Jeremia 20:13 - Ghari

¹³ !Linge vania na Taovia! !Tsonikaea na Taovia! Aia nogo e laumaurisigira na tinoni ara bingi sekoligira igira na vanga tsutsukibo.

Jeremia 20:13 Referans Kwoze

Isaia 25:4

Igira ara tau tamanina sa omea, migira goto ara kili sasanga, ara tsogo bâ i konimu igoe, mi tana ara gini totu raviravi tana tagu na rota. Migoe nogo o ravisigira tania na legai loki, mo tsavugira tania na paparana na aso loki. Igira na tinoni vanga bingisekoli tinoni ara maiginigami vaga moa na guguri loki tana tagu na bisi,

Linge 69:33

Rongona na Taovia e rongomi vatavigira igira ara kilia na sasanga, me utu ke padalegira nina tinoni ara totu moa i laona na vale sosori.

Linge 72:4

Ko sangâ na taovia tsapakae me ke isutuguqira igira ara tau tamanina sa omea; me ke sangagira igira ara kilia na sasanga, me ke tuliusigira igira ara bingi sekoligira.

Linge 34:6

Igira e tagara kesa ke sangagira ara soâ na Taovia, maia e rongomigira; me maurisigira tania pipi sui niqira rota.

Jeremia 15:21

Inau sauba kau laumaurisigo tania na limaqira na tinoni vanga tsutsukibo, ma na vanga tangopeke seko. Inau nogo na Taovia au tsaria na omea iani.”

Jeremia 31:7

Na Taovia e tsaria, “Linge dato tana magemage tana rongona na puku ni Israel, aia e loki tsapakae bâ i laoqira na puku sui tavosi. Kamu linge ma kamu tsonikaea na Taovia ma kamu tsaria, ‘Na Taovia e maurisigira nina tinoni ni Israel; e laumaurisigira sui igira ara kauvisu.’