Jeremia 2:22 - Ghari

²² Me atsa moa ti o gini vulivuli na sopu kolu one, minau sauba kau reia moa na bauna nimu tsutsukibo.

Jeremia 2:22 Referans Kwoze

Jeremia 17:1

Na Taovia e tsaria, “Igamu na tinoni tana Juda, e utu ke taveo nimui sasi, rongona na tobamui ara kakai vaga na vatu, i tana ara mareginia na peni tapala na mamarena nimui sasi; mara kirigotoa tana tsukena nimui belatabu.

Nina Papi A Job 14:17

Sauba ko padalegira vaniau, mo ko tsavupoigira i laona na todo.

Hosea 13:12

“Nina sasi Israel ma na loana ara maretsunagira sui, ma na mamarena ara mololakagira.

Jeremia 16:17

Inau au morosinogoa pipi na omea sui ara naugira. E tagara goto kesa na omea ke popoi vaniau, niqira sasi sui e tau tangomana kara popoi i mataqu.

Linge 130:3

?Ti vaga igoe ko tsokogira sui nimami sasi, me sauba asei ke ulagana na ba tû i matamu igoe?

Amos 8:7

Na Taovia na God ni Israel e vatsa me tsaria, “E utu saikesa kau padalea niqira aqo seko ara naua.”

Linge 90:8

Igoe o morosigira sailagi nimami sasi, atsa goto moa igira nimami sasi ara totu popoi, migoe o morosigira sui.

Na Vaolusi Ketsa 32:34

“Na Taovia e padavisua na omea ara naua igira gaqira gala; maia e pipitua moa na tagu dou ti ke kedegira.

Jeremia 4:14

Igamu na Jerusalem, kamu malesiligia na omea tabaruga tania na tobamui, gana kamu gini mauri. ?Ke oka koegua sagata ti kamu totu matengana moa na padaana na omea seko i laona na tobamui?

2 Samuel 11:12

Bâ, ma David e tsarivania, “Me ti e vaga ia, me dou ko totuvisu talu ieni i dani eni, mi ke dani moa ti inau kau molovanogo.” Mi tana ma Uria e totuvisu i Jerusalem tana dani ia mi tana dani ngana goto.

Esekiel 24:6

Iani nogo e vaga na omea na Taovia God e tsaria: “!Sauba ke seko sosongo vania na Jerusalem niqira verabau igira na tinoni vanga labumate girani! Aia e vaga saikesa nogo kesa na kuki tsotso baubau ara tau dona na malesiana. Adiligigira tatasa pipi sui na paparina na velesi ara totu i laona, me ke laka goto kauvisu ke kesa.