Jeremia 22:6 - Ghari

⁶ “I mataqu inau, na valena na taovia tsapakae tana Juda e rereidou sosongo, vaga saikesa nogo na kao ni Gilead ma na Vungavunga ni Lebanon. Eo, minau sauba nomoa kau naua me ke lia na nauna mangu lê, i tana e tau goto tangomana ke mauri sa tinoni.

Jeremia 22:6 Referans Kwoze

Isaia 6:11

Minau au veisuâ, “?Taovia sauba ke oka koegua sagata inau kau nauvaganana ia?” Maia e gokovisu vaniau me tsaria, “Poi tsau kalina kara toroutsa sui na verabau ma kara kokoma, me ke tagara goto sa tinoni ke totu i laona na valeqira, ma na butona kao segenina goto nogo ke lia na kaomate.

Linge 107:34

Aia e olia na kao lakataga me gini lia na kaomate, me utu ke dato sa omea i konina, rongona niqira tsutsukibo ara naua igira na tinoni ara totu i tana.

Mika 3:12

Bâ, mi tana rongona nogo nimui sasi igamu na tagaovera, ma na manetabu, ma na propete, ti God sauba ke toroutsania na vera ni Jerusalem, me ke lia na tsupu na kutso. Ma na Vungavunga Sion ke lia na kao lê ma kara aqo uta i konina. Ma na tetena i tana e totu na Vale Tabu sauba ke lia na goana atsi.

Isaia 27:10

Na verabau iani ara barapoliginia na vatu i sau, e totu mangu lê vaga moa na moru atsi me lia nogo niqira nauna na mani tsaro ma na mutsamutsa igira na buluka.

Jeremia 26:18

“Kalina a Hesekia e taovia tsapakae tana Juda, maia Mika na propete ni Moreset e tsarivanigira na tinoni sui laka na Taovia Susuliga Sosongo e tsaria na goko vaga iani, ‘Na Sion sauba kara qari atsania vaga moa ti na uta, ma na Jerusalem sauba ke toroutsa popono me ke vaga moa ti na tsupu na kutso, ma na tetena i tana e totu na Vale Tabu sauba ke vaga moa ti na goana atsi.’

Jeremia 9:11

Ma na Taovia e tsaria, “Inau sauba kau toroutsania na Jerusalem, me ke lia na nauna i tana ara totu igira na pai atsi. Migira na verabau sui tana Juda sauba kara lia na kaomate, na nauna i tana e tau totuvia sa tinoni.”

Jeremia 7:34

Ma na kao ia sauba ke lia na kaomate. Mi tana verabau i laona na Juda, mi tana sautu loki i Jerusalem, sauba kau muisia na tatangina na magemage ma na gavai, ma na magemage na kavomutsa na tauga vaolu.

Tuturigana 37:25

Mi kalina igira ara mutsa gaqira, mara tavongani morosia kesa na alaala na Ismael ara maimai talu i Gilead mara vano kalea i Ejipt. Niqira kamelo ara lutsangiginigira na papasa sisigini ma na buluna gai.

Jeremia 22:24

Na Taovia e tsarivania a Jehoiatsin aia na dalena a Jehoiakim na taovia tsapakae tana Juda, “Au vatsa tana asaqu segeni nogo inau, laka atsa moa ti igoe o vaga na ringi tana limaqu madoa mau reingao sosongoligo, minau sauba kau raqaligigo nomoa,

Jeremia 21:14

Inau sauba kau kedego tana rongoqira na omea tabaruga sui o naugira. Sauba kau mololakena na valena nimu taovia tsapakae, ma na lake ia ke ganigira sui lakalaka na omea ara totu polipolia. Inau nogo na Taovia au tsaria na omea iani.”

Jeremia 21:11

Ma na Taovia e ketsaliau kau tsarivulagia na goko iani vania na vungu taovia tsapakae tana Juda, igira na kukuana a David: “Kamu rongomi vatavidoua na omea inau na Taovia au tsarivanigamu. Kamu reia ke laba na pedegoto i laomui pipi dani. Me ti vaga kesa ke komia sa nina omea kesa tinoni tavosi me gini molorota vania, migamu nimui aqo kamu isutuguna na tinoni ara komivania nina omea. Me ti vaga kamu tau nauvaganana ia, ma na omea tabaruga igamu amu naugira sauba kara tsaia na korequ, me ke iru vaga saikesa moa na lake e utu na tsi matesiana.

Jeremia 4:20

Ara vaitsarimurigi na rota seko loki, ma na vera popono e totu moa tana seko. Migira nimami valepolo ara tavongani taveo saikesa, ma na polo ara tsautsau tana matsapaqira ara viri taratsi votâ.

Linge Na Galuve 5:15

Mi kaira na kakabana ara vaga moa ruka na tuguru ara aqosiginia na vatu sere, mara ka tukae bâ tana tuguta qolumila. Me rerei dou sosongo vaga moa na Vungavunga ni Lebanon, kolugira nina gai na sida katsi.

Na Vaolusi Ketsa 3:25

Taovia au nongigo ko tamivaniau moa ma kau tulusavu tana Kô Jordan, ma kau ba reia na kao lakataga dou i tabana kô, migira na kao vungavungaga rerei dou, migira goto na Vungavunga ni Lebanon.’

Tsoko Tinoni 32:1

Migira na puku ka koniqira a Ruben ma Gad ara tamanina danga sosongo niqira omea tuavati. Mi kalina igira ara tsodovulagia laka na kao i Jaser mi Gilead e dou sosongo vania na molo omea tuavati i konina,

Linge Na Galuve 4:1

Na vanga rerei dou nomoa na rereimu igoe niqu udu; me mamauriga manana nomoa na matamu i murina na polo o tsavuginia na ngoramu. Ma na ivumu ara gavai vaga moa na alaala na naniqoti ara tsipu lekaleka tsuna tana tetena ni Gilead.

Jeremia 50:12

bâ, maia nimui verabau tangirongo sauba kara paluvangamana, ma kara tau saikesa nogo padalokia. Na Babilon sauba ke palatsuna bâ i laoqira na vera sui. Sauba ke lia na kaomate makede saikesa.

Sekaria 11:1

!Igoe na Lebanon ko sangavigira nimu matsapa, ma na lake ke ba ganisuigira nimu gai na sida!

Isaia 37:24

Igoe o molomaigira nimu mane adigoko kara koesegeniqira i mataqu inau na Taovia, ma kara kateli vaniau laka igoe, kolugira sui nimu terê, amu tangoligira sui na vungavunga katsi bâ tana Lebanon. Mo gini goko kaekae goto laka i tana nogo igoe o ba kavitsunagira na gai na sida katsi liuliu bâ, ma na gai na aru kakai dou liuliu bâ, me laka o ba tsau nogo i levugana patupatu na goana atsi.

Jeremia 4:7

Vaga saikesa nogo kalina kesa na laeone e laba rutsumai tania na nauna i tana e taopoi, igira na gala ara mololenogoa na veraqira segeni mara maimai nogo i sautu. Ara mai gana kara toroutsania na Juda. Igira sui na verabau tana Juda sauba kara toroutsa saikesa, me ke tagara goto ke kesa ke totuvisu i laoqira.

Jeremia 8:22

?Laka e tagara sa sinagore tana Gilead? ?Me laka e tau goto totu sa tinoni tatali i tana? ?Me vaga ia, megua ti ara tau tali maurisigira niqu tinoni?