Jeremia 3:4 - Ghari

⁴ “Bâ, mi kalina eni igoe o tsarivaniau inau, ‘Igoe nogo na tamaqu, migoe o galuveau tu mai nogo kalina au baka tetelo inau.

Jeremia 3:4 Referans Kwoze

Jeremia 2:2

kau ba katevulagia na goko iani vania na vera ni Jerusalem. “Inau au padatugua kalina igoe o vavaolu moa, mo totukakai i koniqu. Mi tana tagu ia, igoe o galuveau vaga moa na daki e galuve sosongolia na savana kalina ara ka tauga vaolu. Igoe o tsarimuriqu tana kaomate, tana kao i tana ara tau vati tsukâ sa omea.

Jeremia 3:19

Ma na Taovia e tsaria, “Israel, inau au ngaoa kau tabego igoe vaga kesa na dalequ, ma kau sauvanigo kesa na butona kao dou sosongo, aia na kao dou liuliu bâ i laona na barangengo popono. Minau au ngaoa igoe ko soaginiau Mama, mo ko laka goto na piloligi taniaqu.

Hosea 2:15

Me sauba kau tusuvisu vania nina uta na uaeni lakataga, ma kau naua ma na Poi na Rota i tana e totu kalina ia, ke oli me ke lia vaga na matsapana na amesi. Maia sauba ke visutugua i koniqu i tana, vaga nogo e naua kalina e daki vaolu moa, me vasini moa talumai i Ejipt.

Jeremia 31:9

Migira niqu tinoni sauba kara ngangai ma kara nonginongi vaniau, kalina inau kau tudumivisugira tugua. Sauba kau mataligira bâ tana kô tatave, mi tana sautu atsa tana e utu goto kara tubulagi. Inau au vaga na tamaga vania na Israel ma Epraim e vaga nogo na dalequ botsa ida.”

Goko Tabana 2:17

aia e tau nogo totu kalavata kolua na savana segeni me padalea nina veke tabu na tauga e naua.

Linge 71:17

Igoe nogo o sasaniau tû kalina au tinoni vaolu, minau au tau goto mololea na tsarivulagiana babâ moa na rongogira pipi nimu aqo dou sosongo igoe o naugira.

Malaki 2:14

Mamu veisuâ na Taovia, “?Egua igoe ti o tau nogo tabegira na savori igami ami saugira vanigo?” Eo, ma na rongona aia na Taovia e donagininogoa laka amu veogira nogo nimui vekesai amu naukolua na daki amu taugâ kalina amu vavaolu moa. Aia gamui valekolu nogo igamu, migamu amu tû mamu veogira nimui vekesai amu naukolua, atsa moa ti amu vekenogoa i matana God laka sauba kamu totu kalavata dou kolua na taumui.

Jeremia 2:27

Igamu amu goko vania na gai mamu tsaria, ‘Igoe nogo na tamaqu.’ Me vania na vatu, ‘Igoe nogo na tinaqu o vasuau.’ Me sauba ke paluvangamamui tana rongona igamu amu piloligi taniau inau, mamu tau ngaoa na pilovisutugua i koniqu. Bâ, mi kalina e gadovigamu na rota, migamu amu ngangaidato vaniau mamu tsaria, ‘!Taovia ko mai mo ko maurisigami!’

Goko Tabana 1:4

Me tangomana goto kara sangagira na tinoni ara tau sasaga katsi kara sasaga, me ke sasaniginigira na tinoni vaolu kara dona na vilivotadouana na omea kara naua.

Linge 119:9

?Ke naukoeguania kesa na tinoni vaolu ti ke gini male dou nina sasaga? Tana muridouaqira moa pipi nimu ketsa igoe.

Linge 71:5

Taovia God i konimu nogo au vataraginia niqu amesi; tû kalina au tinoni vaolu minau au molo kalavatavia niqu vainoru i konimu igoe.

Linge 48:14

ma kamu tsarivanigira, “Aia nogoria e God nida God e totu saviliu na dani ma na dani; aia nogo sauba ke tudumigita tana tagu sui ke bâ me ke bâ.”

Malaki 1:6

Na Taovia Susuliga Sosongo e tsarivaganana vanigira na manetabu, “Na baka mane nina aqo ke kukuni tania na tamana, ma na maneaqo ke kukuni tania gana taovia. ?Minau nogo na tamamui, megua vaga ti igamu amu tau pada mamavasiau? ?Minau nogo gamui taovia, megua vaga ti amu tau kukuni taniau? Migamu amu peaau, mamu tû nomoa mamu veisuaau, ‘?Laka ami pea koeguanigo?’

Jeremia 31:22

?Ke oka koegua sagata kamu baribari, igamu na dalequ vanga petsakoe? Inau au aqosia kesa na omea e vaolu me rerei tavosi, vaga moa na daki e reitutugua na mane.”