Jeremia 23:11 - Ghari

¹¹ Ma na Taovia e goko me tsaria, “Igira na propete ma na manetabu ara vaga saikesa moa na tinoni ponotoba lê; minau au ba reitsodogira ara aqosigira na omea tabaruga i laona goto nogo na Vale Tabu.

Jeremia 23:11 Referans Kwoze

Sepania 3:4

Migira na propete ara tau lelê naudoua niqira aqo, mara perobulesigira moa na tinoni. Migira na manetabu ara tangopekegira moa na omea tabu, mara pilo sekoligira nina ketsa God.

Jeremia 6:13

Igira sui lakalaka, na tinoni loki ma na tinoni lê, ara dona sosongo na peqo gana kara gini tamani omea danga; me atsa goto moa igira na propete ma na manetabu, migira goto ara peqogira na tinoni.

Esekiel 23:39

!Mi tana dani tsotsodo i tana kaira ara ka gini savori-kodoputsa ka daleqira vanigira na god peropero, ara ka tau goto gini vangamâ na sagemai i laona niqu Vale Tabu ma na naqugasiana!

Jeremia 32:34

Ara ba molokaegira moa niqira titinonina na god peropero marasibiga i laona saikesa nogo na Vale Tabu ara logoa gana na samasama vaniaqu inau, mara naqugasiginia.

Esekiel 8:16

Maia e adivanoau tana pakoka i matana na Vale Tabu. Mi tana ligisana na mani sage bâ tana Nauna Tabu, mi tana ka levugaqira na belatabu ma na mani sage bâ ara totu rukapatu tsege na mane. Ara pilo tavamuri vania na Nauna Tabu, mara tsuporu tsuna kalea tabana i longa, mara samasama vania na aso kalina e botsa vaolu.

Jeremia 11:15

Na Taovia e goko me tsarigotoa, “Igira na tinoni inau au galuve sosongoligira, ara naua baba moa na omea tabaruga seko sosongo. ?Nagua ara ba naugotoa i laona niqu Vale Tabu inau? ?Laka ara padâ sauba tana nauana danga na veke vaniaqu, ma na savoriana na omea tuavati agana na kodoputsa, ke utusiginia na rota seko ke gadovigira? ?Me laka tana nauvaganana ia e tugua kara gini magemage?

Jeremia 8:10

“Bâ, minau sauba kau saua niqira uta vanigira visana segeni tinoni kara tamanina, ma na tauqira vanigira na mane tavosi. Igira sui lakalaka, na tinoni loki ma na tinoni lê, ara dona sosongo na peqo gana kara gini tamani omea danga; me atsa moa igira na propete ma na manetabu, ara peqogira goto na tinoni.

Jeremia 7:30

Na Taovia e goko babâ me tsaria, “Eo, igira na tinoni tana Juda ara naua na omea seko sosongo. Ara molokaea niqira titinonina na god peropero, igira inau au reisavi sosongoligira, i laona niqu Vale Tabu mara naqugasiginia.

2 Turupatu Dato 36:14

Migira sui na ida tana Juda, ma na manetabu, migira sui lakalaka goto na tinoni, ara piloligi tania na Taovia, mara reinunu tana niqira aqo seko igira na puku tavosi ara totu lalo i laoqira, mara tû mara samasama vanigira na titinonina na god peropero, mara sisiloboloboginia na Vale Tabu aia God e balo vanisegenia i Jerusalem.

Esekiel 8:11

Mara vitu sangavulu na ida tana Israel ara totu i tana, kolugotoa a Jaasania na dalena a Sapan. Migira sui ara tangolia tango kesa na omea agana na kodo bulunagai uruuru, ma na punguna na bulunagai e pupungu dato.

Esekiel 7:20

Tana idana igira ara gini kaekae sosongo tana rongona niqira vatu angaanga rereidou sosongo, mi muri mara ba gini aqo na aqosiginiaqira na nunuqira na god peropero marasibiga. Maia nogoria na rongona ti na Taovia e naua ma niqira omea tatamani sui ara lia vanigira moa na omea marasibiga.

