Jeremia 2:10 - Ghari

¹⁰ Kamu adi vaka ma kamu votu bâ tana momoru ni Siprus, ma kamu mologira visana tinoni kara liu i longa tana butona kao ni Kedar; me sauba kamu reia laka na omea vaga iani e tau goto vati laba sa dani sa nauna.

Jeremia 2:10 Referans Kwoze

Linge 120:5

Na totu i laomui igamu e seko sosongo atsa vaga moa ti na totu i Mesek, se i laoqira na tinoni ni Kedar.

1 Korint 5:1

Ara tatamanga vaniau, laka e totu i laomui na vaikibogasigi seko sosongo baa, me atsa moa igira na ponotoba, mara tau nauvaganana ia. !Ara turupatuna vaniau laka e kesa na mane e maturu kolua na tinana savusavu!

Daniel 11:30

Igira na Roma sauba kara liu votumai tana niqira vaka, ma kara utusia, maia sauba ke matagu lê. “Mi tana ti aia sauba ke pilovisu tana toba momosa loki me ke tovoa na veoana niqira lotu igira nina tinoni God. Maia sauba ke muria niqira totogoko igira visana na Tsiu ara mololenogoa niqira lotu.

Esekiel 27:6

Mara adia na gai kakai ni Basan gana na aqosiginiana nimu vose; ma na belamu ara aqosiginia na gai na aru ni Siprus, mara baruginia na tapana na livona na elepani.

Isaia 21:16

Mi muri ma na Taovia e tsarivaniau inau, “E kau kesa lelê moa na ngalitupa ma gaqira tangirongo na tinoni ni Kedar sauba ke nangaligi saikesa.

1 Turupatu Dato 23:12

A Kohat e tamanitugira vati na dalena mane: tugira nogo a Amram, ma Isar, ma Hebron, ma Usiel.

1 Turupatu Dato 23:1

Mi kalina a David e tuqatuqa sosongo nogo, maia e molokaea a Solomon na dalena ke lia na taovia tsapakae tana Israel.

1 Turupatu Dato 1:7

Migira na kukuana a Javan igira nogo na tinoni ni Elisa, mi Spain, mi Siprus, mi Rodes.

Tinoni Pede 19:30

Migira sui ara reivaganana ia ara tsaria, “!Igami ami tau saikesa vati rongomia sa dani ke laba na omea seko vaga ia! !Me tau vati laba sa omea vaga ia tû kalina igira na Israel ara mololea i Ejipt! !Nida aqo manana ka naua kesa na omea tana rongona na omea vaga ia! ?Ma nagua vaga sauba ka naua?”

Tsoko Tinoni 24:24

Igira na alaala na vanga laulau sauba kara sagevotu talu i Siprus; ma kara ba sugutigira na Asiria ma na Eber. Migira goto sauba kara nangaligi lê saikesa.”

Tuturigana 25:13

e tamani sangavulu ruka na dalena mane ara tu botsa vaitsarimurigi: igira nogo a Nebaiot, ma Kedar, ma Adbeel, ma Mibsam,

1 Taovia Tsapakae 9:9

Migira na tinoni sauba kara gokovisu ma kara tsarivaganana, ‘Rongona nogo igira ara tsonikidana na Taovia niqira God, aia e adirutsumigira na mumuaqira i sau tania i Ejipt. Mara tû mara tavongani pilo bâ vanigira na god tavosi mara samasama vanigira. Maia nogoria na rongona ti na Taovia e moloa ke labavanigira na omea seko vaga gira.’ ”

Isaia 23:12

Eo, migoe na verabau ni Sidon e sui nogo nimu magemage, igira na gala ara bingi sekoligira nogo nimu tinoni. Me atsa moa ti kara tangomana na tsogovano i Siprus me sauba e utu goto kara toturavi dou i tana.

Jeremia 49:28

Iani nogo na omea e tsaria na Taovia tana rongoqira na Kedar, ma na butona kao e tagaovi kaputigira a Hasor, igira nogo aia a Nebukadnesar na taovia tsapakae ni Babilonia e tangoligira: “!Kamu baginigira na tinoni ni Kedar, ma kamu matesiligigira sui igira na tinoni ara totu tabana i longa!

Esekiel 5:7

Mi kalina ia, minau na Taovia God au ngaoa na goko vaniamui igamu na tinoni ni Jerusalem. “Eo, kamu rorongo dou igamu na Jerusalem. Igamu amu petsakoe sosongo mamu sove na muriaqira niqu ketsa ma niqu vali, mamu tû mamu taoni sailaginia moa niqira lavu seko igira na veratavosi ara totu polipoligamu. Me vaga ia, ma nimui sasaga igamu ara seko liusigira bâ niqira sasaga na tinoni tavosi sui.

Daniel 11:18

Mi muri, maia sauba ke tû me ke baginigira na vera loki sui ara totu liligina tasi me ke tangoligira danga na vidaqira. Me sauba ke tû kesa na ida tavosi me ke tuliusia na taovia tsapakae ni Siria me ke suilavaginia nina kaekae, maia ke gini vangamâ loki sosongo.

Isaia 23:1

Iani nogo e vaga na goko e kalea na butona momoru ni Ponisia aia e totu liligina tasi. !Kamu kanga loki igamu na mane na vaka amu tsobo tana kema, rongona aia na Tire na veramui pukuga e toroutsa sui nogo! Na valemui ma na manga agana na mani longa ara toroutsa sui nogo. Mi kalina nimui vaka ara visumai talu i Siprus i tana amu rongomia na turupatuna na omea e laba.

Esekiel 16:16

Mo gini aqo visana na polomu tana inilauginiaqira nimu nauna agana na samasama, me vaga saikesa nogo na daki rebi, igoe o tami na maturu koluana asei moa ti ke liumai i tana.

Esekiel 27:21

Migira na tinoni ni Arabia migira na taovia tagao tana butona kao ni Kedar ara oliginia nimu omea gana na tsabiri niqira dalena sipi, ma niqira sipi loki, ma niqira naniqoti.