dani ia.

Esekiel 14:21

Miani goto e vaga na omea na Taovia God e tsaria: “Inau sauba kau molotugira vati na kede seko loki liuliu bâ tana Jerusalem: tugira nogo na vailabu loki, ma na uvirau, ma na omea tuavati atsi veveigâ, ma na liuna na lobugu seko, kau gini matesiligigira sui na tinoni ma niqira omea tuavati.

Tangitangi 3:47

Ami liu nogo tana rota loki ma na mate; mami totu moa tana utu ma na matagu.

Jeremia 17:18

Taovia ko paluvangamaqira igira ara rotasiau, mo ko gaea na mauriqu inau. Ko totoposuligira igira, mo ko laka moa na molo matagu vaniaqu inau. Ko alomaia na tagu seko vanigira igira, mo ko matesiligigira saikesa.

Isaia 33:20

!Morosia bâ na Jerusalem, aia na verabau i tana igita a lokisigira nida bongi tabu! Aia sauba ke lia na verabau dou sosongo gana na totu ravi i konina. Sauba ke vaga kesa na valepolo ara tau saikesa ratsu bamaia, mara tau saikesa vutidatoa na gai na mani sori itaina, ma na itaina e utu goto kara takuti.

Isaia 13:6

!Kamu kanga loki rongona nina dani na Taovia e maimai varangi nogo, na dani i tana aia na God Susuliga Sosongo sauba ke molomaia na toroutsa seko.

Aqo Manetabu 26:24

minau goto sauba kau tobaseko vanigamu, ma kau kedegamu ke vitu kalina ke seko liusia bâ na omea au nauvanigamu tana idana.

Aqo Manetabu 26:21

“Me ti vaga kamu tobakakai babâ moa vaniau inau ma kamu sove na rongomangaqu, me sauba inau kau pabo gotoa gamui kede ke vitu goto bâ kalina na sekona.

Aqo Manetabu 26:18

“Mi murina kalina kara laba na omea sui vaga girani migamu kamu tau vati rongomangaqu moa inau, me sauba inau kau paboa nimui kede ke vitu goto kalina na sekona.

Binaboli 33:5

Rongona na Taovia e ketsalinogoa a Moses ke tsarivanigira, “Igamu na tinoni tsatsarae sosongo. Me ti vaga inau kau dulikolugamu atsa moa kesa tana tagu tetelo, me sauba e utu ke tagara kau matesiligigamu sui saikesa. Mi kalina ia kamu adiligigira sui nimui inilau angaanga, minau kau pedea na omea gua sauba kau nauvanigamu.”

Habakuk 3:7

Mau morosigira na tinoni ni Kusan ara viri matagu, migira na Midia ara viri gagariri.

Jeremia 4:6

!Kamu ulo ba tsaku tana Vungavunga Sion, ma kamu ba totu ravi i tana! !Kamu laka goto na kisâ! Na Taovia e alomai vanigita na rota seko loki, migira na gala ara totu tabana i vava ara aligiri nogo na mai na toroutsaniana na verada.

Isaia 54:2

Ko aqosilokia na valepolo igoe o totu i laona. Ko tugutagira ma kara katsi na itaina, mo ko kakaisidoua na gaina gana na sori itaina.

Isaia 47:9

Bâ, mi kaira sui na omea karani sauba kara ka laba vanigo i laona kesa lelê moa na dani. Me atsa moa ti igoe o gini aqo danga na vatana nimu sinagore, me sauba nomoa na savamu ma na dalemu kara nangaligi sui tanigo.

Linge 72:19

!Tsonikaea na asana tabu na dani ma na dani! Ma na mararana loki ke dangali poponoa na barangengo. !Amen, Amen!

Tsoko Tinoni 16:45

“!Kamu ka ba tû tabaligi tanigira na toga girani, minau kau matesiligigira sui lakalaka nogo kalina ia!” Mi kaira ara ka tsuporu tsuna me pelea na kao ka ngoraqira,

Tsoko Tinoni 16:21

“Kamu ka tu tabaligi tanigira na tinoni girani, minau sauba kau matesiligigira sui kalina tsotsodo nogo ia.”

Aqo Manetabu 26:28

me sauba inau goto kau tobaseko vanigamu, mi tana niqu momosatoba loki sauba kau kedegamu ke vitu kalina ke seko liusia bâ na omea au nauvanigamu tana idana.

Isaia 15:5

Minau au padasavi sosongo mau tangisia na Moab. Igira na tinoni ni tana ara tsogovano tana vera ni Soar, mi Eglat Selisia. Mara visana ara muridatoa na sautu e vano i Luhit, mara ngangai kalina ara vavano; mara visana ara tosogovano i Horonaim, mara ngangai gugû.

Jeremia 4:21

?Ke oka koegua sagata inau kau reia na vailabu e vavano saviliu vaga ia ma kau rongomia na tatangina na tavuli?

Jeremia 4:27

Na Taovia e tsari idanogoa na omea iani, “Na barangengo popono sauba ke lia na kaomate, me utu nomoa kau toroutsani saikesalia.

Jeremia 12:11

E totu mangu lê i mataqu me tagara goto sa tinoni ke totuvia. Na butona kao popono e lia nogo na kaomate, me tau goto gini boe ke kesa.

Jeremia 9:18

Migira na tinoni ara tsaria, “Kamu tsarivanigira kara tsaku ma kara lingena vanigami na linge na matemate, poi tsau ke dangadato na kô tana matamami, ma na vevenuna na matamami kara gini pori popono na ngangai.”