Jeremia 20:11 - Ghari

¹¹ Migoe Taovia o tabana koluau, mo malagai susuliga sosongo, migira ara rotasiau e utu moa ke managaqira. Sauba kara paluvangamaqira saviliu, rongona e utu saikesa kara tangomana. Ma niqira paluvangamâ sauba e utu saikesa na tinoni kara padalea.

Jeremia 20:11 Referans Kwoze

Jeremia 1:8

Ko laka na mataguniaqira igira, rongona inau sauba kau totu kolugo ma kau dilago. !Inau nogo na Taovia au tsaria na omea iani!”

Jeremia 15:20

Minau sauba kau naua, migoe sauba ko tukakai i mataqira vaga saikesa moa na baravatu tapalamila. Igira sauba kara vailabu kolugo igoe, me utu moa kara tuliusigo. Inau sauba kau totu kolugo, ma kau dilago, ma kau ravisigo.

Jeremia 17:18

Taovia ko paluvangamaqira igira ara rotasiau, mo ko gaea na mauriqu inau. Ko totoposuligira igira, mo ko laka moa na molo matagu vaniaqu inau. Ko alomaia na tagu seko vanigira igira, mo ko matesiligigira saikesa.

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Linge 6:10

Migira gaqu gala, sauba ke ponopala lê na tobaqira rongona e tau managaqira; me sauba kara tavongani vangamâ loki ma kara sugavisu lê.

Linge 40:14

Ko utusigira igira ara tovoa laka kara labumatesiau inau mo ko naua me ke ponopala lê na tobaqira. Ko naua migira sui ara gini mage rongona inau au totu moa tana rota kara sugavisu me ke paluvangamaqira lê.

Linge 35:26

Migoe Taovia ko naua, ma kara luvu lê igira ara gini mage tana rongona na rota e gadoviau inau, me ke ponopala lê na tobaqira, migira ara koesegeniqira mara tsaria laka ara dou bâ liusiau inau, igoe ko naua, me ke tsavugira popono na vangamâ me ke paluvangamaqira.

Roma 8:31

?I mataqira na omea dou sui girani, nagua tugua ka tsaria igita? ?Ti vaga God ke totu tabana konida igita, masei goto tangomana ke tukapusigita?

Jeremia 23:40

Sauba kau alomaia i koniqira na paluvangamâ e vô ke sui, me utu saikesa kara padalea.”

2 Timoti 4:17

Ma na Taovia e totu kalavata koluau moa. Maia e tusuvaniau na susuliga, gana kau gini tangomana na gini turupatuna nina goko popono God vanigira na tinoni tana vera sui, ma kara rongomia. Maia goto nogo e maurisiau tania na mangaqira na pai atsi girani ara ngaoa na pede matesiaqu.

Isaia 45:16

Igira sui ara dona na aqosiaqira na titinonina na god peropero sauba kara vangamâ loki, me sauba ke paluvangamaqira igira sui lakalaka.

Linge 66:5

Mai ma kamu reigira na omea sui God e naugira, nina aqo loki aia e naugira i laoqira na tinoni.

Daniel 12:2

Ma na dangana na vidaqira igira ara mate nogo sauba kara maurivisutugua: me ke visana sauba kara gini mage na sage tana mauri saliu, me ke visana sauba ke paluvangamaqira na totu tana vangama saliu.

Linge 65:5

Igoe o rongomia nimami nonginongi mo sangagami te ami gini tangomana. God igoe nogo o maurisigami. Migira na toga pipi tana nauna sui polia na barangengo popono, me savu taligu tabana na tasi ao ara norugo sui moa igoe.

Linge 47:2

Rongona na Taovia Susuliga Sosongo e kukuniga sosongo, me taovia tsapakae kaputia na barangengo popono.

Isaia 41:14

Ma na Taovia e tsaria, “E atsa moa ti igamu na Israel amu tetelo mamu maluku lê vaga ia, kamu laka moa na matagu; inau sauba kau sangagamu. Inau na God tabu ni Israel, minau nogo au laumaurisigamu.

Linge 129:2

“Tû kalina inau au vavaolu moa igira gaqu gala ara rotasi sosongoliau, mara tau lelê susuliga liusiau.

Jeremia 15:15

Mi muri, minau au tsaria, “Taovia, igoe o donagininogoa niqu rota loki. Ko padaau inau mo ko sangaau. Ko tangotuguqu i koniqira igira ara rotasiau. Ko padatugua laka tana rongona au aqo vanigo nogo igoe, te ara peaginiau inau.

Jeremia 22:22

Sauba na guguri ke pualigigira nimu tinoni lokiloki, migira ara sai alaala kolugo sauba kara raqa tsekagira, mi tana, sauba ke ponopala tobamu me ke paluvangamamu lê, tana rongona pipi sui na omea tabaruga igoe o naugira.

Jeremia 32:18

Igoe o sauvulagia nimu galuve vo oli vanigira na toga sui, mo kedegira nomoa na baka matena niqira sasi igira na tamaqira ma na tinaqira. Igoe na God o loki sosongo mo susuliga tsapakae; igoe nogo na Taovia Susuliga Sosongo.

Jeremia 1:18

!A Jeremia, ko rorongo dou! Pipi sui lakalaka na tinoni ara totu tana kao iani, igira na taovia tsapakae tana Juda, ma na tinoni lokiloki, ma na manetabu, ma na toga sui, igira sui sauba kara tovoa na tukapusiamu igoe. Mi dani eni inau au tusuvanigo gamu susuliga, agana ko gini tangomana na tuliusiaqira. Igoe sauba ko susuliga vaga kesa na veraloki ara barapoliginia na vatu, me vaga goto kesa na tuguru tapala, ma na ponopono tapalamila. Me sauba e utu saikesa kara tangomana igira na tuliusiamu, rongona inau nogo sauba kau totu kolugo ma kau dilago. Inau nogo na Taovia au tsaria na mea iani.”