Jeremia 30:11 - Ghari

¹¹ Inau nogo sauba kau mai i konimui ma kau laumaurisigamu. Sauba kau toroutsanigira pipi sui na puku tavosi i tana inau au sarangasigamu bâ, migamu moa e utu kau toroutsanigamu. Me sauba rago kau kedegamu igamu, mi kalina kau tû na kedeamui, me sauba kau naua moa tana pede gotolaka. Inau nogo na Taovia au tsaria na omea iani.”

Jeremia 30:11 Referans Kwoze

Jeremia 10:24

Ko gotosigira rago nimu tinoni Taovia; mo ko laka moa na rotasiamami sosongo, se ko pedegami kalina ke momosa loki na tobamu; rongona ti ko nauvaganana ia, me sauba igami kami mate sui.

Jeremia 4:27

Na Taovia e tsari idanogoa na omea iani, “Na barangengo popono sauba ke lia na kaomate, me utu nomoa kau toroutsani saikesalia.

Jeremia 1:8

Ko laka na mataguniaqira igira, rongona inau sauba kau totu kolugo ma kau dilago. !Inau nogo na Taovia au tsaria na omea iani!”

Isaia 8:10

!Eo kamu bâ nauragoa nimui vorogoko sai! Me utu saikesa nomoa kamu tangomana. Me atsa moa ti igamu kamu goko dangadanga, migira sui nimui tsaqina goko ara tau nogo tamani rongona, matena aia God e totu kolugami.

2 Timoti 4:22

Na Taovia ke totu i konimui. Mau nongia God ke vangalaka vanigamu sui.

Aqoaqo 18:10

rongona inau nogo au totu kolugo. Me tagara ke kesa ke tangomana na sekoliamu, na rongona ara danga na tinoni i laona na vera iani ara niqu tinoni nogo inau.”

Mateo 28:20

Ma kamu sasaniginigira na muriana pipi na omea au ketsaliginigamu. Eo, minau sauba kau totu sailagi i konimui, poi ke sui na barangengo.”

Jeremia 15:20

Minau sauba kau naua, migoe sauba ko tukakai i mataqira vaga saikesa moa na baravatu tapalamila. Igira sauba kara vailabu kolugo igoe, me utu moa kara tuliusigo. Inau sauba kau totu kolugo, ma kau dilago, ma kau ravisigo.

Jeremia 5:18

Na Taovia e tsaria, “Me atsa goto moa tana tagu ia, me sauba e utu goto kau matesiligigira saikesa niqu tinoni.

Jeremia 5:10

Inau sauba kau molovanogira na gala kara ba kavikutigira niqira uta na uaeni niqu tinoni, me utu moa kau tamia kara toroutsanigira saikesa. Sauba kau tsarivanigira kara kaviligigira moa na araqira, rongona na arana girani ara tau niqu inau.

Linge 6:1

!Taovia ko laka na kore ma na goko kakai vaniaqu! !Ko laka na kedeaqu tana nimu momosatoba!

Mateo 1:23

“E kesa na siama sauba aia ke tiana, me ke vasua kesa na dalena mane, me ke soaginia a Emanuel.” Ma na rongona na soa ia, ‘God e totu i konida’.

Esekiel 11:13

Mi tana tagu tsotsodo nogo inau au katea na omea girani, maia Pelatia e tavongani puka me mate. Minau au puka kovoragi tana kao mau gu loki, “!Taovia God ko laka! ?Egua laka sauba ko labumatesigira sui igira ara kauvisu tana Israel?”

Isaia 43:25

Minau na Taovia nimui God au padalegira nomoa nimui sasi, tana rongona nogo gaqu loki tsapakae inau, me utu goto kau padadatogira babâ na omea seko amu naugira.

Aqo Manetabu 26:44

Me atsa moa ke vaga ia, minau sauba kau tau vanoligi saikesa tanigira kalina igira ara totu moa i laona niqira kao gaqira gala, se kau matesiligigira sui, rongona ke tau luvu lê na vaitasogi inau au naua kolugira, minau nogoria na Taovia niqira God.

Na Vaolusi Ketsa 4:31

Na Taovia nimui God aia na God na galuve; maia sauba e utu ke tsonilegamu, se ke matesiligigamu, se ke padalea na vaitasogi aia segenina nogo e naukolugira na mumuamui.

Tangitangi 3:22

Nina galuve vo oli na Taovia e utu ke sui, ma nina tobalaka vanigita e tau goto kuti,

Esekiel 6:8

“Me ke visana sauba kau tamivanigira kara pitsa tania na labumate ia, ma kau mologira kara totu saranga bamai lê i laoqira na puku tavosi,

Hosea 11:9

E utu kau tamivania niqu momosatoba ke kedegamu, me utu kau sekoligotoa na Israel rongona inau au God mau tau tinoni lê. Inau au Tabu Loki, mau mai totu i levugamui. Mau tau ngaoa kau toroutsanigamu tana niqu momosatoba.

Binaboli 34:7

Au manalia niqu veke vanigira na toga na vatavata, mau padalea na omea seko ara naua ma niqira sasi; me sauba nomoa e utu kau terevia na kedeaqira na dalemui ma na kukuamui tsau bâ tana tolunina ma na vatinina vatavata kara botsamai i muri tana rongona niqira sasi na tamaqira.”