Jeremia 33:2 - Ghari

² Me tsaria, “Inau na Taovia au aqosia na barangengo, mau ovukaea, mau moloa tana sasana, au tsarivanigo,

Jeremia 33:2 Referans Kwoze

Isaia 37:26

“?Egua, laka igoe o tau moa vati rongomia laka inau nogo au vangarau okanogoa na omea girani te ara laba? Mi kalina ia, minau au manalitovugira sui nogo. Inau nogo au sauvanigo igoe gamu susuliga gana na toroutsaniaqira na verabau ara poliginigira na baravatu kakai, ma kara viri totu tsuputsupu bamai na tapana na vatuqira.

Binaboli 15:3

Na Taovia aia e malagai sosongo; ma na Taovia nogo na asana.

Binaboli 6:3

Inau nogo au labavanitugira a Abraham, ma Isaak, ma Jakob vaga na God Susuliga Sosongo, mau tau moa tsarivulagi vanitugira na asaqu tabu, aia nogo na Taovia.

Na Katemai 21:10

Mi tana ma na Tarunga Tabu e totuviau, me kesa na angelo e suludatoau i kelana kesa na vungavunga katsi sosongo. Me tusuvulagi vaniau na Vera Tabu, aia na Jerusalem vaolu e tsunamai talu i baragata i konina God,

Isaia 62:7

Ma kara laka goto na molovaniana na Taovia ke mango, poi tsau kalina aia ke aragovisutugua na Jerusalem, me ke naua ma kara padalokia igira sui na tinoni tana barangengo popono.

Isaia 43:21

Igira nogoria na tinoni au aqosigira vaniau segeni, gana kara lingena na linge na tsonikaeginiaqu.”

Isaia 43:1

Igamu na Israel, na Taovia aia e vusagamu e goko me tsaria, “Kamu laka na matagu, inau nogo sauba kau laumaurisigamu. Inau nogo au molovanigamu na soamui, migamu niqu tamani nogo inau.

Isaia 14:32

?Sauba ka tuguvisu koegu nia niqira goko na Pilistia ara mai nongigita ka sangagira? Sauba moa igita ka tsarivanigira laka na Taovia e vaturikakainogoa na verana i Sion, migira nina tinoni ara totu tana rota sauba kara ba totu raviravi dou i tana.

Linge 102:16

Mi kalina na Taovia ke logovisutugua na vera ni Sion, mi tana sauba ke saulabatia gana loki tsapakae.

Linge 87:5

Mi tana rongona i Sion, sauba kara tsaria laka aia nogo niqira vera pukuga na puku sui, maia nogo na Taovia Susuliga Sosongo sauba ke vaturikakaia.

Na Katemai 21:2

Mau reia na Vera Tabu Loki, aia na Jerusalem vaolu, e tsunamai talu i gotu i konina God. Aia e vangarau manogati segenina nogo, vaga kesa na daki tauga vaolu e sagelia gana inilau me baa na valaleana na savana.

Hibru 11:16

Me tagara. Ara pada sosongolia moa kesa na veraqira dou sosongo baa, aia nogo na vera e totu i gotu. Ma God e tau goto gini vangamaa tanigira kalina igira ara tuu mara tsarivania, “Eo, igoe nogo nimami God igami.” Rongona aia e vangarau manogatinogoa vanigira kesa na veraqira loki i gotu.

Hibru 11:10

Rongona a Abraham e totupitua moa na sage kesa tana vera pukuga, aia God e vangarau manogatia me logonogoa i gotu, me utu saikesa ke tavui.

Amos 9:6

Na Taovia e logo verana i baragata, me tatakatsinia na masaoka i kelana na barangengo. Maia e saoa na tasi me qetutsunâ tana barangengo. !Na Taovia nogo na asana aia!

Amos 5:8

Na Taovia e aqosigira na veitugu, migira sui goto na marara susuliga ni gotu. Maia nogo e olia na rodo me lia na marara, ma na dani me lia na bongi. Aia e saoa na tasi me qetutsunâ tana barangengo. Ma na Taovia nogo na asana aia.

Jeremia 32:18

Igoe o sauvulagia nimu galuve vo oli vanigira na toga sui, mo kedegira nomoa na baka matena niqira sasi igira na tamaqira ma na tinaqira. Igoe na God o loki sosongo mo susuliga tsapakae; igoe nogo na Taovia Susuliga Sosongo.

Jeremia 10:16

Ma nina God a Jakob e tau saikesa vaga gira igira. Aia nogo e aqosia pipi sui na omea, me viligira na Israel kara lia nina tinoni segeni nogo. Na Taovia Susuliga Sosongo aia nogo na asana.

Jeremia 16:21

Ma na Taovia e tsaria, “Bâ, me vaga ia, minau sauba kau naua migira na puku sui kara donagini saikesalia na susuligaqu inau ma gaqu tangirongo. Sauba kara donaginia laka inau nogo na Taovia.”

Jeremia 51:19

Maia nina God a Jakob e tau saikesa vaga gira. Aia nogo e aqosia pipi sui na omea, me viligira nogo na Israel kara lia nina tinoni segeni nogo ia. Na Taovia Susuliga Sosongo aia nogo na asana.

Isaia 42:8

“Inau segeni moa na Taovia nimu God. Me tagara goto sa god tavosi tangomana ke sangapata tana mararaqu; me utu goto kau tamivanigira na tinoni kara tsonikaea na titinonina na god peropero.