Jeremia 23:6 - Ghari

⁶ Mi tana tagu popono aia ke taovia tsapakae, migira na tinoni sui tana Juda sauba kara totu raviravi dou, migira na Israel kara mauri tana rago. Miani nogo na soa sauba kara soaginia, ‘Na Taovia Aia na Pukuna Nida Sasaga Gotolaka’.

Jeremia 23:6 Referans Kwoze

1 Korint 1:30

I konina God nogo i tana e talu na pukuna nimui mauripata koluana a Iesu Kristo. Maia goto God e molovania a Iesu Kristo ke lia gada sasaga loki; mi konina nogo aia, ti igita a gini totugoto kolua God, migita a gini lia nina tinoni tabu God, ma gini tanusi tania na susuligana na tidao seko.

Jeremia 33:16

Mi tana tagu goto nogo ia, migira sui tana Juda mi Jerusalem, kara totu goto, ma kara totu raviravi dou sui tana rago. Ma na verabau ia sauba kara soaginia ‘Na Taovia na Pukuna Nida Sasaga Gotolaka.’

Pilipi 3:9

ma kau mauripata saikesa kolua moa aia. Au tau goto papada vaga au pada i sau, laka inau au gini totugoto kolua God rongona au muridoua na Ketsa. Tagara. Mi kalina eni au dona laka au totugoto nogo kolua God tana rongona moa au tutunina a Iesu Kristo. God aia nogo e mologotosiau i konina tana rongona moa niqu tutuni.

Roma 3:22

God e mologotosigira i konina igira na tinoni ara tutunina a Iesu Kristo. Eo, God e nauvaganana vanigira sui lakalaka ara norua a Iesu Kristo, rongona i matana God ara tau gini tavosi na tinoni. Ara atsa sui moa.

2 Korint 5:21

A Iesu Kristo e tau dona na sasi aia, mi tana rongoda moa igita ti God e molovania na ngolina nida sasi, rongona i konina nogo aia igita ka gini totugoto i matana God.

Daniel 9:24

“God e titinogoa laka e kau goto ke vitu kalina vitu sangavulu na ngalitupa ti aia ke maurisigira nimu tinoni igoe ma nimu vera tabu, ma kara totu tanusi tania niqira sasi ma niqira nauseko. Sauba God ke padalegira niqira sasi, me ke turuvagini kakaia na pedegoto, me ke balo visutugua na Vale Tabu. Mi tana nauvaganana nogo ia ti God sauba ke manaliginia na omea o morosia tana bolebole ma na omea na propete e kate idanogoa.

Jeremia 32:37

Inau sauba kau adisaigira tugua na tinoni tanigira na vera sui i tana inau au sarangasigira bâ, tana niqu momosatoba ma na korequ loki, me sauba kau adivisumaigira tugua tana nauna iani, ma kau mologira kara totu raviravi dou.

Jeremia 30:10

“Me vaga ia, migamu niqu tinoni kamu laka na matagu, migamu na toga ni Israel kamu laka goto na kadangaginiana sa omea. Inau sauba kau laumaurisigamu tania na vera ao, aia nogo na vera i tana amu totutseka kalina ia. Igamu sauba kamu visumaitugua i veramui ma kamu totu tana rago, ma kamu totu raviravi dou, me ke tagara goto kesa tangomana ke molo matagu vanigamu.

Isaia 9:6

!Rongona e kesa na baka e botsamai vanigita! !E kesa na baka mane God e tusua vanigita! Aia nogo sauba ke lia nida taovia, me ke tagaovi kaputigita. Me sauba kara soaginia “Aia e Naua na Totosasaga Laka,” “God Susuliga,” “Tamana Saliu,” “Na Taovia na Rago.”

Isaia 7:14

Eo, me dou moa. Sauba na Taovia segenina nogo ke sauvulagi vanigo kesa na padapada: sauba kesa na baka daki ke tiana, maia ke vasua kesa na dalena mane, me ke soaginia a ‘Emanuel.’

