Jeremia 2:13 - Ghari

¹³ rongona igira niqu tinoni ara aqosia ruka vatana na sasi loki: ara piloligi taniau inau, inau na vuravura na ko maroga, mara ba tsaigira visana tuvu tapatapa e utu goto ke kau sa kô i laoqira.” Ma na Taovia e tsarigotoa,

Jeremia 2:13 Referans Kwoze

Ioane 4:14

Masei ti ke inuvia na koo inau kau tusuvania, tagara ke tau marou tugua. Na koo vaga inau kau sauvania ia, sauba ke lia vaga na vuravura na ko tusumauri i laona tobana me ke bugudato vania na mauri saliu.”

Ioane 7:37

Mi tana susuina na dani, aia na dani loki baa tana Dani Tabu ia, e tuu a Iesu, me gokodato, “Ti asei ke marou, ke mai i koniqu me ke inu.

Jeremia 17:13

Taovia, igoe nogo niqira amesi na Israel. Migira sui ara piloligi tanigo igoe sauba kara paluvangamaqira. Igira sauba kara nanga lê, vaga moa na soa ara maregira tana papasa lê, rongona ara tsonikidamu igoe na Taovia na uluna na ko maroga.

Na Katemai 21:6

Me tsarigotoa, “!E sui nogo! Inau na idana tsotsodo ma na murina tsotsodo, na tuturigana ma na susuina. Asei moa ti ke marou, sauba kau tamivania ke inu lee tana vuravura na koo na mauri me ke tau goto tsonimatena.

Linge 36:9

Igoe nogo na uluna na mauri sui. Mi tana rongona nimu marara igoe ti igami ami reiginia na marara.

Na Katemai 22:1

Maia na angelo e tusuvulagi vaniau goto na ko loki, aia na koo na mauri e totora vaga kalina na lalaina na aso e gado tana koo se tana tasi. E vuradato tana ka niqira sasana na totukae kaira God ma na Dalena Sipi,

Isaia 55:2

?Matena gua ti amu tsonilea nimui qolo tana omea amu tau gini masu? ?Megua vaga ti amu tsonilea nimui qolo amu aqo loki matena, mamu vitoa babâ moa? Kamu rongomangaqu inau, ma kamu naua na omea au ketsaliginigamu, me sauba kamu gini mage na ganiana na mutsa dou liuliu bâ.

Na Katemai 22:17

Mara ka tuu kaira na Tarunga Tabu ma na Daki Tauga Vaolu, mara ka tsaria, “!Kamu mai!” Me pipi igira sui ti kara rongomia na goko vaga iani, ma niqira aqo kara tsarigotoa, “!Kamu mai!” Eo, kamu mai ti asei e marou. Asei moa e ngaoa na inu, e dou ke mai me ke inu lee tana koo na mauri, me ke tau tsonimatena.

Jeremia 4:22

Ma na Taovia e tsaria, “Igira niqu tinoni ara bule nomoa. Ara tau donaginiau inau. Ara vaga saikesa moa na baka bubulega, mara tau dona na padagadoviana sa omea. Ara dona sosongo moa na nauana na omea e sasi, mara tau dona na nauana sa omea dou.”

Jeremia 2:11

E tagara goto sa puku tavosi ke dona na oliaqira niqira god, atsa moa ti igira ara tau na god manana. Migira moa niqu tinoni ara oliginiau inau na God Susuliga Sosongo, ginigira na god peropero ara tau susuliga na nauvaniaqira sa omea dou.

2 Petero 2:17

Migira na tinoni seko girani ara vaga na bugu e mamatsa lee, me tagara lelee sa koo i laona. Mara vaga goto na parako e lovosigira lee na guguri. Maia God e titivanigira nogo na sasaqira i laona na rodo pulipuli.

Jeremia 2:17

!Migoe nogo Israel, o alomai vanigo segeni na omea iani! Kalina inau na Taovia nimu God au idagana sautu vanigo, migoe o tû mo vanoligi taniau.

Jeremia 1:16

Inau sauba kau kedegira igira niqu tinoni rongona ara sasi sosongo; ara piloligi taniau, mara savori-kodoputsa vanigira na god peropero, mara aqosia na titinoniqira mara ba samasama vanigira.

Sasani Sasaga 2:26

Aia God nogo e saua na sasaga loki, ma na donalevo, ma na magemage vanigira ara dou i matana aia. Me molovanigira na tinoni sasi kara aqo loki ti kara tamani omea levo, mi muri, ma na peluna niqira aqo igira, sauba God ke sauvanigira igira ara dou i matana aia. Na omea sui lakalaka girani e utugana na padagadoviana. E vaga lê moa ti na takuvi guguri.

