Jeremia 27:5 - Ghari

⁵ Inau nogo tana susuligaqu loki, au volaginia na barangengo migira na mamatana tinoni sui, me pipi sui goto na omea tuavati ara mauri tana barangengo; mau saugira vaniasei moa inau au padangaoa na sauvaniana.

Jeremia 27:5 Referans Kwoze

Jeremia 51:15

Na Taovia nogo e vusa na barangengo tana susuligana nogo aia; mi tana nina sasaga loki e tatakatsinia na baragata.

Jeremia 32:17

“Taovia God, igoe nogo o aqosia na barangengo ma na masaoka tana susuligamu loki; me tagara goto sa omea ke utugana vanigo.

Daniel 4:17

Iani nogo e vaga na omea ara pedea igira na angelo vangatao. Me vaga ia ma kamu tsarivulagi vanigira na tinoni pipi sui tana nauna kara donaginia laka na God Loki Tsapakae e susuliga bâ liusigira sui na taovia tsapakae ni barangengo, me tangomana ke tusua na susuligana vania asei moa aia ke vilia, atsa moa ti na tinoni lê saikesa.’

Isaia 45:12

Inau nogo au aqosia na barangengo, mau vusagira na mamatana tinoni kara totu i laona. Tana susuligaqu segeni nogo inau au tatakatsinia na baragata; mau tagaovi kaputia na aso, ma na vula, migira na veitugu.

Kolose 1:16

Rongona i konina nogo a Iesu Kristo ti God e vusagira na omea sui i gotu mi lao: igira na omea sui igita a reigira, migira goto na omea sui igita a tau reigira, migira goto na angelo ma na tidao levolevo sui kolu susuligaqira. God e vusagira na omea sui lakalaka kolunogoa a Iesu Kristo, migira sui ara nina tamani nogo aia.

Isaia 42:5

God e vusâ na masaoka me tatakatsinia; me aqosia na barangengo me pipi sui na omea mamauri i laona; maia nogo e tusua na magomago na mauri vanigira sui na tinonina. Mi kalina ia, ma na Taovia God e tsarivania nina maneaqo,

Na Katemai 4:11

“!Igoe nimami Taovia ma nimami God! Me ulagana sosongo kami tsonikaego, ma kami padamamavasigo ma kami katea na susuligamu loki. Rongona igoe nogo o volagira pipi sui lakalaka na omea, mi tana nimu kili nogo igoe te ara botsamai mara mauri na omea sui.”

Hibru 1:2

Mi dani eni, tana taguda igita, na susuina na tagu, aia God e goko vanigita tana mangana na Dalena segeni nogo. Me kolunogoa na Dalena segeni ia ti God e volaginigira i sau na omea sui i gotu mi lao. Maia God segenina nogo e vilia aia ke tamanigira na omea sui lakalaka tana susuina na dani.

Aqoaqo 17:24

God, aia e aqosia na barangengo ma na omea sui i laona, aia nogo e Taovia ni gotu mi lao, me tau mauri aia i laona na vale ara logoa igira na tinoni.

Aqoaqo 14:15

“?Mane gamu, egua ti amu nauvaganana ia? !Mi kagami ami ka tinoni lee vaga moa igamu! Ami ka sulungana mai moa rongona kami ka turupatuna na Turupatu Dou, rongona igamu kamu gini mololea na kodoputsa vaniaqira na omea lee, ma kamu samasama vania moa na God mamauri, aia nogo e aqosigira na baragata ma na barangengo ma na tasi, me pipi na omea sui i laoqira.

Isaia 51:13

?Laka amu padalenogoa na Taovia aia e aqosigamu, aia e tatakatsinia na masaoka, me moloa na papakana na barangengo? ?Ma na rongona gua ti igamu amu matagunia moa niqira momosatoba igira ara bingi sekoligamu, mara vangaraua laka kara toroutsanigamu? Niqira momosatoba loki igira e utu goto ke pelegamu.

Isaia 48:13

Na kimaqu nogo au pakaginia na barangengo, mau tatakatsinia na masaoka. Mi kalina inau kau ketsalikaira na barangengo ma na masaoka laka kara ka mai, mi kaira ara ka tu tsaku mara ka mailaba i mataqu.