Sekaria 10:6

“Inau sauba kau susuligasigira na tinoni ni Juda, ma kau laumaurisigira na tinoni ni Israel. Sauba kau galuvegira ma kau adivisugira sui tugua i veraqira. Me sauba kara totudou vaga moa ti au tau nogo reisavigira. Inau nogo na Taovia niqira God, me sauba kau rongomia niqira nonginongi.

Sekaria 3:10

Mi kalina ke labamai na dani ia, me sauba pipi kesa vidamui ke soâ na kulana ke mai totudou kolua tana goto tana nina uta na uaeni, mi vavaqira nina gai mutsamutsa.”

Sepania 3:13

Migira na tinoni ni Israel ara pitsa tania na mate, sauba e utu goto kara naua sa omea seko vania sa tinoni, ma kara vô na gokopero ma na valovalo. Me sauba kara tamani omea danga, ma kara totu pukuga kalavata, ma kara tau goto dona na mataguniana ke kesa.”

Hosea 2:18

“Mi tana tagu ia, minau sauba kau naua kesa na vaitasogi kolugira sui na omea tuavati atsi ma na manu, rongona kara tau goto sekoligira niqu tinoni. Me sauba kau adiligigira goto pipi sui na sagorena na vailabu vaga na isi ma na parige tania na kao ia, ma kau tamivanigira niqu tinoni kara totu raviravi dou tana rago.

Hosea 1:7

Migira moa na tinoni tana Juda sauba kau galuvegira. Inau nogo na Taovia niqira God, me sauba nomoa kau maurisigira. Me ke tau goto kilia kau maurisigira tana vailabu kolua na isi, na parige, ma na pipili, se kau mologira na mane vaumate ara sage tana ose kara ba sangagira.”

Isaia 54:17

Me sauba ke tagara goto sa vangana na vailabu ke tangomana na sekoliamu; me sauba ko dona na labuvisuana pipi na goko kara baoginigo na tinoni tavosi. Inau nogo sauba kau isutuguqira niqu maneaqo, me ke gini managaqira. Inau nogo na Taovia au tsaria na omea iani.”

Isaia 35:9

Me sauba ke tagara goto sa laeone ke totu i laona; me tagara goto sa omea tuavati veveiga ke dona na liu kale bâ tana sautu ia. Igira moa aia na Taovia e laumaurisigira, sauba kara dona na liumai i konina na visutugu i vera.

Isaia 45:17

Ma na Taovia aia segenina nogo e maurisigamu igamu na Israel, ma gamui tangomana sauba ke totu saviliu; me utu saikesa kara paluvangamamui goto.’ ”

Isaia 33:22

Ma na itaina niqira vaka ara viri obeobe sui me utu nogo kara tangolikakaia na tuguru, me utu goto ke tavuresi niqira selo. Migita sauba ka ba laugira pipi sui niqira omea levolevo igira gada gala, me ke danga sosongo na omea ma kara mai goto igira na logu ma kara adigotoa niqira turina. Na Taovia segenina nogo sauba ke lia nida taovia tsapakae; maia sauba ke tagaovi kaputigita me ke reitutugugita.

Isaia 2:4

Maia nogo sauba ke gotosia niqira vaikoregi na puku sui, me ke vaturia na goto i laoqira. Migira sauba kara tupia niqira isi na vailabu me ke lia lê na mani tsaikao tana niqira uta, ma niqira bao ke lia lê niqira gau na aqo. Me sauba ke tagara sa puku ke ngaoa na labuana na puku tavosi, se ke vangarautugua na vano tana vailabu.

1 Taovia Tsapakae 4:25

Mi tana tagu popono e mamauri a Solomon, migira sui lakalaka na tinoni tana Juda mi tana Israel ara mauri tsoni tavamuri saikesa, me pipi sui na tamadale ara tamani segeni niqira uta na uaeni ma niqira vuagai mutsamutsa.

Isaia 42:6

“Inau nogo na Taovia au viligo, mau molovanigo na susuliga gana ko reiginia laka na pedegoto ke totu pipi nauna tana barangengo. Inau au tangoliginigo na limaqu mau reitutugugo. Me sauba kau mologo igoe mala niqu taso kolugira na tinoni sui, ma na marara vanigira na puku sui.

