Jeremia 30:9 - Ghari

⁹ Tagara, sauba moa kara aqo vaniau inau na Taovia niqira God, me vanigotoa kesa na kukuana a David aia inau sauba kau molokaea ke lia na taovia tsapakae.

Jeremia 30:9 Referans Kwoze

Hosea 3:5

Me sauba ke labamai na tagu i tana igira na tinoni ni Israel kara pilovisutugua i konina na Taovia niqira God, mi konina kesa niqira taovia tsapakae aia na kukuana a David. Mi muri ti igira kara kukuni tania na Taovia, maia ke vangalaka vanigira tugua.

Luka 1:69

E manogati vanigita nogoa kesa na Vagamauri susuliga, aia e talu tana puku konina a David nina maneaqo.

Aqoaqo 13:34

Miani goto nina goko God e tsaria tana rongona na maurivisuana tania na mate, me ke tau goto ratsa lee tana qilu: ‘Inau sauba kau sauvanigamu na vangalaka sui vaga au vekenogoa vania a David.’

Aqoaqo 13:23

“Ma God e vilinogoa kesa na kukuana a David, aia nogoria a Iesu, ke lia niqira Vagamauri na tinoni ni Israel vaga e vekenogoa i sau.

Aqoaqo 2:30

Aia nogo kesa na propete, me donadouginia nagua God e vekea vania: God e gini vatsa laka sauba ke vilia kesa na kukuana a David, maia ke taovia tsapakae vaga nogo a David.

Jeremia 23:5

Ma na Taovia e tsarigotoa, “Eo, e varangi nogo ke laba na tagu i tana inau sauba kau vilia kesa na kukuana a David, aia na tinoni dou me gotolaka nina sasaga, ke lia na taovia tsapakae. Maia sauba ke tagao sasaga, me ke naua moa na omea e dou me gotolaka vanigira na tinoni sui.

Mateo 2:2

Mara veisuaa: “?Laka iava e botsa aia na meomeo sauba ke taovia tsapakae vanigira na Tsiu? I tugami ami tu morosinogoa na veituguna kalina e labadato i longa, mami tu gini mai na tsuporu vaniana.”

Linge 89:49

?Taovia, laka iava kalina ia na papadana nimu galuve vo oli igoe o sauvanigami i sau? ?Me laka iava ara totu igira na veke igoe o naugira vania a David?

Jeremia 29:11

Inau segeniqu moa au donaginia na omea au vangarau manogatinogoa kau naua vanigamu agana ke gini dou na maurimui, me tau gana ke gini seko, ma kau manali vanigamu na omea sui igamu amu amesia ke laba tana tagu ke mai.

Jeremia 30:21

Ma niqira taovia tsapakae sauba ke talumai i laoqira segeni nogo, me ke kesa nogo i laona niqira puku segeni. Maia sauba ke mailaba i mataqu kalina moa inau kau soamaia, rongona e utu kesa ke tavongani labamai i mataqu ti vaga inau kau tau soâ ke mai. Igira sauba kara lia niqu tinoni, minau sauba kau lia niqira God. Inau nogo na Taovia au tsaria na omea iani.”

Jeremia 33:15

Mi tana tagu nogo ia, sauba kau vilia ke kesa na kukuana laka nogo a David ke lia na taovia tsapakae. Ma na taovia tsapakae nogo ia, sauba ke naua moa na omea e dou me gotolaka i laona na kao popono.