Jeremia 33:11 - Ghari

¹¹ gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

Jeremia 33:11 Referans Kwoze

1 Turupatu Dato 16:34

Soadoua na Taovia rongona aia segeni e dou sosongo; ma nina galuve e totu saviliu.

Linge 107:22

Ma niqira aqo goto kara soadoua kolua niqira savori-kodoputsa, mi laona niqira linge na magemage kara katevulagigira na omea sui aia e naugira.

Linge 107:1

“!Ka soadoua na Taovia, rongona aia e dou; ma nina galuve e totu saviliu!”

Linge 106:1

!Tsonikaea na Taovia! Soadoua na Taovia rongona aia e dou sosongo; ma nina galuve e totu saviliu.

Hibru 13:15

Vaga ia, migita a tutunina nogo a Iesu Kristo, nida aqo ti ka tsonikae sailaginia God ngiti nida savori vaniana. Maia nogoria igita a naua pipi kalina igita a koevulagia laka a Iesu aia nogo e Taovia.

Isaia 51:11

Migira igoe o laumaurisigira sauba kara ba tsau i Jerusalem, ma kara lingelinge ma kara gugû tana mage. Me sauba kara mage sailagi, me utu goto kara dona na melu ma na ngangai.

2 Turupatu Dato 29:31

Ma Hesekia e tû me tsarivanigira na toga, “Igamu amu totu male nogo taonia na vovorona na lotu, bâ, mi kalina ia kamu adimaigira na vangana gana na kodoputsa na mani soadouana na Taovia.” Migira ara rongomangana mara visana vidaqira ara pabogotoa niqira omea tuavati gana na savori-kodokodo.

2 Turupatu Dato 5:13

Mara linge kolua na tatangina na tavuli ma na tsetsê me visana goto na omea tatangi tavosi, mara tsonikaea na Taovia, mara tsaria: “Tsonikaea na Taovia, rongona aia e dou laka, Ma nina galuve e totu saviliu.” Mi kalina igira na manetabu ara rutsu tania na Vale Tabu e tavongani tsunamai na parako marara e gini marara na mararana anganga na Taovia,

Na Katemai 18:23

Me utu saikesa goto kara reitugua sa laeti ke iru i laomu; se kara rongomitugua niqira goko na magemage na daki ma na mane tauga vaolu i laomu. I sau, igira nimu mane kavoqolo ara tinoni loki tana barangengo popono. Migoe o tuu, mo perobulesiginigira na vera sui nimu tabatu.”

Ioane 3:29

Kamu reia ti vaga kesa na mane tauga vaolu, maia e vutinogoa na tauna. Maia na kulana na mane tauga vaolu ia e tutuu me pipitua, me gini magemage kalina e rongomia na tatangina nina goko na mane tauga vaolu. Minau, au vaga saikesa nogoria. E tovu nogo niqu magemage kalina eni.

1 Turupatu Dato 16:8

Soadoua na Taovia, katevulagia gana loki tsapakae; tsarivanigira na puku tavosi sui na omea aia e naugira.

Sekaria 8:19

“Igira na dani na vitoa ara laba tana vatinina, ma na tsegenina, ma na vitunina, ma na sangavulunina vula, sauba kara lia na dani na magemage vanigira na tinoni tana Juda. Me vaga ia, ma nimui aqo kamu tsonia moa na goko mana, ma kamu totu tana rago kolugira na tinoni tavosi.”

Sepania 3:14

!Kamu linge ma kamu gudato tana magemage igamu na toga ni Israel! !Kamu magemage tana tobamui popono igamu na Jerusalem!

Jeremia 33:7

Sauba kau logovisugira na vera tana Juda ma na Israel vaga nogo tana idana, ma kau naua ma kara tamani omea danga.

Jeremia 7:34

Ma na kao ia sauba ke lia na kaomate. Mi tana verabau i laona na Juda, mi tana sautu loki i Jerusalem, sauba kau muisia na tatangina na magemage ma na gavai, ma na magemage na kavomutsa na tauga vaolu.