Jeremia 29:11

Inau segeniqu moa au donaginia na omea au vangarau manogatinogoa kau naua vanigamu agana ke gini dou na maurimui, me tau gana ke gini seko, ma kau manali vanigamu na omea sui igamu amu amesia ke laba tana tagu ke mai.

Jeremia 33:15

Mi tana tagu nogo ia, sauba kau vilia ke kesa na kukuana laka nogo a David ke lia na taovia tsapakae. Ma na taovia tsapakae nogo ia, sauba ke naua moa na omea e dou me gotolaka i laona na kao popono.

Esekiel 21:27

Eo, inau sauba nomoa kau toroutsani saikesalia na verabau ni Jerusalem, me ke totu toroutsa lê moa poi tsau kalina ke labamai aia inau au vilinogoa ke tagaovia na Jerusalem; ma kau moloa na verabau iani i limana nogo aia.

Esekiel 28:26

Migira sauba kara totu raviravi dou i tana, ma kara logo valeqira, ma kara tsukagira niqira itai na uaeni. Minau sauba kau kedegira na puku tavosi sui ara totu polipoligira mara reipeagira na Israel i sau, migira moa na Israel sauba kara totu raviravi dou tana rago. Mi tana ti igira kara donaginia laka inau nogo na Taovia niqira God.”

Esekiel 38:14

“Bâ, dalena tinoni igoe, ko bâ tsarivania a Gog na omea inau na Taovia God au tsarivania: Kalina igira niqu tinoni ni Israel kara totu raviravi dou tana rago, migoe sauba ko mololea

Esekiel 48:35

Me saisai ma na totovona vati tabana na baravatuna na verabau ia e tsaulia 4,500 sangava. Me ke tû kalina ia me ke bâ ma na verabau ia kara soaginia, ‘Na-Taovia-E-Totu-Ieni!’ ”

Daniel 9:7

Migoe, Taovia, o nau sailaginia moa na omea e goto, migami segenimami nogo ami alomai segenia gamami paluvangamâ, igami sui nimu tinoni ami totu tana Juda mi Jerusalem, migira sui goto na Israel ara totu saranga bamai i laoqira pipi sui na vera loki tavosi, rongona igami ami tau nogo totukakai i konimu igoe.

Hosea 1:11

Migira na toga tana Juda ma na toga tana Israel kara sai tugua, ma kara lia kesa moa na puku loki. Ma kara vili vanigira segeni ke kesa moa gaqira ida. Me sauba tugua kara pabo babâ, ma kara tamani omea danga i laona niqira butona momoru segeni. !Eo, na danina a Jesreel sauba ke lia na dani loki manana!

Binaboli 9:26

Mi laona moa na butona kao ni Gosen i tana ara totu igira na tinoni ni Israel, i tana lelê moa e tau tumuligira na kolina na usa kakai.

Linge 45:5

Nimu pipili sui ara viri vavanga, mara rutua na kosuqira gamu gala. Migira na puku tavosi sui ara viri puka lê i tuamu.

Isaia 32:1

Kesa dani sauba ke totu kesa na taovia tsapakae aia ke tagaolaka, migira sui na tagaovera kara gini tagao na pedegoto.

Isaia 32:18

Migira nina tinoni God sauba ke tau goto ngoligira sa omea, ma kara totu raviravi dou tana rago i laona na valeqira.

Isaia 33:5

!Na Taovia aia segeni moa e loki tsapakae! Aia segeni moa e tagaovi kaputigira pipi na omea sui. Maia sauba ke dangaliginia na Jerusalem na pedegoto ma na sasaga gotolaka,

Jeremia 31:23

Na Taovia Susuliga Sosongo, na God ni Israel, e tsaria, “Kalina inau kau adivisugira na tinoni tana niqira kao segeni, mi tana ti igira na tinoni ara totu tana vera sui i laona na butona kao popono tana Juda, sauba kara tsaritugua na goko vaga iani, ‘Na Taovia ke tabua na tetena tabu ni Jerusalem, na nauna i tana aia e totu.’