Jeremia 2:21 - Ghari

²¹ Inau nogo au tsukago igoe vaga moa kesa na itai na uaeni dou bâ. Tana idana migoe o vaga saikesa na volana na itai na uaeni laka. ?Megua ti o oli kalina ia, mo lia vaga na itai na uaeni atsi tagara rongona?

Jeremia 2:21 Referans Kwoze

Isaia 5:4

?Laka sa omea ngatsu inau au tau naudoua te e gini tau dou niqu uta? ?Megua te e tau molo vuana dou vaga au amesia inau, me molo vuana vavai moa?

Binaboli 15:17

Migoe o livugira tana nimu vungavunga tabu, i tana igoe Taovia o vilinogoa ke lia na valemu, tana Vale Tabu igoe segenimu nogo o logoa.

Ioane 15:1

Me goko babaa moa a Iesu me tsaria, “Inau au vaga moa na itai vuaga manana. Ma na Tamaqu aia e vaga na mane aqouta.

Linge 44:2

laka igoe segenimu nogo o tsialigigira na tinoni ponotoba mo turuvaginigira nimu toga tana niqira kao. Me laka igoe o kedegira na puku tavosi, mo naua mara gini pabo babâ nimu tinoni segeni igoe.

Linge 80:8

Taovia igoe nogo o tû mo vutiligia kesa na itai na uaeni tania na vera ni Ejipt, mo tsialigigira na puku tavosi tamanina kao, mo bâ tsukâ na itaina uaeni ia tana niqira kao igira.

Na Vaolusi Ketsa 4:37

Me rongona e galuvegira na mumuamui, te aia e viligamu igamu, mi tana susuligana loki aia segenina nogo e adirutsumigamu tania i Ejipt.

Luka 20:9

Ma Iesu e gini gokolia vanigira na toga na gokolia vaga iani: “Kesa dani me totu kesa na mane, maia e tsukaa kesa nina uta loki. Mi muri, maia e tuu, me moloa vanigira visana tinoni kara gini aqo nina uta, maia e aligiri, me vano totu oka sosongo kesa tana vera ao.

Marko 12:1

Ma Iesu e gini gokolia vanigira na toga na gokolia iani me tsaria, “Kesa dani me totu kesa na mane e tamanina kesa nina uta loki. Maia e baa me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotosana na vuana na itai me ke lia na uaeni. Me logoa na kusudato gana na togatoga. Mi muri ma na tamanina na uta e tuu me molovanigira visana na mane kara gini aqo nina uta. Maia e aligiri, me vano totu kesa tana vera ao.

Na Vaolusi Ketsa 32:32

Gaqira gala ara tabaru sosongo vaga nogo igira na Sodom ma na Gomora i sau, ara vaga saikesa nogo na itai na uaeni ara molo vuaqira vavai ma na tabatu i koniqira,

Mateo 21:33

“Ma kamu rongomi vatavia e kesa goto na gokolia. Kesa dani me totu kesa na mane e tamanina kesa nina uta loki. Maia e baa, me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotsana na vuana na itai, me ke lia na uaeni. Me logoa na kusudato, gana na togatoga. Mi muri, ma na tamanina na uta e tuu, me molovanigira visana na mane kara gini aqo, ma kara reitutugu vania nina uta. Maia e aligiri, me vano totu oka kesa tana vera ao.

Isaia 61:3

ma kau tusuvanigira igira ara ngangai i Sion na magemage loki ke oliginia niqira ngangai, ma na linge na tsonikae ke oliginia niqira melu. Sauba kara vaga na gai kakai aia segenina nogo na Taovia e tsukagira. Migira sui sauba kara naua moa na omea ke gotolaka, ma kara tsonikaea God tana rongona na omea loki aia e naua.

Isaia 60:21

Migira nimu tinoni sauba kara naua moa na omea e gotolaka, ma kara totuvi sailaginia nimu kao. Inau nogo au volagira mau tsukagira, rongona kau gini sauvulagia gaqu loki tsapakae vanigira na tinoni sui.

Isaia 41:8

“Migamu na Israel niqu maneaqo, igamu nogoria na tinoni inau au viligamu, igamu na kukuana a Abraham na kulaqu dou.

Isaia 1:21

Igoe na verabau ni Jerusalem, i sau igoe o totukakai i konina na Taovia, mi kalina ia nimu sasaga e vaga nina sasaga na daki rebi. I sau ara danga sosongo na tinoni e gotolaka niqira sasaga ara totu i laomu, mi kalina ia na tinoni vanga labumate moa ara danga i konimu.

Josua 24:31

Tana tagu popono e mamauri moa a Josua, migira na tinoni ni Israel ara aqo dou vania moa na Taovia. Mi murina na mateana ia, mara aqo dou babâ vania moa na Taovia tana tagu popono ara mamauri moa igira gaqira ida, igira nogo ara sanga na reiana pipi na omea na Taovia e nauvanigira na Israel.

Tangitangi 4:1

Reia bâ nida qolumila angaanga ara pura nogo kiki kalina ia, ma na vatuna na Vale Tabu ara viri totu piriutsa bamai tana sautu loki.

Tuturigana 32:28

Ma na mane e tsaria, “Sauba na asamu igoe kara tau nogo soaginigo a Jakob. O vailabugi nogo kolua God me kolugira na tinoni, migoe o tangomana; me sauba na asamu kalina ia kara soaginigo a Israel.”

Tuturigana 18:19

Inau au vilinogoa aia rongona ke gini raigira na dalena ma na kukuana kara rongomangaqu inau ma kara taonia na omea e dou me goto. Ma ti kara naudoua, me sauba kau manalivania aia pipi sui na omea inau au vekenogoa.”

Isaia 27:2

Mi tana dani goto ia, ma na Taovia sauba ke goko vaga iani tana rongona nina uta na uaeni aia e reingao sosongolia:

Jeremia 11:17

“Inau nogo na Taovia Susuliga Sosongo, au tsukagira na Israel ma na Juda, mi kalina ia, inau au tsarivanigira laka sauba kau moloa ke gadovigira na rota seko loki. Igira nogo ara alomai vanigira nogo na omea iani rongona ara naua moa na omea e sasi; ara savori-kodoputsa vania Baal, mara gini tsaia na korequ inau.”

Linge 80:9

Igoe o arago maledoua kesa na nauna i tana ke dato dou; ma na lamuna e tatango tsuna ao tana kao, me liuvia na kao popono.

Jeremia 5:10

Inau sauba kau molovanogira na gala kara ba kavikutigira niqira uta na uaeni niqu tinoni, me utu moa kau tamia kara toroutsanigira saikesa. Sauba kau tsarivanigira kara kaviligigira moa na araqira, rongona na arana girani ara tau niqu inau.

Jeremia 11:16

Eo, i sau inau au soaginigira niqu tinoni ni Israel na gai na olive marao dou, mara danga dou na vuana rereidou i konina; bâ, mi kalina ia, sauba kau matesigira vaga saikesa moa kalina e mai na legai loki, me poda na quluqulu, ma na angaanga e iruvigira na gai na olive, me ganigira sui na arana.

Esekiel 15:2

“Dalena tinoni igoe, ko reigira bâ na pukuqira na itai na uaeni, igira ara tau kakai vaga na gai tavosi.