Jeremia 20:10 - Ghari

¹⁰ Inau au rongomigira na tinoni sui ara viri gagasa mara tsaria, “!Aia ngana e katea laka ‘Na Omea Mamataguniga e Totu Pipi Sui Tana Nauna!’ !Ida ma ka tatamanga gana vanigira na taovia!” Me atsa moa ti igira gaqu duli dou sosongo inau migira goto ara pipitua kara reia ti vaga kau tubulagi tana goko. Mara tsaria, “E tau ngatsu utu vanigita ka valoa moa aia, mi tana ti igita ka tangolia ma ka tangotuguda.”

Jeremia 20:10 Referans Kwoze

Linge 41:9

Maia goto na kulaqu dou bâ aia au noru saikesalia, maia e mutsapata koluau, sui, me tû me gativisuau.

Linge 31:13

Au rongomigira danga gaqu gala ara viri gagasa polipoliau, mau gini matagu loki sosongo. Ara vorogokona sai laka kara labumatesiau.

Isaia 29:21

God sauba ke toroutsanigira sui igira ara keliseko vanigira na tinoni tavosi tana tinete, mara utukapusia na kedeaqira na tinoni vanga tangopeke seko, mara perogaqira na tinoni dou gana kara tau adia na pedegoto.

Jeremia 18:18

Mi tana, migira na toga ara tsaria, “!Ida igita ma ka vorogana mate a Jeremia! Sauba kara totu sailagi moa visana na manetabu kara sau totokoe vanigita, ma na mane sasaga loki kara parovatavigita, ma na propete kara katevulagi vanigita nina goko God. Ida ma ka kelipero gana, ma ka laka goto na rongomiana na omea aia ke tsaria.”

Aqoaqo 24:13

E tau goto tangomana vanigira kara adilabati vanigo sa omea manana tana rongona niqira keli ara nauvaniau i dani eni.

Esekiel 22:9

Me visana ara dona sosongo na keli seko tana rongoqira na tinoni tavosi rongona moa kara gini labumatesigira. Me visana vidaqira ara dona goto na ganiana na omea ara gini savori-kodoputsa vanigira na god peropero. Me visana ara totu matengana moa na vainausekoligi.

Jeremia 6:25

Ami matagu loki, mami tau goto malagai na liu bamai tana poi, se i sautu, rongona igira gamami gala ara tangolinogoa niqira isi mara totu polipoligami.”

Goko Tabana 10:18

Na tinoni e molopoia nina reisavi e dona moa na tsoniana na goko peropero. Masei e tseba gokona bamai na omea seko e bule manana.

Luka 20:20

Te ara lalavea kesa na tagu dou tana ke lakagana vanigira na tangoliana. Mara tuu, mara volidodogira visana na mane rongona kara valoa a Iesu. Mara molovanogira kara torogoko i konina, rongona a Iesu ke gini goko sasi, mi tana ke gini managaqira, ma kara raqavanoa i matana na taovia tagao butona na momoru.

Nina Papi A Job 19:19

Migira na kulaqu varavara ara reisavi sosongoliau, migira sui au galuve lokigira ara tû mara gati visuau moa.

1 Taovia Tsapakae 21:20

Mi kalina a Ahab e reia a Elija maia e tsarivania, “?Me laka o mai tsodoau tugua igoe gaqu gala?” Ma Elija e tsarivania, “Eo, rongona igoe o totu matengana moa na nau sailaginiana na omea e sasi i matana na Taovia.

1 Taovia Tsapakae 19:2

Maia ko Jesebel e mologoko bâ vania a Elija me vatsa me tsaria: “Kara labumatesiau igira na god ti tana tagu vaga nogo iani ke dani kau tau nauvanigo na omea vaga igoe o naunogoa vanigira na propete.”

Aqoaqo 7:54

Migira sui na tinoni loki ara totu tana ara rongomi vatavia kalina e goko a Stivin, me gini momosa na tobaqira, me galasigira, mara gati vatavia na livoqira i matana tana kore.

Aqoaqo 5:33

Kalina igira sui tana Saikolu ara rongomia na goko vaga ia, mara gini kore loki sosongo goto baa, mara ngaoa kara labumatesigira na apostolo.

Linge 57:4

Ara totu poliau igira gaqu gala, vaga saikesa moa ti na laeone veveiga. Na livoqira ara vaga moa na bao ma na pipili; ma na lapiqira ara vaga na isi vavanga.

1 Taovia Tsapakae 22:27

Mo ko tsarivanikaira kara ka tsonia tana vale sosori, ma kara ka palaginia moa na bredi ma na kô poi tsau kalina inau kau labavisumai talu tana vailabu.”

1 Taovia Tsapakae 22:8

Ma Ahab e tsarivania, “E kau kesa moa, aia nogo a Mikaia na dalena a Imla. Maia au reisavi sosongolia inau, rongona e tau lelê dona ke katevulagi vaniau sa omea dou. Aia e katesailaginia moa na omea e seko.” Ma Jehosapat e tsarivania, “!E, igoe ko laka na tsarivaganana ia!”

Jeremia 11:19

Minau au vaga moa kesa na dalena sipi tsalapo ara raqavanoa tana nauna i tana kara matesia, mau tau saikesa donaginia laka ara vorogokona na matesiaqu. Migira ara tsaria, “Ida gita ma ka labumatesia a Jeremia, vaga moa na gai ara kavitsunâ kalina e mamauri dou moa, me ke gini tagara goto sa tinoni ke padagotoa.”

Jeremia 11:21

Igira na mane ni Anatot ara ngaoa laka kara matesiau inau, mara tsarivaniau laka sauba kara matesiau manana ti vaga kau katevulagi babâ moa nina goko na Taovia.

Jeremia 20:3

Mi tana matsaraka na dani ngana, a Pasur e nusiligi tania na itai tapala, ma Jeremia e tsarivania, “Na Taovia e tau nogo soaginigo a Pasur. Na soa aia e soaginigo kalina ia, aia nogo ‘Na Omea Mataguniga e Totu Pipi Sui Tana Nauna.’

Jeremia 37:13

Mi kalina au ba tsau nogo tana Matsapakapu Benjamin, maia gaqira taovia na mane vaumate e matalia na matsapakapu i tana, aia nogo a Irija na dalena a Selemia ma na kukuana a Hanania, e tukapusiau me tsarivaniau, “!Igoe o tsogovano tabana i koniqira na Babilonia!”

Daniel 6:4

Mi tana, migira na reitutugu aqo tavosi ma na taovia tagao butona momoru ara tovoa laka kara tsodoa sa omea ke sasi i laona nina aqotagao a Daniel, mara tau goto tangomana na reiana, rongona a Daniel e gotolaka pipi nina sasaga me tau goto dona ke naua sa omea ke seko se ke peqo.

Linge 31:14

Minau au norugo moa igoe niqu Taovia; mau tsaria, “Igoe nogo niqu God.”

Linge 41:10

Ko galuveau Taovia, mo ko naua ma kau susuliga doutugua, ma kau tuguvisu vanigira gaqu gala na omea seko vaga ara nauvaniau.