Biblia Todo Logo
Bib sou entènèt

- Piblisite -




Jeremia 30:7 - Ghari

7 Na dani seko sosongo e maimai varangi nogo; me tagara goto sa dani segeni ke seko atsalina ia, aia kesa na tagu na rota seko loki vanigira niqu tinoni, minau sauba nomoa kau laumaurisigira.”

Gade chapit la Kopi




Jeremia 30:7
37 Referans Kwoze  

“Mi tana tagu vaga ia, me sauba ke labamai a Mikael na angelo taovia, aia e vangataogira nimu tinoni. Mi tana sauba ke laba na tagu na rota loki seko sosongo, liusigira na tagu seko sui ara laba nogo tû kalina e botsa na barangengo. Mi kalina ke laba na tagu seko vaga ia, migira sui nimu tinoni segeni igoe, igira ara maretsunanogoa na soaqira i laona nina papi God, sauba kara mauri tania na rota loki ia.


Na Taovia Susuliga Sosongo e goko me tsaria, “E maimai nogo na dani i tana igira sui na tinoni vanga kaekae ma na vanga nauseko sauba kara iru lê sui vaga moa na rau matemate. Mi tana dani nogo ia, sauba kara iru sui saikesa nogo, me ke tau goto totuvisu sa turina na koniqira.


Migoe o manalinogoa na omea o tsaria laka ko naua vanigami me vanigira goto igira gamami tagao. Mo kede kakaia na verabau ni Jerusalem liusigira bâ na verabau sui i laona na barangengo,


Mi kalina na Taovia e sauketsa vanigira nina mane vaumate, ma na liona e poda loki vaga moa na quluqulu. Mara danga bâ mara susuliga sosongo na mane vaumate ara rongomangana aia. Eo, e mamataguniga loki sosongo nina dani na Taovia! ?Masei nomoa tangomana ke pitsa tania?


Mi muri ti igira sui goto na tinoni ni Israel kara sangasage mai goto tana mauri. Sauba ke vaga ara marenogoa tana Mamare Tabu, “Na Vagamauri sauba ke talumai i Sion, me sauba ke adiligigira pipi sui na omea seko tanigira na kukuana a Jakob.


Rongona na rota ke gado tana tagu ia sauba ke seko liuliu baa, liusigira pipi sui na rota ara laba nogo tuu tana tuturigana kalina God e vusaa na barangengo, me tsaumai i dani eni. Me utu goto ke laba tugua sa dani na omea seko loki vaga ia.


Migira na toga tana Juda ma na toga tana Israel kara sai tugua, ma kara lia kesa moa na puku loki. Ma kara vili vanigira segeni ke kesa moa gaqira ida. Me sauba tugua kara pabo babâ, ma kara tamani omea danga i laona niqira butona momoru segeni. !Eo, na danina a Jesreel sauba ke lia na dani loki manana!


Maia e tsarigotoa vanigira igira sui ara liuputsi i tana: “!Kamu morosiau inau! E tagara goto sa tinoni ke vatsangia na rota loki vaga au vatsangia inau, na rota aia na Taovia e moloa ke gadoviau tana nina tobamomosa loki.


“Me vaga ia, migamu niqu tinoni kamu laka na matagu, migamu na toga ni Israel kamu laka goto na kadangaginiana sa omea. Inau sauba kau laumaurisigamu tania na vera ao, aia nogo na vera i tana amu totutseka kalina ia. Igamu sauba kamu visumaitugua i veramui ma kamu totu tana rago, ma kamu totu raviravi dou, me ke tagara goto kesa tangomana ke molo matagu vanigamu.


Na tinoni dou e gadovia danga na rota, ma na Taovia e maurisia tanigira sui;


Rongona e laba nogo na dani loki i tana nogo ke botsa laba ka koreqira kaira. ?Masei tangomana ke dilaa?”


ke rodo na aso, ma na vula ke tsitsi vaga na gabu, girani nogoria na omea kara laba ida talu ti ke laba na dani loki sosongo, na Dani tana ke labamai na Taovia.


