Jeremia 3:25 - Ghari

²⁵ Eo, e tuguragoa nomoa kami gini vangamâ loki, me ke tsavu poponogami na vangamâ, rongona igami, migira goto na mumuamami, ami sasi sailagi vania moa na Taovia nimami God; mami tau goto dona na muriaqira nina ketsa.”

Jeremia 3:25 Referans Kwoze

Jeremia 22:21

Na Taovia e goko vanigo kalina igoe o totu dou mo tamani omea danga moa, migoe o sove na rorongo. Maia nogoria na omea igoe o naua tana maurimu popono, mo tau ngaoa ko rongomangana na Taovia.

Jeremia 2:26

Na Taovia e tsaria, “Kalina ara tangolia kesa na mane komi maia e gini paluvangamana, me sauba kara paluvangamamui goto igamu sui na tinoni ni Israel kolugira nimui taovia tsapakae, ma nimui tinoni lokiloki, ma nimui manetabu, ma nimui propete.

Roma 6:21

?Ma nagua na peluna vanigamu na omea amu naugira mamu gini paluvangamamui segeni kalina eni? !Na peluna na omea vaga gira na mate nogo!

Daniel 12:2

Ma na dangana na vidaqira igira ara mate nogo sauba kara maurivisutugua: me ke visana sauba kara gini mage na sage tana mauri saliu, me ke visana sauba ke paluvangamaqira na totu tana vangama saliu.

Esekiel 36:32

Igamu na Israel, inau au ngaoa igamu kamu donadouginia laka e tau tana rongomui igamu ti inau au naugira na omea sui girani, tagara, mi tana rongona moa na asaqu tabu segeni. Minau au ngaoa igamu kamu padavisugira na omea seko igamu amu naua, me ke gini paluvangamamui. Inau nogo na Taovia God au tsaria na omea iani.

Esekiel 7:18

Ma kara sagelia na polo baubau papadana na melu, me ke gariri popono na kokoraqira. Sauba kara tsara koakoa na lovaqira, me sauba nomoa ke paluvangamaqira sui.

Tangitangi 5:16

Me tagara lelê goto sa omea ke kauvisu i laoqira pipi sui na omea ami gini kaekae, me gini puka lê gamami tangirongo. E sarevo sosongo nomoa vanigami rongona ami sasi.

Tangitangi 5:7

Migira nogo na mumuamami ara sasi sosongo, mi kalina ia igira ara mate nogo, migami ami rota na matena niqira sasi.

Jeremia 6:26

Ma na Taovia e tsarivanigira nina tinoni, “Kamu sagelia na polo baubau papadana na melu, ma kamu gini uliuli na tora. Kamu tangitangi vaga moa kalina amu tangisia na mateana kesa lelê moa na dalemui mane, rongona sauba ke labunovotigamu aia e vangaraua na toroutsaniamui.

Jeremia 2:19

Nimu sasaga tabaru segeni nogo sauba ke kedeginigo, mi tana rongona nogo igoe o piloligi taniau inau, ti inau goto sauba kau gini kedeginigamu. Mi tana tagu ia, sauba ko donaginia laka e seko sosongo nomoa na tsonikidaqu inau na Taovia nimu God, ma na sove na totukakai i koniqu. Inau nogo na Taovia God au tsaria na omea iani.”

Jeremia 2:17

!Migoe nogo Israel, o alomai vanigo segeni na omea iani! Kalina inau na Taovia nimu God au idagana sautu vanigo, migoe o tû mo vanoligi taniau.

Jeremia 2:2

kau ba katevulagia na goko iani vania na vera ni Jerusalem. “Inau au padatugua kalina igoe o vavaolu moa, mo totukakai i koniqu. Mi tana tagu ia, igoe o galuveau vaga moa na daki e galuve sosongolia na savana kalina ara ka tauga vaolu. Igoe o tsarimuriqu tana kaomate, tana kao i tana ara tau vati tsukâ sa omea.

Isaia 50:11

Bâ, migamu sui amu tau dona na noruana God, mamu tungi sulu gana ke mararasia nimui sautu kalina amu liu tana rodo, kamu liu rago tana mararana na sulu igamu segenimui nogo amu tungigira. Ma na Taovia aia e pede manogatinogoa na nauna i tana kamu vano kalea, na nauna i tana kamu vatsangia na rota loki.

Isaia 48:8

Minau au dona nogo laka e utu kau norugamu, rongona tu kalina amu botsa amu petsakoe mamu muria moa nimui papada segeni. Aia nogo na rongona ti au gini tau tsarivulagi vanigamu na omea girani.

Goko Tabana 5:13

Inau au sove na rongomiaqira gaqu tarai, mau tau goto gini boe na omea ara tsaria.

Linge 109:29

Ko paluvangamaqira igira gaqu gala; na vangamâ ke tsavugira popono vaga moa ti gaqira polo sagesage.

Linge 106:7

Kalina igira na mumuamami ara totu i Ejipt ara tau saikesa padagadovia na aqo loki sui igoe o naugira; mara padalegira nogo na tagu danga i tana igoe Taovia o sauvulagia vanigira nimu galuve. Mi tana Tasi Tsitsi igira ara tû, mara petsakoe mangana moa aia e Susuliga Tsapakae.

