Jeremia 4:19 - Ghari

¹⁹ !Au vatsangi savi sosongo, me utu na taberaeana niqu vatsangisavi! !Na kosuqu e bubutu kesa! Me gini utu vaniau kau totu mui kalina au rongomigira na tavuli ma na gugu na vailabu.

Jeremia 4:19 Referans Kwoze

Habakuk 3:16

Inau au rongomia na omea sui girani, mau gagariri; me gini dodokeke na tutubena mangaqu. Ma na koniqu popono e labelabeaga lê, ma na tuaqu ara tau nogo tsotso kakai. Minau sauba nomoa kau totudodo ma kau pitua moa ke mai na tagu i tana God sauba ke kedegira igira ara sekoligita.

Isaia 22:4

Aia nogoria na rongona ti au tsaria, “Kamu mololeau inau ma kau tangisigira igira niqu tinoni ara mate. Ma kamu laka goto tovoa na vereaqu.”

Isaia 16:11

Inau au kukungu tana melu tana rongoqira na Moab, mau tangisigira na tinoni ni Kir Heres.

Jeremia 9:10

Minau a Jeremia au tû mau tsaria, “Sauba kau tangisigira na vungavunga, ma kau ngangaisigira na butona kao i tana e dato dou na buruburu, rongona ara viri makede takuti, me tagara goto ke kesa ke liu i laoqira. Ma na tatangina niqira kanga na buluka ara tau nogo rongomia i tana; migira na manu ma na omea tuavati atsi ara tsogoligi sui taninogoa.”

Jeremia 9:1

Ke dou ti vaga na lovaqu ke vaga na vuravura na kô tana e sarara mai na kô na mataqu, gana kau ngangaisigira na dani ma na bongi igira niqu tinoni ara viri matesigira nogo.

Isaia 21:3

Ma na omea inau au rongomia mau reia tana moro ia e naua me gini laba vaniau na matagu loki ma na vatsangi savi, aia na vatsangi savi vaga e laba vania na daki kalina e vatsangia na dalena.

Galatia 4:19

!Igamu kiki na dalequ galugaluve! E kesa goto kalina inau au vatsangia na rota tana matemui igamu vaga moa na daki kalina e rota tana vasusu, poi tsau kalina ke dangaliginigamu na maurina a Iesu Kristo.

Daniel 8:27

Mi kalina inau a Daniel, au rongomia na goko vaga ia, me gini ponopala sosongo tobaqu, me naua mau gini lobogu visana na dani. Mi muri mau tû, mau visutugua tana niqu aqo aia na taovia tsapakae e molovaniau nogo, mau tovo kakaia laka kau padagadovia na bolebole ia, mau tau saikesa tangomana na padagadoviana.

Daniel 7:15

Ma na omea au reigira tana bolebole ia ara molomatagu sosongo vaniau, me gini ponopala saikesa na tobaqu.

Isaia 15:5

Minau au padasavi sosongo mau tangisia na Moab. Igira na tinoni ni tana ara tsogovano tana vera ni Soar, mi Eglat Selisia. Mara visana ara muridatoa na sautu e vano i Luhit, mara ngangai kalina ara vavano; mara visana ara tosogovano i Horonaim, mara ngangai gugû.

Linge 116:7

Ko mango rago igoe na tidaoqu, rongona aia na Taovia e dou sosongo vaniau.

Roma 10:1

Tasiqu, au nongia God tana tobaqu popono na mateqira na Tsiu, gaqu verakolu inau, rongona aia God ke galuvegira me ke maurisigira.

Amos 3:6

?Mi kalina e tangi na tavuli na vailabu i laona na vera laka e tau posuligira na tinoni ara totu tana? ?Me laka e dona ke tavongani gadovia na rota loki kesa na verabau ti vaga na Taovia e tau molo bâ na rota ia vania? E utu.

Daniel 7:28

Miani nogo na susuina na omea inau a Daniel au marea tana rongoqira na bolebole gira. Mau matagu loki sosongo, me gini seko na kokoraqu, mau tau goto gini goko vania ke kesa.

Tangitangi 2:11

Minau na mataqu ara gini pasa nogo na ngangai, me gini ponopala sosongo tobaqu, me gini tarese na kosuqu na reiaqira niqu tinoni ara viri mate sui, migira na baka ma na meomeo ara gini mateluvu na vitoa tana sautu loki na verabau.

Tangitangi 1:16

“Aia nogo na rongona ti e gini sarara tsuna na kô na mataqu. Me tagara goto ke kesa tangomana ke vereau se ke malagaisiau. Igira gaqu gala ara tuliusiau nogo, migira niqu tinoni ara tau goto tamanina sa omea.

Jeremia 23:9

Ma Jeremia e goko vaga iani, “Na kosuqu inau e tapa saikesa nogo, mau gini gagariri lê. Inau au vaga saikesa moa na mane e ulavia na inu susuliga, vaga nogo kesa aia e inuvia danga sosongo na uaeni, tana rongona nogo na Taovia ma nina goko tabu.

Jeremia 20:9

Mi kalina inau au padâ moa i tobaqu mau tsaria, “Sauba nomoa kau padalea na Taovia ma kau tau nogo gini goko sa omea tana asana aia.” Mi tana tsotsodo, pipi sui nimu tsaqina goko Taovia ara irudato vaga moa na lake gagâ i laona tobaqu. Minau au tovokakaia laka kau muisaginigira lê, me utugana sosongo vaniau nomoa.