Me ke rodo na aso, ma na vula ke tsitsi vaga moa na gabu. Igirani nogoria na omea kara laba ida talu ti ke laba na dani mamataguniga, na Dani i tana ke labamai na Taovia.


Na Taovia e kede sekoli sosongoligira bâ niqu tinoni liusigira na tinoni ni Sodom, igira aia e molotsunamaia na lake ke iruvi novotigira.


?Are kiki Jerusalem, e livugaluvemu, ma nagua goto kau tsarivanigo? ?Ma kau verego koegua kiki goto inau? E tagara goto ke kesa ke tsodoa na rota loki vaga iani. Gamu rota e loki vaga saikesa na kema. ?Masei nomoa tangomana ke laumaurisigo?


!God, ko maurisigira nimu toga ni Israel tania pipi sui niqira rota!


Mi tana, ma Jakob e boe sosongo me matagu. Maia e tû me votaruka igira na tinoni ara dulikolua, me nauvaganana vanigira goto nina sipi, ma nina naniqoti, nina buluka ma nina kamelo.


Mi kalina ke labamai na tagu ia, migira na tinoni ara totu taonia na liligina tasi ni Pilistia sauba kara tsaria, ‘!Reia bâ na omea e laba vanigira na tinoni igita a noru sosongoligira kara isutuguda tania na taovia tsapakae ni Asiria! ?Ma ka koegua vaga igita kalina ia ti ka savilaginia niqira isi igira na Asiria?’ ”


Igamu amu goko vania na gai mamu tsaria, ‘Igoe nogo na tamaqu.’ Me vania na vatu, ‘Igoe nogo na tinaqu o vasuau.’ Me sauba ke paluvangamamui tana rongona igamu amu piloligi taniau inau, mamu tau ngaoa na pilovisutugua i koniqu. Bâ, mi kalina e gadovigamu na rota, migamu amu ngangaidato vaniau mamu tsaria, ‘!Taovia ko mai mo ko maurisigami!’


“?Igamu na Juda, laka iava igira na god peropero igamu amu aqosigira vanigamu segeni? !Igira nogo kara mai ma kara maurisigamu, ti vaga kara tangomana! Ara danga sosongo nimui god peropero, vaga nogo na dangaqira na verabau amu tamanina.


Migoe segeni moa nimami amesi igami na tinoni ni Israel. Migoe segeni lelê moa tangomana ko maurisigami tania na omea seko loki. ?Me laka egua ti o vaga moa na tinoni labana tana veramami igami, me vaga moa na tinoni tavetada e mai me maturu bongi kesa moa?


Kamu rorongo dou igamu na tinoni ganoga, migamu sui goto tana Juda kamu rorongo mai. ?Laka amu reinogoa e laba sa omea vaga ia tana maurimui igamu, se tana mauriqira igira na mumuamui?


Nina dani na Taovia e mai varangi nogo, aia nogo na dani i tana aia na God Susuliga Sosongo ke alomaia gaqira matemate na tinoni sui. Ma na omea mamataguniga nomoa sauba ke laba tana dani ia.


se na rodo, me sauba ke dani saviliu moa, atsa moa ti ke tsau nogo na tagu na bongi. Ma na Taovia segeni moa e donaginia ke ngisa ti ke laba na omea vaga ia.


?Megua vaga igoe Jerusalem, ti o ngangai loki vaga ia? ?Matena gua ti o rota loki vaga moa kesa na daki e vatsangia na dalena? ?Ke tau utu ngatsu matena igoe o tau tamanina sa nimu taovia tsapakae, migira goto nimu tinoni sauparovata ara viri mate sui nogo?


Inau au rongomia na omea sui girani, mau gagariri; me gini dodokeke na tutubena mangaqu. Ma na koniqu popono e labelabeaga lê, ma na tuaqu ara tau nogo tsotso kakai. Minau sauba nomoa kau totudodo ma kau pitua moa ke mai na tagu i tana God sauba ke kedegira igira ara sekoligita.


Swiv nou:

Piblisite


Piblisite