Jeremia 31:3 - Ghari

³ minau au tû ao, mau labavulagi vanigira. Igamu na tinoni ni Israel, inau au galuvegamu sailagi, me sauba kau tau kuti na sauvaniamui babâ moa niqu galuve vo oli.

Jeremia 31:3 Referans Kwoze

Linge 103:17

Ma nina galuve vo oli na Taovia e totu saviliu vanigira igira ara kukuni tania, ma nina doulaka e totu saviliu vanigira na vatavata ma na vatavata,

Hosea 11:4

Au alomaigira i koniqu tana galuve. Au tulangi kaegira, mau gomegira. Au gogoro tsuna i koniqira mau palagira.

Na Vaolusi Ketsa 33:3

Eo, na Taovia e galuvegira nina tinoni, me reitutugudougira igira aia e tamanigira. Me vaga ia migita ka tsuporu i matana ma ka muridougira pipi sui nina ketsa.

1 Ioane 4:19

Igita a dona na galuve, rongona God nogo e ida na galuveada.

2 Timoti 1:9

God aia nogo e maurisigita, me viliginigita ka lia nina tinoni segeni. Maia e nauvaganana ia tau laka tana rongona na omea dou igita a naua, mi tana rongona moa aia segenina nogo e ngaoa ke vangalaka vanigita. Idavia God e vusaa na barangengo, maia e vangarau manogatinogoa laka sauba ke tusua na vangalaka iani vanigita tana rongona nina aqo a Iesu Kristo.

Roma 8:30

God e soagira igira aia segenina nogo e viligira. Migira aia e viligira e mologotosigira nogo i konina, me patakolugira goto tana mararana.

Isaia 45:17

Ma na Taovia aia segenina nogo e maurisigamu igamu na Israel, ma gamui tangomana sauba ke totu saviliu; me utu saikesa kara paluvangamamui goto.’ ”

Malaki 1:2

Ma na Taovia e tsarivaganana iani vanigira nina tinoni, “Inau au galuvegamu sailagi.” Migira ara veisuâ, “?Laka tana gua e gini labavulagi vanigami nimu galuve?” Ma na Taovia e tuguvisua me tsaria, “Kaira a Esau ma Jakob ara ka tamatasi, minau au galuvea a Jakob migira na kukuana,

Na Vaolusi Ketsa 10:15

Ma nina galuve na Taovia vanigira na mumuamui e loki sosongo, me gini viligamu igamu, me tau viligira sa puku tavosi. Eo, me tsaumai i dani eni, igamu amu nina tinoni vivili moa aia.

1 Petero 1:3

!Igita ka soadoua God na Tamana a Iesu Kristo nida Taovia! Rongona tana nina galuve loki vanigita ti aia e sauvanigita na mauri vaolu, kalina aia e maurisivisua a Iesu Kristo tania na mate. Aia nogo na rongona te e gini dato varimauri na amesi i tobada.

Linge Na Galuve 1:4

Ko adiau moa inau ma ka ka tsogoligi; ko adiau i laona nimu voki mo ko lia niqu taovia tsapakae. Mi kaita sauba ka gini magemage na totu sai. Igoe o galuve sosongoliau, mi kaita ka ka gini mage manana. Ka nida mage e dou liusia bâ na gini mage na inu uaeni. !Aia nogo na rongona ti igira sui na daki ara ngao sosongoligo igoe!

Hosea 11:1

Na Taovia e tsaria, “Kalina Israel e baka tetelo moa, inau au galuvea, mau soa rutsumia tania na vera ni Ejipt vaga nogo ti na dalequ.

Na Vaolusi Ketsa 33:26

Mi murina nina nonginongi ma Moses e tsarigotoa, “Tinoni ni Israel, e tagara goto sa god ke vaga nimui God, aia e sage tana mararana loki i gotu tana masaoka me liu i laona na parako gana ke mai sangagamu.

Na Vaolusi Ketsa 4:37

Me rongona e galuvegira na mumuamui, te aia e viligamu igamu, mi tana susuligana loki aia segenina nogo e adirutsumigamu tania i Ejipt.

Iakobo 1:18

God aia segeni nogo e kilia ti aia e gini aqo nina goko mana me naua migita a gini lia na dalena. Rongona e ngaoa laka igita ka palaida i laoqira pipi sui na omea aia e volagira.

Roma 9:13

E vaga ara marenogoa tana Mamare Tabu mara tsaria, “Au tobadou vania a Jakob, mau tobaseko vania a Esau.”

Linge 25:6

Taovia ko padatugua nimu doulaka ma nimu galuve vo oli, aia na galuve o sauvulagia tû i sau nogo.

1 Taovia Tsapakae 10:9

!Tsonikaea na Taovia nimu God! Aia e sauvulagia laka aia e reingaogo igoe te e mologinigo ko lia gaqira taovia tsapakae na tinoni ni Israel. Mi tana rongona e totu saviliu nogo nina galuve vanigira na Israel, te aia na Taovia e mologinigo mo lia gaqira taovia tsapakae, rongona igoe ko gini vaturia na goto ma na pedelaka i laoqira nimu toga.”

Isaia 43:4

Eo, sauba kau nauvaganana ia, rongona igamu amu tamani rongona loki sosongo bâ i mataqu inau, mau galuvegamu, mau padalokigamu.

Isaia 49:14

Migira na tinoni ni Jerusalem ara goko mara tsarivaganana iani, “!Na Taovia e tsonilegita nogo! Aia e padalegita saikesa nogo.”