Isaia 44:24

“Inau nogo na Taovia nimui Vagamauri; inau nogo au vusagamu. Inau na Taovia, mau vusagira pipi sui na omea. Inau segeniqu moa au tatakatsinia na masaoka; mi kalina au vusâ na barangengo, me tagara goto ke kesa ke sangaau.

Esra 1:2

Iani nogo e vaga na gokona na ketsa e marea a Sirus na taovia tsapakae ni Persia. “Na Taovia na God ni Gotu, aia nogo e molovaniau inau kau tagaovi kaputia na barangengo popono, me moloaqo goto vaniau kau logovania kesa nina valetabu i Jerusalem tana Juda.

Na Vaolusi Ketsa 2:7

“Kamu padavisua e koegua na Taovia nimui God e vangalaka vanigamu tana pipi na omea amu naua. Aia e reitutugugamu kalina igamu amu liu bamai i laona na kaomate loki iani. Maia e totu kolugamu i laona vati sangavulu ngalitupa popono girani, migamu amu tamanina pipi na omea amu kilia.

Linge 102:25

i sau nogo igoe o vusâ na barangengo, ma na limamu segeni nogo o aqosiginia na baragata.

Na Vaolusi Ketsa 32:8

Aia God Susuliga Sosongo e tusu kao vanigira na puku sui; maia e pedevanigira na nauna i tana kara totu. Me molovanigira pipi puku tango kesa nina angelo ke reitutugugira,

Na Vaolusi Ketsa 9:29

Taovia, ko laka na nauvaganana vanigira, rongona igirani nogo na tinoni igoe o viligira kara lia nimu tamani segeni, mo adirutsumigira tania Ejipt tana susuligamu loki.’ ”

Na Vaolusi Ketsa 5:16

“ ‘Kamu kukuni tanikaira na tamamui ma na tinamui, vaga nogo inau na Taovia nimui God au ketsaliginigamu, rongona ke gini vano dou pipi na omea sui vanigamu ma kamu gini mauri oka tana kao inau au tusuvanigamu.

Na Vaolusi Ketsa 4:35

Na Taovia e sauvulagia vanigamu na omea iani, rongona kamu gini donaginia laka aia segenina moa e God, me tagara goto sa god tavosi.

Na Vaolusi Ketsa 4:32

“Kamu vilekevisua tana tagu ni sau, kalina amu tau vati botsa, me ke visu bâ saviliu tsau tana tagu kalina God e vusagira na tinoni tana barangengo. Kamu lavedoua i laona na barangengo popono. ?Laka sa omea loki vaga nogo ia ke laba idanogo i sau? ?Laka ke kesa e rongominogoa sa omea vaga girani?

Na Vaolusi Ketsa 4:25

“E atsa moa ti kamu totu oka tana kao ia, ma kamu tamani dalemui ma na kukuamui, ma kamu laka goto na gini sasi tana aqosiana segeni sa nununa na god peropero. Iani na sasi loki i matana na Taovia, me sauba aia ke gini kore sosongo.

Na Vaolusi Ketsa 4:17

na omea tuavati se na manu,

Na Vaolusi Ketsa 2:21

Mara katsi sosongo vaga nogo igira na Anakim. Migira na mamatana tinoni susuliga mara danga sosongo bâ. Ma na Taovia e matesigira sui lakalaka rongona aia e ngaoa igira na Amon kara tamanina niqira kao ma kara totuvia.

Na Vaolusi Ketsa 2:19

Mi kalina kamu ba laba i tana me sauba kamu totu varangisia niqira kao igira na Amon, migira nogo na kukuana a Lot. Kamu laka goto na nauvaniaqira sa omea seko, se na ratsiana na vailabu koluaqira, rongona inau e utu kau sauvanigamu sa turina niqira kao igira inau au saunogoa vanigira.’ ”

Na Vaolusi Ketsa 2:9

Ma na Taovia e tsarivaniau inau, ‘Kamu laka na nauvaniaqira sa omea seko igira na tinoni ni Moab igira na kukuana a Lot, se na ratsiana na vailabu koluaqira. Inau nogo au sauvanigira na verabau ni Ar, me utu goto kau sauvanigamu igamu sa turina niqira kao.’ ”

Binaboli 20:11

I laona e ono na dani, inau na Taovia au aqosia na barangengo, na masaoka, na tasi, me pipi sui na omea i laoqira, mi tana vitunina dani au mango. Maia nogoria na rongona ti inau na Taovia au baloa na dani na Sabat mau tabua.