Jeremia 15:6

Igamu amu sove taniau inau, mamu piloligi taniau. Me vaga ia, minau au tatakatsinia na limaqu mau labuginigamu, rongona au qisi nogo na tangolivisuana na korequ.

Isaia 63:8

Ma na Taovia e goko me tsaria, “Igira niqu tinoni segeni nogo inau, me utu saikesa kara pero bulesiau.” Maia e tû me laumaurisigira

Isaia 5:13

Me vaga ia ma na Taovia e tsaria, “Igira niqu tinoni ara tau saikesa donaginiau inau, me vaga ia, migira gaqira gala sauba kara aditsekavanogira tana vera tavosi. Migira gaqira ida ma na toga popono sauba kara gini mate na vitoa ma na marou.

Isaia 1:3

Migira na buluka mara donaginia asei na tamaniqira, migira na asi mara donaginia na nauna i tana e palagira gaqira taovia. Migira moa niqu tinoni ni Israel ara tau saikesa padagadovia sa omea. Migira bâ na buluka ma na asi ara sasaga liusigira igira.”

Sasani Sasaga 2:11

Mi muri, mau padagira na omea sui au aqosinogoa, ma na rota sui au tsodoa tana nauaqira, mau reigadovia laka igira sui ara tau lelê tamani sa rongona. E vaga moa ti na takuvi guguri, e tau lelê goto tamani sa rongona.

Sasani Sasaga 1:2

Aia e tsaria laka e tagara sa omea ke tamani rongona. Eo, na mauri e tau lelê tamani sa rongona, na omea sui e tagara sa rongona.

1 Samuel 12:10

Mi muri, mara ngangaidato vania na Taovia rongona aia ke sangagira, mara tsarivania, ‘Taovia, igami ami sasi sosongo nomoa rongona ami piloligi tanigo igoe, mami ba samasama vanigira na titinonina a Baal ma ko Astarte. Ami nongigo Taovia ko laumaurisigami tanigira gamami gala, migami sauba kami samasama vanigo moa igoe!’

Jeremia 5:31

igira na propete ara goko pero sailagi moa; migira na manetabu ara aqo muria moa niqira ketsa na propete, migira niqu tinoni ara reingaoa moa na sasaga vaga ia, mara tau goto tsaria sa omea. Bâ, minau sauba kau kedegira manana nomoa, ke gini sui niqira sasaga tabaru. ?Mi tana tagu ia, migira nagua sauba kara naua?”

Sasani Sasaga 4:4

Mau morosigotoa kesa segeni na vatana na sasaga e tau goto. Danga na tinoni ara aqo kakai sosongo gana kara tangomana. Ara nauvaganana ia, rongona ara reia na kulaqira e tangiloki gaqira rongo mara tamani levo, mara gini ngongoragi sosongo na tsauliaqira. Ma na vatana na sasaga bubulega vaga ia e tau saikesa tamani sa rongona. E vaga moa ti na takuvi guguri.

Jeremia 2:26

Na Taovia e tsaria, “Kalina ara tangolia kesa na mane komi maia e gini paluvangamana, me sauba kara paluvangamamui goto igamu sui na tinoni ni Israel kolugira nimui taovia tsapakae, ma nimui tinoni lokiloki, ma nimui manetabu, ma nimui propete.

Sasani Sasaga 2:21

Na tinoni e gini ngongoragi na gini aqo na sasagana loki, ma nina donalevo, ma nina padagado tana aqo ti ke gini tamanina nina omea levolevo danga. Mi muri, kalina aia ke mate, me sauba ke molovisugira na omea sui popono vanigira igira ara tau rota na aqo matena. !Ma na omea vaga ia e tau saikesa goto, me tau tamani sa rongona!

Sasani Sasaga 1:14

Au reinogoa pipi sui na omea ara laba ieni i barangengo, mau tsarivanigamu laka igira sui ara tau saikesa tamani sa rongona. E vaga moa ti na takuvi guguri.

Tinoni Pede 10:13

Migamu amu piloligi taniau moa, mamu ba samasama vanigira na god tavosi. Me vaga ia me utu goto inau kau laumaurisigamu tugua.

Mika 6:3

Na Taovia e tsaria, “?Igamu niqu tinoni laka nagua sagata au nausekoli vanigamu inau? ?Me laka na kalagai mamava koegua inau au ngoliginigamu? Kamu tsarivisumai vaniau.

