Jeremia 22:1 - Ghari

^1-2 Na Taovia e tsarivaniau inau, “Igoe a Jeremia ko vano tana valena na taovia tsapakae ni Juda, aia na kukuana a David, mi tana ko ba tsarivania na taovia tsapakae, migira nina mane sasanga, migira sui na tinoni ni Jerusalem, kara rongomia na omea inau na Taovia au tsaria:

Jeremia 22:1 Referans Kwoze

Jeremia 34:2

Aia e tsaria, “Inau na Taovia na God ni Israel, au tsarivanigo ko ba tsarivania a Sedekia na taovia tsapakae tana Juda, laka inau nogo na Taovia sauba kau moloa na verabau iani tana limana na taovia tsapakae ni Babilonia, maia nogo sauba ke mololakena me ke iru sui saikesa.

Marko 6:18

Me rongona goto pipi kalina a Ioane e baa, me totokoe vania a Herod me tsarivania, “E tau goto vanigo ti ko tauga kolugotoa na tauna na tasimu.”

Amos 7:13

Ko laka goto na katevulagiana sa omea ieni i Betel. Rongona ieni nina nauna na mani samasama na taovia tsapakae, ma niqira valetabu igira na toga.”

Hosea 5:1

“!Igamu na manetabu kamu rongomia na omea iani! !Kamu rongomi vatavidoua igamu na tinoni ni Israel! !Kamu rorongo goto igamu amu totu i laona na puku taovia tsapakae! Igamu nimui aqo kamu naua na pedegoto, mamu tau moa naua. Me vaga ia, me sauba ke gadovigamu na pede. Igamu amu vaga na pidipidi ara sogo na tinoni i konina i Mispa, ma na vugo e tatakatsi tana Vungavunga Tabor,

Jeremia 21:11

Ma na Taovia e ketsaliau kau tsarivulagia na goko iani vania na vungu taovia tsapakae tana Juda, igira na kukuana a David: “Kamu rongomi vatavidoua na omea inau na Taovia au tsarivanigamu. Kamu reia ke laba na pedegoto i laomui pipi dani. Me ti vaga kesa ke komia sa nina omea kesa tinoni tavosi me gini molorota vania, migamu nimui aqo kamu isutuguna na tinoni ara komivania nina omea. Me ti vaga kamu tau nauvaganana ia, ma na omea tabaruga igamu amu naugira sauba kara tsaia na korequ, me ke iru vaga saikesa moa na lake e utu na tsi matesiana.

2 Turupatu Dato 33:10

Me atsa moa aia na Taovia e parovatavigira a Manase migira nina tinoni, migira ara tau moa ngaoa na rorongo.

2 Samuel 12:1

Na Taovia e molovanoa a Natan na propete ke ba laba i konina a David. Ma Natan e tû me ba tsarivania a David, “Ara ka ruka na mane ara ka totu sui moa i laona kesa na vera loki; me kesa ka vidaqira e tamani omea danga sosongo, me kesa e tau tamani sa omea.

Jeremia 21:14

Inau sauba kau kedego tana rongoqira na omea tabaruga sui o naugira. Sauba kau mololakena na valena nimu taovia tsapakae, ma na lake ia ke ganigira sui lakalaka na omea ara totu polipolia. Inau nogo na Taovia au tsaria na omea iani.”