Jeremia 33:3 - Ghari

³ Ko soaau inau, minau sauba kau gokovisu vanigo; me sauba kau tsarivanigo na omea ganataga, ma na omea loki sosongo igoe o tau saikesa vati donaginigira.

Jeremia 33:3 Referans Kwoze

Jeremia 29:12

Mi tana tagu ia, migamu sauba kamu ngangaidato vaniau, ma kamu nonginongi vaniau, minau sauba kau rongomia nimui nonginongi.

Isaia 65:24

Idavia kara tau vati nongiau sa omea, minau sauba kau tuguvisunogoa niqira nonginongi.

Epesus 3:20

Ka tsonikaea God, aia e gini aqo na susuligana loki, me dona ke naua i laoda na omea ke loki liusia pipi sui na omea e tugua ka pada igita se ka dona na nongiana i konina.

Isaia 48:6

“Igira sui na omea inau au katemai idanogoa ara laba tovu nogo kalina ia. Migamu amu morosigira, mamu sove moa na tabeana laka ara mana sui na omea inau au kate idanogoa. Bâ, mi kalina ia, minau sauba kau katevulagigira vanigamu ke visana goto na omea vaolu sauba kara laba, igira na omea inau au tau vati tsarivulagi vanigamu i sau.

Linge 91:15

Mi kalina ti igira kara nongiau kau sangagira, minau sauba kau sangagira; me ti vaga ke gadovigira na rota, minau sauba kau totu i koniqira. Sauba kau laumaurisiqira ma kau molokaegira.

Na Vaolusi Ketsa 4:29

Mi tana ti igamu sauba kamu lalavea na Taovia nimui God, me ti vaga kamu lave mananâ tana tobamui popono, me sauba kamu tsodoa.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Linge 145:18

Aia e totu varangisigira igira ara nongia, igira ara soa mananâ tana tobaqira popono.

Na Vaolusi Ketsa 4:7

“E manana sosongo laka e tagara goto sa puku tavosi tana barangengo popono, atsa moa ti ke loki sosongo, ke tamanina sa nina god ke dona ke mai varavara kalina ara nongia ke sangagira, vaga na Taovia nida God e nauvanigita igita. Aia e rongomigita tana tagu sui moa igita a nongia ke sangagita.

Aqoaqo 2:21

Mi tana tagu vaga ia, masei ti ke soaa na Taovia ke sangaa, aia moa sauba ke mauri.’

Amos 3:7

Ma na Taovia God aia e tau tavongani nausegenia sa omea ti vaga ke tau tsaritalua vanigira na propete igira nina maneaqo.

Linge 25:14

Na Taovia e kulaga dou sosongo kolugira igira ara kukuni tania, me kakaisia nina vaitasogi aia e naua kolugira.

Isaia 45:3

Inau sauba kau tusuvanigo niqira qolo ma niqira omea loki matena sui ara molopoia tana niqira moi. Mi tana ti igoe sauba ko donaginia laka inau nogo na Taovia, me laka inau na God ni Israel au soaginigo na soamu segeni.

Na Katemai 2:17

“!Me ti vaga kamu tamanina na kulimui, ma kamu rongomia na omea e tsaria na Tarunga Tabu vanigira na vera na lotu! Me vanigira igira e managaqira, sauba kau palaginigira na Mana, aia na Mutsa Tabu e totu popoi me talumai i gotu. Me sauba goto kau tusuvanigira tatasa kara tango kesa niqira vatu sere, me kesa na soa vaolu ke totu i konina, me tagara ke kesa ke donaginia na soa ia, maia lelee moa e adia kesa tamanina aia moa e donaginia.

Mateo 13:35

Aia e gini nauvaganana ia, rongona ke gini manatovu na omea Isaia na propete e katemai idanogoa me tsaria: “Kalina inau kau goko vanigira, me sauba kau gini aqo moa na gokolia. Ma kau tsari makalia vanigira na omea ara totu popoi tuu mai nogo tana tuturigana na barangengo.”

Mika 7:15

Taovia, ko aqosi vanigami na valatsatsa vaga o naua i sau kalina o adirutsumigami tania na Ejipt.

Joel 2:32

Bâ, mi tana dani vaga ia, igira moa ara nongia na Taovia ke sangagira sauba kara mauri. Me vaga inau na Taovia au tsarinogoa i sau, ‘Sauba ke visana tana Jerusalem kara tangomana na tsogoligi, migira moa inau au viligira nogo sauba kara pitsa tania na mate.’ ”

Jeremia 23:35

E dou moa ti pipi vidamui ke goko vaga iani moa vania na kulana se gana verakolu, ‘?Laka na gokovisu koegua e tsaria na Taovia? ?Me laka nagua e tsaria?’

Jeremia 32:17

“Taovia God, igoe nogo o aqosia na barangengo ma na masaoka tana susuligamu loki; me tagara goto sa omea ke utugana vanigo.

Jeremia 32:27

“Inau nogo na Taovia niqira God na mamatana tinoni sui. Me tagara goto sa omea ke utugana vaniau inau.

Daniel 2:18

Maia e tsarivanitugira kara tu nonginongi kakai vania na God ni baragata gana ke galuvetugira, ma kara tu nongigotoa ke vuresi makali vanitugira na omea ara totu popoi tana bolebole ia, ma kara gini tau labumatesitugira sai kolugira igira na mane sauparovata tavosi tana Babilon.

Daniel 2:22

Maia goto e saulabatigira na omea utugana ma na omea ara totu popoi. Maia e donaginigira sui na omea ara totu popoi i laona na rodo, maia segeni moa e polia na marara.

Daniel 2:23

Inau au tsonikaego mau soadougo igoe niqira God na mumuamami. Migoe nogo o sauvaniau na sasaga loki ma na susuliga; mo rongominogoa niqu nonginongi, mo gini sauvulagi vanitugami na omea kami tu ba tsarivania na taovia tsapakae.”