Jeremia 2:36 - Ghari

³⁶ ?Egua ti e olioli sailagi na papadamu me tau totu kalavata i koniqu inau? Me sauba igira na Ejipt kara paluvangamamu lê, vaga ara nauvanigo nogo igira na Asiria.

Jeremia 2:36 Referans Kwoze

Jeremia 31:22

?Ke oka koegua sagata kamu baribari, igamu na dalequ vanga petsakoe? Inau au aqosia kesa na omea e vaolu me rerei tavosi, vaga moa na daki e reitutugua na mane.”

Hosea 5:13

“Mi kalina Israel e reigadovia laka aia e lobogu loki nogo, mi kalina Juda e morosigira na bokana segeni, mi tana migira na Israel ara vano i koniqira na Asiria, gana kara nongi sasanga i konina na taovia tsapakae ni tana, maia e tau tangomana na taliaqira se na mavusiana na bokaqira.

Hosea 12:1

“E pipi sui lakalaka na omea ara naua igira na tinoni ni Israel, tû tana matsaraka me tsau bâ tana ngulavi, ara tau sui tamani rongona, mara dona moa na sekoli tinoni. Na pero ma na rotasi tinoni ara pabo babâ i laoqira. Ara naua na vekesai kolugira na Asiria, mara naua niqira kavoqolo kolugira na Ejipt.”

Jeremia 2:23

?Egua ti o tsaria, ‘Inau au tau naqugasi segeniqu, mau tau saikesa samasama vania Baal’? Ko padatugua nimu sasaga tabaru tana poiatsa, ma na sasi danga o naugira i tana. Igoe o lavegira na god peropero vaga saikesa moa na kamelo daki e ulo bamai na lave kamelo mane.

2 Turupatu Dato 28:16

Igira na Edom ara tuturigatugua na labunovotiana na Juda mara aditsekagira danga na tinoni. Mi tana, me tû a Ahas na taovia tsapakae me nongia a Tiglat Pileser na taovia tsapakae ni Asiria ke mai sangâ.

Hosea 14:3

Asiria e utu saikesa ke maurisigami, migira na ose na vailabu e utu kara isutugumami. Migami e utu saikesa goto kami tsarivanigira nimami god peropero laka igira nogo nimami God. Migoe Taovia, ko galuvegami rongona igami ami vaga moa na baka tinamate me tagara goto kesa ke reitutugugami.”

Hosea 10:6

Na titinonina na buluka qolumila ia, sauba kara kalagaivano i Asiria ngiti takisi vania na taovia tsapakae loki tana. Epraim sauba ke gini vangamâ, ma kara paluvangamana na Israel rongona aia e norua nina god peropero.

Hosea 7:11

Israel e tsipubamai vaga moa kesa na kulukulu bubulega. Igira nina tinoni ara idatalu ara nongi sasanga i koniqira na Ejipt, mi muri mara ulovano goto i Asiria.

Esekiel 29:7

Mi kalina igira ara vataragi bâ i konimu, migoe o tavongani takutsi lê mo baoa na abeabeqira, me gini taboku na sulina na gotuqira.

Tangitangi 5:6

E kilia kami ba nono gamami mutsa i koniqira na Ejipt ma na Asiria ti kami gini tangomana na mauri.

Tangitangi 4:17

Igita a totu matengana moa na pituana na sasanga ke talumai i konina kesa na veratavosi, ma momoro tatavata poi tsau kalina a tau nogo tangomana na moro. Migita a pipitu lê moa, me tagara goto ke kesa ke mai sangagita.

Jeremia 37:7

kau ba tsarivaganana iani vania a Sedekia, “Igira na alaala na mane vaumate ni Ejipt ara maimai rago gana na sangaamu igoe, me sauba moa kara visu lê tugua i veraqira.

Jeremia 2:33

“Israel, igoe o dona sosongo na takuviaqira na god peropero, vaga nogo kalina o takuvi tsarimuriqira gamu udu. Nimu sasaga igoe e seko liusia niqira sasaga na daki seko, mo sasaniginigira nimu sasaga tabaru.

Jeremia 2:18

?Nagua sauba ke pelugo igoe na visutuguana tana Ejipt, ma na ba inu tana Kô Nile? ?Ma nagua goto sauba ke pelugo na vano i Asiria, ma na ba inu tana Kô Euprates?

Isaia 20:5

Migira ara noru sosongolia na Sudan, mara gini goko kaekae sosongo tana rongona na Ejipt, sauba kara morosia na omea e laba vanigira vaga ia, ma kara gini beke loki, me ke gini ponopala na tobaqira.

Jeremia 46:12

Nimu mane vaumate ara vaisudugi, mara viri puka sui i lao. E tau managamui tana vailabu, migira sui na puku tavosi ara rongomia tana rongona gamui paluvangamâ, ma na tatangina nimui ngangai e kuvia na barangengo popono.

Esekiel 16:28

“Mi tana rongona igoe o tau vati gini vatsa moa i koniqira na Ejipt, ti igoe o ba ulo tsarimuriqira goto na Asiria. Mo lia niqira rebi, mo tau vati vatsa moa.

Jeremia 22:20

Jerusalem, igira na tinoni i laomu kara vano tana Vungavunga Lebanon, mi tana kao ni Basan, mi tana vungavunga ni Moab, ma kara gudato ma kara tangitangi, rongona ara viri mate nogo igira sui ara sai alaala kolugo.

Jeremia 22:22

Sauba na guguri ke pualigigira nimu tinoni lokiloki, migira ara sai alaala kolugo sauba kara raqa tsekagira, mi tana, sauba ke ponopala tobamu me ke paluvangamamu lê, tana rongona pipi sui na omea tabaruga igoe o naugira.