Jeremia 23:15

“Me vaga ia, miani nogo na omea inau na Taovia Susuliga Sosongo au katea tana rongoqira igira na propete ni Jerusalem: Inau sauba kau palaginigira na kusa vavai kara gania, ma kara inuvia na tabatu, rongona igira nogo ara rasavaginia na sasaga ponotoba i laona na kao popono iani.”

Jeremia 5:31

igira na propete ara goko pero sailagi moa; migira na manetabu ara aqo muria moa niqira ketsa na propete, migira niqu tinoni ara reingaoa moa na sasaga vaga ia, mara tau goto tsaria sa omea. Bâ, minau sauba kau kedegira manana nomoa, ke gini sui niqira sasaga tabaru. ?Mi tana tagu ia, migira nagua sauba kara naua?”

2 Turupatu Dato 33:7

Maia e adia na titinonina na god daki ko Asera, me ba moloa i laona na Vale Tabu, i tana nauna nogo na Taovia e tsarivanikaira nogo a David ma Solomon na dalena: “Ieni nogo i Jerusalem, tana Vale Tabu nogo iani, aia nogo na nauna inau au vilinogoa i laoqira na butona kao sui ara tamanina igira na sangavulu ruka na puku tana Israel, ke lia na nauna i tana kamu mai samasama vaniau inau.

2 Turupatu Dato 33:5

Mi tana kaira ruka na pakokana na Vale Tabu aia e logogira goto visana na belatabu agana na samasama vaniaqira na veitugu.

Jeremia 50:6

“Igira niqu tinoni ara vaga saikesa moa na sipi igira niqira reitutugu ara tamivanigira kara sarevo bamai lê tana vungavunga. Ara tonavigira na vungavunga sui, mara padalenogoa iava e totu na veraqira.

Tangitangi 2:20

!Taovia ko moromai! !Ko morosigira igira igoe o rotasi sosongoligira! !Igira na daki ara gania na konina na daleqira galugaluve! !Na gala ara matesigira na manetabu ma na propete i laona saikesa nogo na Vale Tabu!

Esra 10:18

Igirani nogo na soaqira igira na mane ara tauga lalo kolugira na daki ni vera tavosi: Igira na Manetabu, ara maretsunagira muri duli: Tana duli konina a Jesua migira na kulana, igira na dalena a Jehosadak: tugira nogo a Maaseia, ma Elieser, ma Jarib, ma Gedalia.

Esekiel 44:10

Ma na Taovia e tsarivaniau, “Kalina igira na tinoni ni Israel ara mololeau inau, migira goto na Levi ara piloligi taniau, mara idagana vanigira na tinoni na samasama vaniaqira na god peropero, mara gini raqa sasiligira niqu tinoni. Me vaga ia, minau na Taovia God au gini vatsa laka sauba manana nomoa kau kedegira na Levi. Me utu goto kau tamivanigira kara tangolia na aqo manetabu, se kara ba varangisia na Nauna Tabu Loki Sosongo, se kara pelea sa omea tabu. Me vaga ia, migira sauba kara gini vangamâ loki sosongo tana rongona na omea marasibiga ara naugira. Minau kau molovanigira moa na aqona na reitutuguana na matsapana niqu Vale Tabu, ma na nauana na aqo lê tavosi sui i laona. Mau tami vanigira moa kara labumatesigira na omea tuavati na tinoni ara saugira agana na savori-kodokodo ma na savori sui moa, ma kara sangagira goto na tinoni tana tagu na samasama.”

Sepania 3:3

Migira nina tinoni tagao ara vaga saikesa nogo na laeone ara ngunguru loki kalina ara vitoa; migira nina manepede ara vaga goto na pai atsi vivitoa, ara qoru longalongâ gaqira suli, mara tau goto mololakâ sa turina gana na dani i muri.