Tuturigana 9:6

Inau nogo au aqosigira na tinoni tana nunuqu segeni, me vaga ia, masei ke tû me ke labumatesia kesa tinoni, me sauba na tinoni tavosi kara labumatesigotoa aia.

Aqoaqo 17:26

E vusaa kesa moa na tinoni, mi konina moa aia ara talumai igira sui na mamatana tinoni, maia nogo e livugira pipi nauna tana barangengo popono. Idavia e aqosigira na tinoni, maia e pede idanogoa ke ngisa miava igira kara mauri.

Tuturigana 1:25

Ma God e aqosigira sui, me morosigira me reingaogira.

Linge 96:5

Ma niqira god igira sui na puku tavosi na nununa lê moa na gai ara katsua, maia moa nida Taovia igita aia nogo e vusâ na baragata.

Jeremia 27:4

Mo ko tsarivanigira vaganana iani, Inau na Taovia Susuliga Sosongo na God ni Israel au ketsaligamu kamu tsarivaganana iani vanigira gamui taovia:

Daniel 4:25

Migoe sauba kara tsialigigo tania niqira saikolu na tinoni, mo ko ba totu kolugira na omea tuavati atsi. Mi laona ke vitu na ngalitupa, sauba ko gani buruburu vaga moa na buluka ma na sipi, mo ko totubamai lê moa i taba me ke porisigo na kolobu. Mi muri moa ti igoe sauba ko reigadoviginia laka na God Loki Tsapakae aia segeni moa e susuliga kaputigira na veraqira pipi sui na taovia tsapakae tana barangengo, me laka tangomana ke tusua na susuligana vania asei moa aia ke vilia.

Daniel 5:18

“Ko rorongo. Aia nogo na God Loki Tsapakae e molokaea a Nebukadnesar na tamamu me lia na taovia tsapakae susuliga sosongo, me tangiloki gana rongo.

Binaboli 6:6

Me vaga ia, migoe ko bâ mo ko tsarivanigira na tinoni ni Israel laka inau au tsarivanigira na goko iani, ‘Inau na Taovia; inau nogo sauba kau laumaurisigamu ma kau nusigamu tania nimui totu tseka vanigira na Ejipt. Inau sauba kau saukaea na limaqu susuliga ma kau kede kakaigira igira, ma kau maurisigamu igamu.

Nehemia 9:22

“Migoe o tamivanigira kara tuliusigira danga na puku tavosi ma na veraqira na taovia tsapakae, igira nogo na vera ara totu tana vovosana niqira kao. Mara sugutia na kao ni Hesbon, i tana e tagao a Sihon, ma na kao ni Basan, i tana e taovia tsapakae a Og.

Daniel 2:38

Aia nogo e mologo igoe ko tagaovi kaputigira na tinoni sui lakalaka i laona na barangengo, mo ko tagaovi kaputigira sui goto na omea tuavati ma na manu. Migoe nogo o vaga na lova qolumila tana titinoni ia.

Daniel 4:14

Maia e gu loki me tsaria, ‘Kamu kavitsunâ na gai ia ma kamu lavasuligigira na arana; kamu tsapiligigira na rauna ma kamu rasavagini bamaigira na vuana. Kamu tsialigigira na omea tuavati ara totu raviravi i vavana, ma na manu ara logo binuqira tana arana.

Daniel 4:22

“Taovia, igoe nogo na gai ia, e dato sosongo gamu tangirongo mo susuliga sosongo. Eo, gamu tangirongo e dato ao sosongo me ba tsau i gotu tana masaoka, mo susuliga kaputia na barangengo popono.