Tinoni Pede 2:2

Migamu nimui aqo kamu laka saikesa goto na nauana kesa na vaitasogi kolugira na tinoni ara totu tana kao iani. Ma nimui aqo goto kamu toroutsanigira niqira belatabu igira.’ Miava, migamu amu tau lelê goto naua na omea vaga inau au ketsaligamu. ?Ma nagua moa amu naua?

Linge 106:6

Igami ami sasi vaga nogo ara naua igira na mumuamami; ami tsutsukibo mami sasaga seko.

Jeremia 3:13

Ko tsaridoua laka igoe o tsutsukibo mo sove tania na Taovia nimu God. Ko koevulagia laka igoe o ba saua nimu galuve vanigira na god peropero i vavaqira pipi na auauna gai, mo tau goto murigira niqu ketsa. Inau nogo na Taovia au tsaria na omea iani.

Jeremia 8:14

Mara tû igira nina tinoni God mara veisuâ vaga iani, “?Laka na rongona gua a totudodo vaga ia igita? Mai, ma ka ulovano tana verabau ara barapoliginigira na vatu, ma ka ba mate i tana. Na Taovia nida God e pedevanigita nogo ka mate; me saunogoa vanigita na tabatu gana ka inuvia, rongona igita a sasi sosongo i matana aia.

Jeremia 14:7

Migira niqu tinoni ara ngangaidato vaniau mara tsaria, ‘Atsa moa ti igira nimami sasi ara tai matamami, ami nongigo moa Taovia ko sangagami moa vaga igoe o vekenogoa. Igami ami piloligi tanigo nogo danga kalina, mami sasi sosongo i matamu.

Jeremia 14:20

Igami ami sasi sosongo i matamu igoe Taovia. Ami koevulagigira vanigo nimami sasi segeni ma niqira sasi goto igira na mumuamami.

Jeremia 20:18

?Laka na rongona gua te e vasuau tinaqu inau? ?Laka gana moa ke gadoviau na rota ma na melu, ma kau suilavaginia na mauriqu tana paluvangamâ?

Jeremia 31:19

Igami ami piloligi tanigo igoe Taovia, mi kalina ia, ami ngaoa kami visubatugua i konimu. Mi kalina igoe o kedegami, ma na lovamami e ulutsuna tana vangamâ. Me gini paluvangamamami sosongo tana rongoqira na sasi ami naugira kalina ami tinoni vaolu moa.’ ”

Esekiel 2:3

“Dalena tinoni igoe, inau au ngaoa kau molovanogo i koniqira na tinoni ni Israel. Igira ara petsakoe sosongo mara piloligi taniau inau, mara petsakoe babâ moa vaga saikesa nogo ara naua igira na mumuaqira i sau.

Goko Tabana 13:18

Asei e tau ngaoa kara totosasaga vania sauba ke tau tamanina sa omea me ke paluvangamana segeni. Masei aia e tami kara totosasaga vania sauba na tinoni tavosi kara pada mamavasia.

Jeremia 7:19

?Me laka inau ngana ara sekoliau? Tagara saikesa. Igira ara sekoli segeniqira, mara paluvangamaqira segeni.

Jeremia 9:18

Migira na tinoni ara tsaria, “Kamu tsarivanigira kara tsaku ma kara lingena vanigami na linge na matemate, poi tsau ke dangadato na kô tana matamami, ma na vevenuna na matamami kara gini pori popono na ngangai.”

Jeremia 11:13

Na dangana niqira god peropero igira na tinoni tana Juda e atsa kolua moa na dangana niqira verabau, migira na tinoni ni Jerusalem ara vaturikaegira danga sosongo na belatabu agana na mani kodoputsa vaniana Baal aia na god marasibiga, vaga saikesa nogo na dangana na sautu tana verabau ia.

Jeremia 12:13

Igira niqu tinoni ara rasavaginia na vatuna uiti, mara angunikolugira moa na buruburu seko. Ara aqo kakai sosongo me tau goto pelugira niqira rota. E tau saikesa vungu dou niqira uiti tana rongona niqu momosatoba loki vanigira.”

Hosea 9:10

Na Taovia e tsaria, “Kalina inau au tsodovaolua na Israel me gini mage tobaqu, vaga moa ti au ba tsodoa na vuana uaeni e dato i laona na kaomate. Mi kalina au reivaolua na mumuamui, e vaga moa ti au reia na kesanina vuana na gai mutsamutsa e mada nogo tana taguna laka. Mi kalina igira ara mailaba tana Vungavunga Peor, mi tana ara tuturiga na samasama vaniana Baal, me tau oka i muri mara marasibiga vaga nogo na god peropero igira ara reingaogira.

Sepania 1:17

Ma na Taovia e tsarigotoa, “Eo, igira sui lakalaka na tinoni ara sasi i mataqu inau. Mi kalina ia, minau sauba kau molomaia na rota seko loki ke gadovigira, ma kara gini taposasa bamai vaga moa na tinoni e koko na mataqira. Na gabuqira ke tareo vaga moa na kô, ma na koniqira kara mabulu ma kara ratsa lê tana kao.”