Jeremia 23:19 - Ghari

¹⁹ Kamu rorongo dou, na korena na Taovia e vaga saikesa moa na tulonga, ma na viru loki sauba ke virusaginia na lovaqira igira na tinoni vanga tsutsukibo girani,

Jeremia 23:19 Referans Kwoze

Jeremia 30:23

Na korena na Taovia e vaga saikesa nogo na tulonga, ma na viru loki sauba ke virusaginia na lovaqira na tinoni vanga tsutsukibo. Me utu goto ke puka, poi tsau kalina aia ke naugira pipi sui na omea e padanogoa na nauana. Mi tana tagu ke mai, migira nina toga sauba kara padagadovidoua na omea iani.

Jeremia 25:32

Na Taovia Susuliga Sosongo e tsaria laka na rota seko loki e maimai nogo me sauba ke gado vaitsarimurigi i koniqira pipi sui na puku, vaga nogo na legai loki e sai nogo tana pikana na barangengo.

Amos 1:14

Me vaga ia, minau sauba kau mololakena na verabau ni Raba, ma kau tungigira goto nina valekakai ara barapoliginia na vatu. Mi tana migira sauba kara viri gu loki tana matagu tana dani na vailabu, ma na vailabugi sauba ke loki liuliu bâ vaga moa ti na gugurina na viru.

Isaia 21:1

Iani nogo e vaga na goko e kalea na Babilon. Vaga saikesa nogo na viru e liu taligu tana kaomate, sauba ke vaga goto na rota seko loki ke talumai kesa tana butona momoru mamataguniga.

Goko Tabana 10:25

Me mai na legai loki, me tavaliligia na tinoni vanga tsutsukibo, ma na tinoni e goto nina sasaga e totu raviravi dou sailagi.

Sekaria 9:14

Na Taovia sauba ke laba i vungaqira nina tinoni; maia sauba ke gini vanavana nina pipili ma kara lovo tsaku vaga moa na kirapina na angaanga. Ma na Taovia God sauba ke uvia nina tavuli, maia ke vanovano i laona na koburu ara palamai tabana i ata.

Jeremia 4:11

E maimai nogo na tagu i tana igira na tinoni ni Jerusalem kara rongomia laka kesa na guguri papara e talu tana tetena i laona na kaomate e maimaiginigira nogo. Aia e tau na guguri dou gana ke puasalagira moa na kokorana na uiti.

Isaia 40:24

Igira ara vaga moa na volana vaolu na omea tsukatsuka ara vasini moa ara dato, me tau moa vati tsuna ao na lamuqira. Mi kalina na Taovia e molomaia na guguri papara, mara tavongani mamatsa, mara lovoligi lê vaga moa na buruburu makede.

Goko Tabana 1:27

me ke labamai vanigamu na rota loki vaga moa na viru migamu kamu totu moa tana sosongo ma na vatsangisavi.

Linge 58:9

Kalina igira kara tau nogo padâ, ma God sauba ke tsaku sosongo me ke vutiligigira lê, vaga moa kalina na tinoni e vutiligigira na buruburu seko. Mi tana nina momosatoba loki God, aia sauba ke uviligigira lê kalina igira ara mamauri moa.

Jeremia 51:1

Na Taovia e tsaria, “Inau au alomaia kesa na guguri loki sosongo ke gadovia na Babilon migira nina tinoni.

Esekiel 1:4

Au morodato bâ, mau reia kesa na rodona na tulonga e palamai tabana i vava. E kirapi na angaanga i laona na parako loki, me gini marara popono na masaoka polipolia. Mi tana nauna nogo i tana e kirapi na angaanga, e totu kesa na omea e angaanga vaga moa na tapalamila.

Sekaria 7:14

Inau au puasalagira vaga saikesa na gugurina na legai loki te ara gini ba totu tana butona momoru tavosi. Ma niqira kao lakataga dou iani e totu mangu lê, me tagara goto kesa ke mauri i laona.”

Jeremia 25:31

ma na tatangina nina goko ke ileile bâ tsau tana susuina na barangengo. Na Taovia sauba ke pedegira na puku sui, me ke matesigira sui na vanga tsutsukibo. Na Taovia nogo e tsaria na omea iani.’ ”

Esekiel 13:13

Bâ, miani nogo na omea e tsaria na Taovia God: “Eo, inau au kore sosongo vanigamu, me sauba kau moloa na guguri loki, ma na usarau, ma na kolina na usakakai, kara tsoratsunâ na baravatu ia.