Biblia Todo Logo
Bib sou entènèt

- Piblisite -




Jeremia 20:18 - Ghari

18 ?Laka na rongona gua te e vasuau tinaqu inau? ?Laka gana moa ke gadoviau na rota ma na melu, ma kau suilavaginia na mauriqu tana paluvangamâ?

Gade chapit la Kopi




Jeremia 20:18
27 Referans Kwoze  

“?Megua ti igoe God o molovania na tinoni ke mauri babâ moa tana rota? ?Megua ti o tamivanigira kara reia na mararana na dani igira ara totu tana melu loki?


Na Taovia e kore sosongo vaniau inau, me kedeau mau gini rota loki sosongo.


Ma Job e goko baba moa me tsaria, “Eo, igami na tinoni e kurikuri lê na maurimami i lao eni. Me tuturiga kalina e vasugami na tinamami, me gadovigami pipi na vatana na rota.


Igoe o dona nogo niqira gokopea ara nauvaniau, ara paluvangamaqu mara tau kukuni taniau; mo donaginigira pipi sui gaqu gala.


Ida gita ma ka vano kolua a Iesu i taba tania na vera loki, ma ka sangapata kolua tana nina vangamaa.


Igita ka moro tatavata baa moa i konina a Iesu. Rongona i konina nogo ia e vataragi nida tutuni tuu tana tuturigana me ke tsau baa tana susuina. A Iesu aia e tau sove na mate tana vangamaa tana gai ulutaligu rongona e dona nogo laka na mage loki e totupitua. Mi kalina eni, aia e totu tana madoana God i baragata.


Mara visana ara tsirigira, mara rarusigira kakai tana rongona niqira tutuni. Mara visana ara sorigira mara tsonigira tana vale sosori.


Eo, e kilia nomoa kamu berengiti, ti kamu tangomana na nauana na omea God e kilia, ma na adiana na omea aia e vekea.


Maia nogoria na rongona ti inau au gini rota vaga ia kalina eni. Me atsa moa, minau au tau gini vangamaa rongona au donaginia asei aia inau au norua. Mau dona goto laka aia nogo sauba ke reitutugudougira tsau tana Dani na Pede na omea sui aia e noruginiau inau na nauana.


Migira na apostolo ara vanoligi tania na Vale na Saikolu na Togigoko, mara magemage loki rongona God e tamivanigira kara tsodorota tana rongona nogo na asana a Iesu.


Inau au tsarivanigamu na manana: sauba kamu ngangai ma kamu tangitangi, ma na barangengo aia sauba ke magemage rago, eo, sauba rago kamu melu, ma nimui melu sauba ke lia na magemage.


Maia e tsarigotoa vanigira igira sui ara liuputsi i tana: “!Kamu morosiau inau! E tagara goto sa tinoni ke vatsangia na rota loki vaga au vatsangia inau, na rota aia na Taovia e moloa ke gadoviau tana nina tobamomosa loki.


Niqu melu e tau saikesa tangomana ke sui, me ponopala sosongo na tobaqu.


“Kamu rongomiau inau, igamu amu donagininogoa na omea e goto me mana, me pukuga kalavata nogo i tobamui niqu sasani. Kamu laka na matagu kalina kara tsari levolevo vanigamu ma kara gokopeagamu,


E tû tana lovamui, me tsau tsuna tana perana tuamui, e tau goto mamanga sa tabana na konimui. E danga dato moa na tsomo, ma na vora, ma na boka. Mamu tau lelê malesigira se kamu porogira na bokamui. Me tagara goto sa sinagore kamu molo bâ i koniqira.


“Ke dou sosongo bâ vaniau inau ti vaga igoe ko molopoiau tana barangengo na mate; mo ko tami moa vaniau kau ba totu raviravi tana poi tsau kalina ke luba na koremu, mo ko titia na tagu i tana ko padavisuau tugua.


!Tagara! Na tinoni segeni nogo e alomai na rota me gadovisegenia, vaga saikesa na vividina na lake e lovodato talumai nogo i laona na lake.


Na mauriqu e vaga moa na punguna lê na lake; e dato me tau oka me nangaligi lê; ma na koniqu e papara vaga moa na lake.


Eo, e tuguragoa nomoa kami gini vangamâ loki, me ke tsavu poponogami na vangamâ, rongona igami, migira goto na mumuamami, ami sasi sailagi vania moa na Taovia nimami God; mami tau goto dona na muriaqira nina ketsa.”


!Inau a Jeremia, e melu loki sosongo nomoa na tobaqu! ?Matena gua te e vasuau tinaqu? Inau niqu aqo kau vaiganigi, ma kau vaimangabarigi, kolugira na tinoni sui tana butona kao iani. Minau kesa au tau dona na kaoni, migira na tinoni tavosi ara tau goto kaoni i koniqu inau. Me atsa moa e vaga ia, migira na tinoni sui ara vealaginiau moa inau.


?Megua igoe ti o molo vaniau moa kau reigira na omea seko vaga igira? ?Megua ti o tami ke laba vanigami na omea seko loki vaga girani? Pipi moa tana nauna inau kau moro bâ, mau reia ara totu moa na bingi sekoli tinoni ma na tangopeke seko, ma na vaikoregi, ma na manga vaibarigi.


maia segeni e vanovano babâ kesa na dani popono i laona na legai mangu. Me kolae sosongo te e totupuka i vavana kesa na gai, me ngaonogoa laka ke mate. Me nongia na Taovia me goko vaga: “!E tuguau sosongo nogo Taovia! !E dou ti kau mate moa!”


?Rongona gua ti au rota babâ moa vaga ia inau, vaga moa au tamanina na vora loki e utu na taliana? ?Rongona gua ti e tau vati mavu? ?E mana nomoa igoe o tau sangaau. Inau au vaga saikesa nogo kesa tinoni e ba lave lê na kô na inu tana vuravura mamatsa.”


Swiv nou:

Piblisite


Piblisite