Jeremia 2:6 - Ghari

⁶ Igira ara tau goto boeginiau inau atsa moa ti inau nogo au laumaurisigira tania na Ejipt, mau idagana sautu vanigira tana kao mate, tana butona kao qiliqouga, tana kao mamatsa me rodo pulipuli, i tana e tau tangomana sa tinoni ke mauri, se ke liu i laona.

Jeremia 2:6 Referans Kwoze

Na Vaolusi Ketsa 32:10

“Na Taovia e reigira ara liu bamai i laona na kaomate, i tana e susuliga sosongo na guguri. Maia nogo e ravisigira me reitutugugira, vaga nogo ti na dalena na matana aia.

Hosea 13:4

Ma na Taovia e goko me tsaria, “Inau nogo na Taovia nimui God au adirutsumigamu tania i Ejipt. Inau segeni moa nimui God, mamu tau goto tamanina sa god tavosi. Inau segeni moa nimui vagamauri.

Mateo 4:16

Migira na tinoni ni tana ara totu moa tana rodo na sasi, me sauba kara reia kesa e mai vaga na marara loki, me ke mararasia na tobaqira. Migira ara totu moa tana ungana na mate, sauba na marara loki ia ke mararasigira.”

Hosea 12:13

Na Taovia e moloa kesa na propete ke laumaurisigira nina tinoni tania na totu tseka i Ejipt me ke reitutugugira.

Jeremia 5:2

Me atsa moa amu tsaria, “Ami vatsa tana asana na Taovia,” ma na vatsa kobakoba lê moa amu naua.

Jeremia 2:8

Migira na manetabu ara tau veisuâ, ‘?Laka iava na Taovia?’ Eo, igira niqu manetabu segeni nogo inau ara tau goto donaginiau. Migira sui na tagaovera ara sove taniau moa migira na propete ara tû mara goko tana asana Baal, mara samasama vanigira na titinonina na god peropero tagara rongona.” Na Taovia e tsarigotoa,

Jeremia 2:2

kau ba katevulagia na goko iani vania na vera ni Jerusalem. “Inau au padatugua kalina igoe o vavaolu moa, mo totukakai i koniqu. Mi tana tagu ia, igoe o galuveau vaga moa na daki e galuve sosongolia na savana kalina ara ka tauga vaolu. Igoe o tsarimuriqu tana kaomate, tana kao i tana ara tau vati tsukâ sa omea.

Isaia 64:7

E tagara sa vidamami ke nonginongi vanigo se ke norugo ko sangâ. Igoe o poisinogoa na matamu vanigami, mo tsonikidamami tana rongona nogo nimami sasi.

Isaia 63:9

tania niqira totu rota. Me tau goto molo bâ sa nina angelo ke laumaurisigira, tagara, tana nina galuve ma nina tobalaka loki aia segenina nogo na Taovia e tû me laumaurisigira. Maia nogo e reitutugugira tu mai nogo i sau.

Linge 77:5

Au padavisugira na tagu ni sau mau padavisugira goto na ngalitupa ara putsi oka nogo.

Linge 23:4

Atsa moa ti inau kau liu i laona na rodo pulipuli, me sauba e utu goto kau matagu, rongona igoe nogo Taovia o totu koluau. Ma gamu itoro ma nimu bao igoe o reitutuguginiau.

Nina Papi A Job 35:10

Migira ara tau moa dona na pilobâ i konina God aia e volagira, me kakaisia na tobaqira tana tagu ara totu tana rota loki.

Nina Papi A Job 3:5

Ko nauginia moa na dani na ponopala ma na rodo pulipuli; mo ko tsavupoiginia na parako, mo ko koko ponotia na aso me ke tau goto sinaria.

2 Taovia Tsapakae 2:14

Me pisatsunâ i kô na polona tsavugoto a Elija me tsaria, “?Laka iava e totu na Taovia nina God a Elija?” Mi muri me pisatsunatugua i kô, ma na kô e tavota ruka, maia e liusavu visutugua tana mamatsana.

Tinoni Pede 6:13

Ma Gideon e tsarivania, “Taovia, inau au ngaoa kau veisuago talu kesa na omea. ?Egua vaga te e aqu e labavanigami moa igami na omea seko vaga girani ti vaga na Taovia e totu manana kolugami? ?Miava vaga igira na omea dou sui igira na mumuamami ara turupatuna vanigami nogo, laka na Taovia e naua vanigira kalina aia e adirutsumigira tania i Ejipt? Mi kalina eni e vaga moa ti na Taovia e tsonilegami nogo me mologami kami rota tana limaqira na Midian.”

Binaboli 20:2

“Inau na Taovia nimui God minau nogo au adirutsumigamu tania na Ejipt i tana igamu amu totu tseka.

Na Vaolusi Ketsa 1:19

Ma Moses e tsarigotoa, “Igita a naua na omea na Taovia nida God e ketsaligita. Migita a mololea na Vungavunga Sinai, ma liu bâ tana kaomate loki me mataguniga, ma vano kalea niqira kao vungavungaga igira na Amor. Mi kalina igita a tsau i Kades Barnea,

Jeremia 13:16

Kamu padalokia na Taovia nimui God idavia aia ke alomaia na rodo ke tsavugamu, ma kamu tubulagi tana vungavunga; me idavigotoa aia ke olia na marara igamu amu amesia, me ke lia na rodo pulipuli.

Jeremia 51:43

Igira sui na vera i laona ara moro mamataguniga sosongo, mara lia vaga saikesa moa ti na kaomate, i tana e tau nogo tugua sa tinoni ke totuvia, se ke liu bâ i konina.

Na Vaolusi Ketsa 8:2

Kamu padavisua laka e koegua kalina aia na Taovia nimui God e idagana sautu vanigamu tana kaomate i laona vati sangavulu na ngalitupa, me mologira danga na rota kara gadovigamu gana ke gini tovolegamu, ti aia ke gini donaginia nimui papada, ti vaga kamu murigira manana nina ketsa se tagara.

Jeremia 5:12

Igira nina tinoni na Taovia ara tiatagarâ moa aia mara tsaria, “E utu saikesa na Taovia ke naua sa omea. Sauba e utu ke gadovigita sa omea seko, se sa vailabu, se na uvirau.”

Amos 2:10

Inau au adirutsumigamu tania na kao ni Ejipt, mau ida vanigamu na liu tana kaomate i laona e vati sangavulu na ngalitupa, mau sauvanigamu niqira kao na Amor kamu tamanina.