Isaia 52:9

!Kamu gudato tana mage igamu goto na ravuna na Jerusalem! Na Taovia sauba ke savokaetugua nina verabau, me ke veregira nina tinoni.

Linge 116:17

Me sauba kau savori vanigo na kodoputsa na mani soadouamu ma kau saudatoa niqu nonginongi vanigo.

2 Turupatu Dato 7:3

Mi kalina igira na toga ni Israel ara reia na lake e tsunamai talu i baragata ma na marara e dangali poponoa na Vale Tabu, migira ara viri puka kovoragi tsuna tana kao, mara samasama vania God mara tsonikaea tana rongona nina doulaka ma nina galuve vo oli.

Sekaria 10:7

Migira na tinoni ni Israel sauba kara susuliga vaga na mane vaumate, ma kara magemage vaga moa na tinoni ara inu uaeni. Ma na kukuaqira sauba kara padadatoa gaqira tangomana, ma kara gini mage loki tana rongona na omea sui na Taovia e nauvanigira.

Sekaria 9:17

!Sauba ke rerei dou sosongo bâ, me ke lakataga dou na kao ia! Migira na tinoni vaolu sauba kara gania na mutsana, ma kara inuvia na uaenina, ma kara gini lia na tinoni susuliga.

Jona 2:9

Minau sauba kau lingena na tsonikaeamu igoe, ma kau savori-kodoputsa vanigo, ma kau manalia na omea au vekenogoa vanigo. !Rongona na mauri sui e talumai i konimu moa igoe Taovia!”

Jeremia 33:26

Me vaga inau au nau manana nogoa na omea iani, vaga goto sauba kau manalia niqu vaitasogi au naua kolugira na kukuana a Jakob, me kolugotoa a David niqu maneaqo. Inau sauba kau vilia kesa i laoqira na kukuana a David maia ke tagaovigira sui tu kukuaqira a Abraham, ma Isaak, ma Jakob. Inau sauba kau galuvegira niqu tinoni ma kau naua ma kara gini tamani omea danga tugua.”

Jeremia 25:10

Inau sauba kau muisia niqira gû na magemage, ma na tatangina na magemage na kavomutsa na tauga. Me sauba ke tagara sa oela vania niqira laeti, me ke tagara goto sa gaqira mutsa.

Jeremia 16:9

Ko rongomi vatavidoua na omea inau na Taovia Susuliga Sosongo, na God ni Israel, kau tsarivanigo. Inau sauba kau muisia na leleona na magemage ma na kiakia, ma na tatangina na magemage na kavomutsa na tauga. Me sauba ko morosia kara laba na omea girani kalina igoe o mamauri moa.

Nehemia 12:43

Mi tana dani ia ara savorigira danga na kodoputsa, migira na tinoni sui ara mage loki sosongo, rongona God nogo e naua mara gini magemage loki vaga ia. Migira na daki ma na baka ara sanga goto tana mage loki ia, ma na gala leleo ara naua e tugua kara rongomia igira na tinoni tana vera ao.

Nehemia 8:12

Bâ, mi tana igira sui ara visutugua i veraqira, mara magemage, mara mutsa mara inu, mara votagira na omea ara tamanina vanigira na kulaqira tavosi, rongona ara padagadovidoua na omea ara tsokonogoa vanigira.

Esra 6:22

Mi laona e vitu na dani popono migira ara gini magemage na lokisiana na Dani Tabu na Bredi Tagara Isti Konina. Ara gini mage loki sosongo rongona na Taovia e naua ma na taovia tsapakae ni Asiria e tobadou vanigira, me sangagira tana niqira aqo na logo visutuguana nina Vale Tabu aia na God ni Israel.

Isaia 51:3

“Inau sauba kau galuvea na vera ni Jerusalem, migira sui goto ara totu tana toroutsana. Me atsa moa ti nina butona kao e lia nogo na kaomate, me sauba kau naua me ke lia tugua kesa na uta lakataga dou, me ke vaga nogo na uta inau au tsukâ i Eden. Na magemage loki moa sauba ke totu i laona, migira na tinoni kara linge na tsonikaeaqu ma na soadouaqu.

