Jeremia 18:19 - Ghari

¹⁹ Me vaga ia, minau a Jeremia au nonginongi mau tsaria, “Taovia, ko rongomia na omea inau au tsarivanigo, mo ko rongomigotoa na omea ara gini vaitsari gaqu igira gaqu gala.

Jeremia 18:19 Referans Kwoze

Nehemia 6:9

Ara nauvaganana ia rongona ara ngaoa kara molomatagu vanigami ma kami gini mololea na aqo. Minau au nonginongi mau tsaria, “!Au nongigo Taovia God ko susuligasiau kalina ia!”

Mika 7:8

Igira gada gala ara tau tamanina sa niqira rongona na kiataginiada. E mana rago laka igita a puka lê nogo, me sauba nomoa ka tukae tugua. Migita a totu tana rodo kalina ia, ma na Taovia segenina nogo sauba ke lia nida marara.

Jeremia 20:12

Migoe segeni moa Taovia Susuliga Sosongo o dona na pedegoto, mo donaginia na omea e totu i laona na tobaqira ma na papadaqira na tinoni sui. Me vaga ia, mau nongigo ko tamivaniau kau reigo igoe kalina ko tangotuguqu i koniqira gaqu gala, rongona inau au noru saikesaligo moa igoe Taovia.

Linge 109:28

Molo vanigira kara gokoseko vaniau inau, migoe moa ko padalokiau. Ko naua me ke tau managaqira igira ara rotasiau, mi tana ke gini mage na tobaqu inau nimu tinoni aqo.

Linge 109:4

Igira ara reisaviau, atsa moa ti inau au galuvegira dou mau nonginongi vanigira.

2 Taovia Tsapakae 19:16

Mi kalina ia Taovia, ko morosia na omea e laba vanigami. Ko rongomigira na omea sui aia Senakerib e tsaria gana ke tsaiginigo igoe na God mamauri.

Jeremia 18:18

Mi tana, migira na toga ara tsaria, “!Ida igita ma ka vorogana mate a Jeremia! Sauba kara totu sailagi moa visana na manetabu kara sau totokoe vanigita, ma na mane sasaga loki kara parovatavigita, ma na propete kara katevulagi vanigita nina goko God. Ida ma ka kelipero gana, ma ka laka goto na rongomiana na omea aia ke tsaria.”

Jeremia 18:20

?Laka e ulagana na omea seko ke lia na vovolina na omea dou? Migira ara tsaia na qilu loki gana inau kau puka sage i laona. Ko padatugua kalina inau au mai i matamu igoe, mau isutuguqira igira gana ke gini bisitugua na koremu.

Tangitangi 3:59

Ko isutuguqu rongona igoe o donaginigira nogo na omea seko sui igira ara nauvaniau.