Mika 2:8

Migamu amu sekoligira sosongo niqu tinoni vaga moa ti gamui gala. Mamu komigira gaqira polo tsavugotu na tinoni tsalapo, igira ara tau saikesa padâ na nauana sa omea seko.

Jeremia 18:14

?Laka igira na vungavunga vatuvatuga ni Lebanon o reia e tau puka na snou i koniqira? ?Me laka ara dona kora na ko bisi dou sosongo e tsatsali tsunamai i koniqira?

Jeremia 5:26

“Mara visana tinoni seko i laoqira niqu tinoni, ara vaga saikesa moa na mane e moloa nina vale samoa agana ke gini sogo na manu. Igira ara moloa niqira taviti gana na tinoni kara gini sogo i laona, ma kara puka tana sasi.

Sasani Sasaga 12:8

E tau tamani rongona, e tau tamani rongona, e tsaria na Mane Sasaga. Eo, igira sui ara tau lelê tamani sa rongona.

Ioane 4:10

Ma Iesu e tsarivania na daki ia, “Ti moa vaga igoe ko donaginia nina tuva God me laka asei aia e nongigo na koo na inu, maia nogo igoe ko nongi koo i konina, maia sauba ke tusuvanigo na ko tusumauri.”

Ioane 4:11

Ma na daki e tsaria, “Taovia, o tau tamanina sa nimu omea agana na sao koo igoe, ma na tuvu iani e qou sosongo. ?Miava ko ba torea na ko tusumauri vaga ia?

Na Vaolusi Ketsa 31:16

Ma na Taovia e tsarivania a Moses, “Igoe, o varangi nogo ko mate. Mi murina na mateamu igira na toga sauba kara tau totukakai i koniqu inau, ma kara tau manalia niqira tabana na vaitasogi au naua kolugira. Sauba kara piloligi taniau inau, ma kara ba samasama vanigira niqira god ponotoba igira na tinoni tana kao aia igamu amu vangaraua na sage bâ i konina.

Isaia 12:3

Vaga nogo na kô bisibisi dou e saua na mage vania aia e marou mate, me vaga goto igamu nina tinoni God sauba kamu gini magemage kalina aia ke maurisigamu.”

Jeremia 14:3

Igira na tinoni ara tamani omea danga ara molovanogira niqira tinoni aqo kara ba sao kô; migira ara vano tana tuvu mara tau goto ba reia sa kô; mara adivisu lea moa niqira popovatu. Ara vangamâ, me ponopala na tobaqira, mara tsavupoia na mataqira.

Jeremia 19:4

Minau sauba kau naua na omea iani tana rongona igira na tinoni ara piloligi taniau inau, mara naqugasia na nauna ieni tana savoriaqira na kodoputsa vaniaqira na god peropero, na god igira na mumuaqira, migira goto na taovia tsapakae tana Juda, ara tau goto donaginigira i sau. Ara dangaliginia na nauna iani na gabuqira na tinoni dou ara tau tsukia sa sasi,

Esekiel 47:1

Ma na mane ia e adivisuau bâ i matana na Vale Tabu. Mau reia na kô e vuramai talu i vavana na matsapa na mani sage bâ, me tave bâ tabana i longa, i tana saikesa nogo e arokalea na Vale Tabu. Ma na kô ia e tave tû i vavana na matsapa na mani sage bâ tabana i ata, me liu bâ ligisana na belatabu tabana i ata.

Sekaria 13:1

Ma na Taovia e tsarigotoa, “Mi kalina ke labamai na tagu ia, me sauba ke tavongani vuradato kesa na vuravura gana ke vulimalegira niqira sasi igira na kukuana a David, migira sui na tinoni ni Jerusalem ara samasama vanigira na god peropero.

2 Taovia Tsapakae 22:17

Igira ara reisaviau mara savori-kodoputsa vanigira na god tavosi, me tsaia me gini momosa loki na tobaqu tana rongona na omea sui igira ara naua. Maia nogoria na rongona te e gini momosa loki na tobaqu vania na Jerusalem, me utu goto ke bisi lê na korequ.

Isaia 1:4

Sauba ke seko sosongo nomoa vanigamu igamu na puku na tinoni vanga nauseko, amu seko pitsu nogo, me tabaru saikesa nimui sasaga. !Nimui sasi nogo ara raqa tsunagamu! Igamu amu sove tania na Taovia, aia na God tabu ni Israel, mamu piloligi tania.

Esekiel 14:5

Mau padâ laka kalina igira na Israel kara donaginia na omea au kili mananâ inau, me sauba kara molole saikesalia niqira god peropero, ma kara pilovisumai tugua i koniqu inau.