Jeremia 22:22 - Ghari

²² Sauba na guguri ke pualigigira nimu tinoni lokiloki, migira ara sai alaala kolugo sauba kara raqa tsekagira, mi tana, sauba ke ponopala tobamu me ke paluvangamamu lê, tana rongona pipi sui na omea tabaruga igoe o naugira.

Jeremia 22:22 Referans Kwoze

Sekaria 11:17

!Me sauba ke seko sosongo nomoa vania aia na mane reitutugusipi gatogato lê! Aia e vanoligi tanigira saikesa nina sipi. Migira na gala sauba kara mai ma kara pukali saikesalia gana susuliga. Ma na limana sauba ke labe lê, ma na matana madoa sauba ke koko pitsu.”

Hosea 13:15

E atsa moa ti igira na Israel ara dangadato vaga moa na buruburu, minau sauba kau molo bâ na guguri papara talu tana kaomate i longa, me ke mamatsaligira niqira vuravura na kô ma niqira tuvu. Me ke salaligigira pipi sui niqira omea loki matena.

Jeremia 12:10

Ara danga na tagaovera ni veratavosi ara mai toroutsania niqu uta na uaeni, mara tsogorivela bamaigira niqu uta; mara naua ma niqu kao laka dou e gini lia na kaomate.

Jeremia 10:21

Minau au tsaria vanigira, “Igira nida ida ara tau saikesa sasaga. Ara tau nongia na Taovia ke tagaovia niqira papada. Aia nogoria na rongona te igira ara tau tangomana na tagaovi douaqira nida tinoni, mara gini totu saranga bamai lê.

Jeremia 20:11

Migoe Taovia o tabana koluau, mo malagai susuliga sosongo, migira ara rotasiau e utu moa ke managaqira. Sauba kara paluvangamaqira saviliu, rongona e utu saikesa kara tangomana. Ma niqira paluvangamâ sauba e utu saikesa na tinoni kara padalea.

Isaia 64:6

Igami sui na tinoni vanga sasi mami kaulinaqu i matamu igoe; me atsa goto nimami sasaga dou bâ, migira goto ara kaulinaqu i matamu vaga saikesa nogo na polo naqunaqu. Tana rongoqira nogo nimami sasi, te igami ami gini vaga na rau na gai matsele e puasalagira lê na guguri.

Sekaria 11:8

Me utu goto kau berengiti na reiana tu niqira sasaga tugira tolu na reitutugu sipi tavosi, mi laona kesa moa na vula minau au tsialigitugira. Mau qisi goto tana rongoqira na sipi ara reisaviau inau.

Hosea 4:19

Bâ, ma kamu rorongo dou. Minau sauba kau adiligigira vaga moa ti kesa na guguri loki ke puasalagira, migira sauba kara padavisua niqira kodoputsa ara naua vanigira na god peropero ma kara gini vangamâ.

Jeremia 2:37

Mi kalina igoe ko vanoligi tania na Ejipt ma na lovamu sauba ke ulutsuna tana vangamâ. Igoe o norugira kara sangago, minau nogo na Taovia au reisavigira igira, me utu goto ko adia sa omea dou i koniqira.”

Jeremia 2:8

Migira na manetabu ara tau veisuâ, ‘?Laka iava na Taovia?’ Eo, igira niqu manetabu segeni nogo inau ara tau goto donaginiau. Migira sui na tagaovera ara sove taniau moa migira na propete ara tû mara goko tana asana Baal, mara samasama vanigira na titinonina na god peropero tagara rongona.” Na Taovia e tsarigotoa,

Isaia 65:13

Me vaga ia, minau au tsarivanigamu laka igira ara samasama vaniau inau mara rongomangaqu, sauba ke danga gaqira mutsa ma gaqira inu, migamu moa sauba kamu vitoa ma kamu marou. Migira sauba kara magemage, migamu sauba ke paluvangamamui lê.

Jeremia 4:30

!Jerusalem igoe o seko pitsu nogo! ?Laka rongona gua ti o sagelia na polo tsitsibora vaga ara sagelia igira na daki taovia? ?Me rongona gua goto ti o gini inilau na inilau matega loki sosongo mo tolea na matamu? !Igoe o aragolea na rereimu ke gini rereidou sosongo, me tau saikesa tamani sa rongona! Igira ara galuvego i sau ara reisavigo nogo kalina eni, mara area moa na matesiamu.

Jeremia 5:13

Ara tsarigotoa laka igira na propete ara goko lovolovo lê, mara tau tamani sa goko mana ke talumai i konina na Taovia. Ma na Taovia God Susuliga Sosongo e tsarivaniau, “Jeremia igoe, tana rongona na tinoni girani ara tsaria na omea vaga ia, minau sauba kau moloa niqu goko ke iru vaga na lake tana mangamu igoe. Migira na tinoni sauba kara vaga moa na takutina gai, ma na lake sauba ke ganigira sui.”

Jeremia 7:19

?Me laka inau ngana ara sekoliau? Tagara saikesa. Igira ara sekoli segeniqira, mara paluvangamaqira segeni.

Jeremia 30:14

Igira sui lakalaka na puku tavosi, igira amu norugira kara sangagamu, ara padalegamu nogo, mara tau goto nogo boeginigamu. Inau au baginigamu vaga nogo kesa gamui gala, mau kedelokigamu rongona igamu amu tabaru seko sosongo, mara danga sosongo nimui sasi.

Hosea 12:1

“E pipi sui lakalaka na omea ara naua igira na tinoni ni Israel, tû tana matsaraka me tsau bâ tana ngulavi, ara tau sui tamani rongona, mara dona moa na sekoli tinoni. Na pero ma na rotasi tinoni ara pabo babâ i laoqira. Ara naua na vekesai kolugira na Asiria, mara naua niqira kavoqolo kolugira na Ejipt.”

Jeremia 2:36

?Egua ti e olioli sailagi na papadamu me tau totu kalavata i koniqu inau? Me sauba igira na Ejipt kara paluvangamamu lê, vaga ara nauvanigo nogo igira na Asiria.