2 Turupatu Dato 20:21

Mi tana, ma na taovia tsapakae e vaigokovigi kolugira na toga me veisuagira niqira papada, mi muri, maia e ketsaligira visana na tinoni ara dona na raqa linge kara sagelia na poloqira katsi agana na dani tabu, ma kara ida vanigira igira na mane vaumate ma kara linge, “!Tsonikaea na Taovia! !Nina galuve aia e totu saviliu!”

Isaia 35:10

Me sauba kara gini mage na labavisutugua i Jerusalem, ma kara lingelinge ma kara gugudato tana magemage. Me sauba kara magemage na dani ma na dani, me ke tau goto ngoligira na melu ma na vatsangi savi.

Jeremia 17:26

Na tinoni sauba kara mai talu tana vera sui tana Juda, me pipi tana tsatsapa tetelo babâ polia na Jerusalem, me sauba kara talumai goto tana butona kao ni Benjamin, mi tana tuana na tetena, mi tana vungavunga, mi tana Juda tabana i ata. Migira sauba kara adimaigira tana niqu Vale Tabu na vangana na savori-kodokodo, ma na kodoputsa, ma na sausau na uiti, ma na bulunagai uruuru, ma na sausau gana na soadou goto.

Jeremia 30:19

Migira na toga kara totu i tana sauba kara linge na lingena na tsonikae, ma kara gugû tana magemage. Minau kau vangalaka vanigira me sauba ke pabo goto bâ na dangaqira, migira na tinoni tavosi kara gini padalokigira.

Jeremia 32:44

Mi mataqira igira ara sanga momoro sauba kara voligira, ma kara marea na soaqira tana mamarena na tsabiri kao, ma kara bulutikakaia. Ma na omea iani sauba ke laba tana butona kao popono tana Benjamin, mi tana tsatsapa tetelo babâ polia na Jerusalem, mi laoqira na vera sui tana Juda, mi tana kao vungavungaga, mi tuaqira na tetena, mi tana Juda tabana i ata. Sauba kau adivisumaigira tugua na tinoni tana niqira kao. Inau nogo na Taovia au tsaria na omea iani.”

Nahum 1:7

Na Taovia e doulaka. Aia e reitutugugira dou nina tinoni tana tagu na rota loki, me aragogira igira ara pilo bâ i konina aia.

Linge 85:7

Taovia ko sauvulagia vanigami nimu galuve vo oli, mo ko sangagami ma kami gini mauri.

Linge 147:13

Aia nogo e ravekakaisigira sui na matsapamu, me vangalaka vanigira nimu tinoni.

Isaia 52:8

!Rorongo bâ! Igira sui na mane togatoga ara totupitua na veramu, ara reilakana nogo na Taovia e vivisumaitugua i Sion, mara gugudato tana mage.

Jeremia 29:14

Eo, sauba kau tamivanigamu kamu tsodoau inau, ma kau naua ma kamu totudoutugua. Sauba kau adisaigamu tana pipi sui na vera tavosi ma na nauna i tana inau au sarangisigamu bâ, ma kau adivisugamu ba tugua tana nimui kao segeni i tana au tsialigigamu tania, mamu ba totu tseka tana vera tavosi. Inau nogo na Taovia au tsaria na omea iani.’

Jeremia 30:3

rongona e maimai varangi nogo na tagu i tana sauba inau kau vaturivisugira tugua igira niqu tinoni ni Israel mi Juda. Me sauba kau adivisumaigira tugua tana kao inau au saunogoa vanigira na mumuaqira, migira sauba kara aditamaniqira tugua. Inau nogo na Taovia au tsaria na omea iani.”

Amos 9:14

Inau sauba kau adivisugira tugua niqu tinoni tana niqira kao. Me sauba kara logovisugira niqira verabau ma kara totuvigira; sauba kara tsukâ niqira uta na uaeni ma kara inuvia na uaenina, sauba kara aqoa niqira uta ma kara gania na vuana na omea ara tsukâ.