Jeremia 13:17

Me ti vaga igamu kamu sove moa na rorongo, minau sauba kau ngangai loki i tobaqu tana rongona nimui sasaga kaekae; me ke ro loki na kô na mataqu tana rongona ara aditsekavanogira sui nogo nina tinoni na Taovia.

Jeremia 4:21

?Ke oka koegua sagata inau kau reia na vailabu e vavano saviliu vaga ia ma kau rongomia na tatangina na tavuli?

Jeremia 4:5

Na Taovia e ketsalia a Jeremia ke katevulagi vanigira na tinoni tana Juda mi Jerusalem na goko iani, “!Kamu uvia na tavuli i laona na butona kao popono iani! !Ma kamu gudato me ke tangimaka dou! Kamu tsarivanigira, ‘Kamu mai ma kamu taopoi tana verabau ara barapoliginigira na vatu.’

Linge 146:1

!Tsonikaea na Taovia! !Igoe na tidaoqu ko tsonikaea na Taovia!

Linge 119:136

Au rota na ngangai me rutsu na kô na mataqu vaga moa kalina e tave na ko loki, rongona igira na tinoni ara tau muridoua nimu ketsa.

Linge 119:53

Mi kalina au reigira na vanga tsutsukibo ara kutsigira nimu ketsa, me galasiau sosongo inau.

Linge 103:1

!Na tidaoqu ke tsonikaea na Taovia! !Ma na tobaqu popono ke tsonikaea na asana tabu!

Linge 16:2

Au goko vania na Taovia mau tsaria, “Igoe nogo niqu Taovia. Ma na omea dou sui inau au tamanina ara talumai sui i konimu igoe.”

Tinoni Pede 5:21

Na tatarina na obona na Kô Kison e salaligigira saikesa, na susuligana nogo na tatarina na Kô Kison. !Minau sauba kau butusua ma kau vanovano susuliga!

Tsoko Tinoni 10:9

“Mi kalina ti gamui gala kara mai na vailabu koluamui i laona nimui kao, migamu kamu uvi kaira sui na tavuli karani gana na vangarauana na vailabu, minau na Taovia nimui God, sauba kau sangagamu ma kau maurisigamu tanigira gamui gala.

Tuturigana 49:6

Minau e utu kau sangasage tana ka niqira togigoko segeni, Me utu goto kau sangakaira tana niqira gokosai, Rongona ara ka matesi tinoni tana kore Mara ka logusigira na buluka mane tana sinagi.

1 Korint 14:8

?Me ti kesa na mane ke taia na kuku gana na soaginiaqira na malagai, ma na kuku ke tau tangi maka, ma na malagai gua sauba ke aligiri na adiana gana sagore na vailabu kalina e vaga?

Jeremia 6:24

Migira na tinoni ni Jerusalem ara tsaria, “Igami ami rongominogoa na turupatuna na maiaqira gamami gala, ma na limamami ara tsau labelabe lê; ami gini vatsangisavi sosongo, vaga saikesa moa na daki e vatsangia na dalena.

Jeremia 8:21

Minau a Jeremia au gini melu sosongo rongona au reigira niqu tinoni ara totu tana rota loki, mau tangitangi, me ponopala saikesa na tobaqu.

Jeremia 49:2

Me maimai nogo na tagu i tana inau sauba kau naua, migira na tinonina na verabau pukuga ni Raba tana Amon, kara rongomia na leleona na gû na vailabu, ma gaqira gala sauba kara toroutsani saikesalia, migira goto nina tsatsapa tetelo babâ sauba kara viri iru sui lakalaka. Mi tana, migira na Israel sauba kara adivisua niqira kao i koniqira igira ara laua tanigira.

Jeremia 50:22

E tangi nogo na leleona na vailabu ma na toroutsa tana kao popono ia.

Daniel 4:19

Mi kalina a Daniel, aia ara soaginigotoa a Beltesasar, e rongomi vaganana ia, maia e matagu loki sosongo me tau goto tangomana ke tsaria sa omea. Ma na taovia tsapakae e tsarivania, “A Beltesasar, ko laka na tamivaniana na bolebole iani kolu rongona ke molo matagu vanigo.” Ma Beltesasar e gokovisu me tsaria, “Taovia, inau au amesia laka na bolebole ia kolu rongona ke kalegira moa gamu gala, me tau igoe.

2 Taovia Tsapakae 4:19

Me tavongani ngangai dato na baka me tsarivania na tamana, “!E sosongo loki lovaqu! !E sosongo loki lovaqu!” Maia na tamana e tsarivania kesa nina maneaqo, “Ko kalagaivano vania na tinana na baka iani.”

2 Taovia Tsapakae 8:11

Mi tana, ma Elisa e vusulikakaia a Hasael poi tsau kalina aia e vangama mate. Ma Elisa e tavongani ngangai loki.

Isaia 21:4

Me viruviru mataqu, mau gagariri tana matagu. Mau tau nogo amesia ke bongi tsaku ma kau ba maturu. Rongona na omea au reia tana moro ia e molo matagu loki sosongo vaniau, me utusiau na maturu.

Jeremia 8:18

Niqu melu e tau saikesa tangomana ke sui, me ponopala sosongo na tobaqu.

Tangitangi 1:20

“!Taovia ko morosiau tana niqu rota loki, e ponopala sosongo na tobaqu! Ma na kosuqu e tarese tana melu mateqira niqu sasi. Ara lamutasigira niqu tinoni tana sautu loki, me atsa goto moa i laona na vale me laba goto na mate.