Jeremia 2:37 - Ghari

³⁷ Mi kalina igoe ko vanoligi tania na Ejipt ma na lovamu sauba ke ulutsuna tana vangamâ. Igoe o norugira kara sangago, minau nogo na Taovia au reisavigira igira, me utu goto ko adia sa omea dou i koniqira.”

Jeremia 2:37 Referans Kwoze

2 Samuel 13:19

Aia e tû me karotsavua na papasa i lovana me ratsia na polona sagesage katsi, me tsavupoiginia na limana na matana, me ngangai me vanoligi.

Jeremia 17:5

Na Taovia e goko me tsaria, “Inau sauba kau kedea na tinoni e piloligi taniau inau, me vataraginia moa nina vainorugi i konina na tinoni lê, me ba tsotsovata moa i koniqira na tinoni ara dona na mate.

Jeremia 32:5

Mi muri, ma kara adivanoa a Sedekia i Babilon, mi tana ke totu poi tsau kalina inau kau nauvania na omea au padâ. Me atsa moa ti aia ke vailabugi kolugira na Babilonia, me utu saikesa ke tangomana. Inau nogo na Taovia au tsaria na omea iani.”

Jeremia 2:36

?Egua ti e olioli sailagi na papadamu me tau totu kalavata i koniqu inau? Me sauba igira na Ejipt kara paluvangamamu lê, vaga ara nauvanigo nogo igira na Asiria.

Isaia 10:4

Igamu sauba nomoa kamu mate tana vailabu, se kara aditsekavanogamu. Me atsa moa ti e vaga ia, ma na korena na Taovia e tau moa vati sui. Aia sauba ke kedegamu baba moa.

2 Turupatu Dato 13:12

God segenina nogo e totu kolugami igami me idavanigami, migira nina manetabu ara totu goto ieni kolugira niqira tavuli, mara vangarau na uviaqira ti kami bâ na vailabugi koluamui igamu. !Igamu na tinoni ni Israel, kamu laka na vailabugi koluana na Taovia aia niqira God igira na mumuamui! !Igamu e utu saikesa kamu tangomana!”

Tsoko Tinoni 14:41

Maia Moses e tû me tsarivanigira, “?Me vaga ia, megua ti amu petsakoe mangana na Taovia kalina ia? !Sauba e utu saikesa kamu tangomana!

Jeremia 14:3

Igira na tinoni ara tamani omea danga ara molovanogira niqira tinoni aqo kara ba sao kô; migira ara vano tana tuvu mara tau goto ba reia sa kô; mara adivisu lea moa niqira popovatu. Ara vangamâ, me ponopala na tobaqira, mara tsavupoia na mataqira.

Jeremia 14:4

Mi tana rongona e tau tumu na usa me gini makede na kao, e gini seko sosongo goto na tobaqira igira na tinoni aqo kao, mara tsavupoigotoa na mataqira.

Jeremia 22:30

“Na mane iani, aia Jehoiatsin, au pedevaninogoa laka sauba kara mate sui na dalena, maia segenina nogo ke tau goto tangomana pipi tana omea ke naua. Sauba ke tagara goto sa kukuana ke tangolidatoa na aqotagao tana Juda, vaga na tuguna a David. Inau nogo na Taovia au tsaria na omea iani.”

2 Samuel 11:12

Bâ, ma David e tsarivania, “Me ti e vaga ia, me dou ko totuvisu talu ieni i dani eni, mi ke dani moa ti inau kau molovanogo.” Mi tana ma Uria e totuvisu i Jerusalem tana dani ia mi tana dani ngana goto.

Isaia 28:18

Ma na vekesai amu naukolua na mate sauba ke taveo lê, ma na tabesai amu naukolua na barangengo na mate sauba ke luvu lê. Mi kalina na rota seko loki ke gadovigamu, migamu sauba kamu toroutsa saikesa.

Jeremia 22:20

Jerusalem, igira na tinoni i laomu kara vano tana Vungavunga Lebanon, mi tana kao ni Basan, mi tana vungavunga ni Moab, ma kara gudato ma kara tangitangi, rongona ara viri mate nogo igira sui ara sai alaala kolugo.

Tangitangi 4:17

Igita a totu matengana moa na pituana na sasanga ke talumai i konina kesa na veratavosi, ma momoro tatavata poi tsau kalina a tau nogo tangomana na moro. Migita a pipitu lê moa, me tagara goto ke kesa ke mai sangagita.