Jeremia 3:19 - Ghari

¹⁹ Ma na Taovia e tsaria, “Israel, inau au ngaoa kau tabego igoe vaga kesa na dalequ, ma kau sauvanigo kesa na butona kao dou sosongo, aia na kao dou liuliu bâ i laona na barangengo popono. Minau au ngaoa igoe ko soaginiau Mama, mo ko laka goto na piloligi taniaqu.

Jeremia 3:19 Referans Kwoze

Jeremia 3:4

“Bâ, mi kalina eni igoe o tsarivaniau inau, ‘Igoe nogo na tamaqu, migoe o galuveau tu mai nogo kalina au baka tetelo inau.

Jeremia 31:9

Migira niqu tinoni sauba kara ngangai ma kara nonginongi vaniau, kalina inau kau tudumivisugira tugua. Sauba kau mataligira bâ tana kô tatave, mi tana sautu atsa tana e utu goto kara tubulagi. Inau au vaga na tamaga vania na Israel ma Epraim e vaga nogo na dalequ botsa ida.”

Isaia 63:16

Igoe nogo na tamamami. Kaira a Abraham ma Jakob na mumuamami ara ka tau nogo reigadovigami igami, migoe segenimu nogo Taovia na tamamami, migoe nogo o suivisugami tû mai nogo i sau.

Hibru 10:39

Migita a tau vaga igira na tinoni ara pilovisu tania God, mara baa tana rota saliu. Tagara. Igita a tutunina, migita a gini mauri tanusi nogo tanigira nida sasi.

Epesus 1:5

God e pedea laka igita ka lia na dalena ginia nina aqo a Iesu Kristo. Aia segenina nogo e kilia, me ngaoa ke laba vaganana.

Galatia 3:26

Migamu na kulaqu, amu lia nogo na dalena God rongona amu tutunina a Iesu Kristo.

Hosea 11:8

“?Me koegua ti kau mololegamu igamu na Israel? ?Me ke koegua ti kau tsonilegamu? ?Laka kau sekoligamu vaga au nauvaninogoa na vera ni Sodom, se kau nauvanigamu na omea vaga au nauvanigira na Gomora? !E utu! Niqu galuve vanigamu e loki sosongo me gini utugana vaniau kau sekoligamu.

Daniel 11:45

Sauba ke vaturikaegira nina valepolo loki na taovia tsapakae tana ka gaqira levuga na tasi ma na vungavunga i tana e tukae na Vale Tabu. Mi tana nogo sauba aia ke mate lê, me ke tagara goto ke kesa ke sangâ.

Daniel 11:41

Maia sauba ke bokigotoa na Israel, aia na kao dou sosongo God e saunogoa vanigira nina tinoni, me ke labumatesigira na toga ma na toga na tinoni, mitugira moa na vera loki ni Edom, mi Moab, ma na turina na Amon sauba kara savilaginia.

Daniel 11:16

Maia na taovia tsapakae ni Siria sauba ke naua moa na omea vaga nogo aia e kilia, me tagara goto ke kesa ke tangomana na utusiana. Aia sauba ke tangolia niqira kao dou sosongo God e saunogoa vanigira nina tinoni, me ke sekoligira popono na omea sui i laona.

Daniel 8:9

Mi konina kesa tu vidaqira vati na kakatsana e tavongani vasumai kesa na kakatsana tetelo, ma na susuligana aia e tavosa bâ tabana i ata, mi tabana i longa, me kalegotoa na Israel.

Esekiel 20:6

Mi tana tagu nogoria ia inau au veke vanigira laka kau adirutsumigira tania na Ejipt, ma kau idagana sautu vanigira tsau bâ tana butona momoru inau au vilinogoa vanigira, i tana e lakataga dou sosongo na kao, me dou liusigira bâ na kao sui.

Jeremia 31:20

Ma na Taovia e tsaria, “Israel, igoe nogo na dalequ galugaluve, niqu baka au galuve sosongolia bâ. Me atsa moa au goko korekore vanigo igoe, mau galuve sosongoligo nomoa. Na tobaqu e papadago sailagi moa, me sauba nomoa kau tobadoutugua vanigo.

Jeremia 12:10

Ara danga na tagaovera ni veratavosi ara mai toroutsania niqu uta na uaeni, mara tsogorivela bamaigira niqu uta; mara naua ma niqu kao laka dou e gini lia na kaomate.

Jeremia 5:7

Na Taovia e goko me tsaria, “?Rongona gua kau padalegotoa niqira sasi niqu tinoni? Igira ara tsonikidaqu inau na God mana, mara ba samasama vanigira na god peropero. Inau au palagira niqu tinoni poi tsau kara masu dou, migira ara ba kiboga gaqira moa, mara ba totu kolugira na daki rebi.

Isaia 64:8

Migoe nomoa Taovia na tamamami igami. Migami ami vaga moa na kao tsitsi, migoe o vaga moa na mane e buloa na kao tsitsi me aqosiginia na popo. Migami sui nina aqo nogo na limamu igoe.

Goko Tabana 3:35

Na tinoni sasaga loki sauba kara padalokigira, migira na tinoni bule sauba kara paluvangamaqira.

Linge 106:24

Mi muri, migira ara sove tania na kao lakataga dou, rongona igira ara tau tutunina nina veke God e naua vanigira.

1 Petero 1:17

Kalina igamu amu nonginongi mamu soaginia God na Tamamui. Eo, maia nogoria e pedegira na tinoni sui tana kesaniatsa, muria nina sasaga tatavosi pipi tinoni vaga aia e naua tana maurina. Me ti ke vaga ia, me dou ti igamu kamu totu sailagi tana kukuni loki tania God tana maurimui popono i lao eni.

Linge 16:6

!Ara dou sosongo nomoa nimu vangalaka gira igoe o sauvaniau! !Eo, ara dou manana nomoa!

Linge 89:26

Maia sauba ke tsarivaganana vaniau, ‘Igoe nogo na tamaqu ma niqu God; igoe niqu reitutugu ma niqu vagamauri.’

Jeremia 3:17

Mi kalina ke laba na tagu vaga ia, ma Jerusalem sauba kara soaginia ‘Nina Sasana na Totukae na Taovia,’ ma na puku sui lakalaka tana barangengo kara saimai sui i tana ma kara samasama vaniau inau. Me sauba kara tau nogo tsatsarae ma kara mololea na nauana na omea tabaruga e kilia na tobaqira.

Jeremia 33:9

Ma na Jerusalem sauba ke molomage vaniau tugua, migira na tinonina kara gini padalokiau ma kara tsonikaeau. Migira na puku sui tana barangengo sauba kara matagu, ma kara gariri, kalina kara rongomia na turupatuna na omea dou sui inau au nauvanigira na tinoni ni Jerusalem.”

Na Vaolusi Ketsa 14:1

Ma Moses e goko babâ me tsaria, “Igamu nina tinoni na Taovia nimui God. Me vaga ia, mi kalina ti kamu melu mateqira na tinoni mate, migamu kamu laka na pariana na konimui, se na tsarana na nagona na lovamui vaga ara naua igira na tinoni tavosi.