Jeremia 18:15 - Ghari

¹⁵ Migira niqu tinoni inau ara padale saikesaliau. Mara ba kodoa na buluna gai uruuru vanigira na titinonina na god peropero. Ara tubulagi lê tana sautu dou ni sau, mara rugu bamai moa tana komukomu.

Jeremia 18:15 Referans Kwoze

Jeremia 6:16

Na Taovia e goko me tsarivanigira nina tinoni, “Kamu tû i tana ara labasai na sautu, ma kamu papada dou laka iava na sautu i tana amu ngaoa na muriana. Kamu lavea na sautu ni oka ara muria igira na mumuamui. Aia nogo na sautu dou bâ. Kamu muritaonia aia, me sauba kamu totu tana rago.” Migira ara tsaria, “!Tagara, igami ami sove!”

Hosea 11:2

Danga sosongo tagu inau au soâ, maia e pipiloligi taniau moa. Igira niqu tinoni ara ba savori-kodoputsa vania Baal, mara kodoa na bulungai uruuru vanigira na god peropero.

Jeremia 2:32

?Laka sa daki vaolu tangomana ke padalea gana inilau, se sa daki tauga vaolu nina polo na tauga? Bâ, migira moa niqu tinoni ara padaleau oka sosongo nogo.

Isaia 57:14

Na Taovia e tsaria, “Kamu tamivanigira niqu tinoni kara visumaitugua i koniqu. Kamu voti manogati vanigira na sautu tana kara liu, ma kamu adiligigira pipi sui na omea ara totu kapusia.

Malaki 2:8

“Mi kalina ia igamu na manetabu amu piloligi taninogoa na sautu goto. Ma nimui sasani amu saua amu raqa sasiliginigira goto na dangana tana nauana na omea seko. Mi tana, amu veoginia na vaitasogi au naua kolugamu.

Jeremia 2:13

rongona igira niqu tinoni ara aqosia ruka vatana na sasi loki: ara piloligi taniau inau, inau na vuravura na ko maroga, mara ba tsaigira visana tuvu tapatapa e utu goto ke kau sa kô i laoqira.” Ma na Taovia e tsarigotoa,

Jeremia 17:13

Taovia, igoe nogo niqira amesi na Israel. Migira sui ara piloligi tanigo igoe sauba kara paluvangamaqira. Igira sauba kara nanga lê, vaga moa na soa ara maregira tana papasa lê, rongona ara tsonikidamu igoe na Taovia na uluna na ko maroga.

Jeremia 10:15

Ara tau saikesa tamani sa rongona, me ulagana nomoa ka reipeagira moa; maia na Taovia sauba ke mai me ke toroutsanigira sui lakalaka.

Isaia 41:29

Igira sui lakalaka na god peropero girani ara tau tamani rongona; ara tau goto tangomana kara naua sa omea. Na titinonina na god peropero girani ara labelabeaga lê, mara tau goto tamanina sa susuliga.”

Mateo 15:6

Mi tana nauvaganana ia, igamu amu peaginia nina ketsa God, rongona kamu murigira moa nimui sasaga ni sau segeni igamu.

Hosea 2:13

Eo, sauba nomoa kau kedea rongona e danga nogo kalina aia e padaleau inau, me ba kodoa na bulunagai uruuru vania Baal, me sagelia gana inilau angaanga, me ba takuvi tsarimuriqira igira aia e ngaogira. Inau nogo na Taovia au tsaria na omea iani.”

Jeremia 16:19

Taovia, igoe nogo o reitutuguau mo susuligasiau; migoe goto nogo o sangaau tana tagu e gadoviau na rota loki. Migira na puku sui pipi sui tana nauna, tû kesa tabana na barangengo, me tsau bâ tabana, sauba kara mai ma kara tsaria, “Niqira god na mumuamami igami na god peropero moa. E utu saikesa kara naua sa omea kara sangaginigami.

Jeremia 13:25

Aia nogo e tsaria laka sauba ke laba vanigo na omea vaga ia. Iani nogo na omea na Taovia e pedea laka ke nauvanigo rongona igoe o padale saikesalia ia, mo norugira moa nimu god peropero.

Jeremia 3:21

Ara rongomia kesa na leleo loki i kelana na tetena. Igira nogo na tinoni ni Israel ara ngangai dato vania God ke galuvegira, rongona igira ara sasi sosongo, mara padalea na Taovia niqira God.

Roma 14:21

Ti vaga igamu amu dona laka na omea vaga gira sauba ke gini tubulagi kesa na tasimui, ma kamu mololea na gani boo, se na inu uaeni, se na nauana sa omea tavosi goto e dona ke tubulaginia.

Jeremia 19:5

mara logogira na belatabu vania Baal gana kara gini savori-kodoputsa na daleqira. Inau au tau ketsaliginigira kara naua na omea vaga ia; mau tau saikesa goto padâ na omea vaga ia sa dani.

Isaia 62:10

Me vaga ia, migamu na tinoni ni Jerusalem kamu rutsu tania nimui verabau, ma kamu votia kesa na sautu i tana kara liu igira nimui tinoni kalina kara visumai. Kamu vangaraua kesa na sautu loki, ma kamu tsakoligigira na vatu. Ma kamu molodatoa kesa na padapada rongona ti igira na puku sui kara donaginia laka

Isaia 9:16

Igira gaqira ida na tinoni girani ara ida seko vanigira moa, me gini ponopala saikesa na tobaqira na tinoni.

Isaia 3:12

Migamu niqu tinoni, igira na borau lê ma na daki ara tagaovigamu mara sekoligamu. Migira gamui ida ara raqa sasiligamu, mamu tau nogo dona na sautu gua kamu muria.

Jeremia 2:19

Nimu sasaga tabaru segeni nogo sauba ke kedeginigo, mi tana rongona nogo igoe o piloligi taniau inau, ti inau goto sauba kau gini kedeginigamu. Mi tana tagu ia, sauba ko donaginia laka e seko sosongo nomoa na tsonikidaqu inau na Taovia nimu God, ma na sove na totukakai i koniqu. Inau nogo na Taovia God au tsaria na omea iani.”

Isaia 65:7

tana rongona niqira sasi segeni nogo igira, ma niqira sasi goto na mumuaqira. Igira ara kodoa na bulunagai uruuru tana niqira peotabu ponotoba i kelaqira na tetena, mara goko peapea vaniau. Me vaga ia, minau sauba kau kedegira vaga nogo e ulagana na omea seko ara naua.”

Jeremia 7:9

Igamu amu komi, mamu labumate, mamu kiboga, mamu gini pero tana asana na Taovia, mamu savori-kodoputsa vania Baal, mamu samasama vanigira na god peropero igira amu tau vati donaginigira tana idana.

Jeremia 18:14

?Laka igira na vungavunga vatuvatuga ni Lebanon o reia e tau puka na snou i koniqira? ?Me laka ara dona kora na ko bisi dou sosongo e tsatsali tsunamai i koniqira?

Jeremia 51:18

Ara tau saikesa tamani sa rongona, me ulagana nomoa ka reipeagira; ma na Taovia sauba ke mai me ke toroutsanigira sui lakalaka.

Esekiel 21:15

E anga vaga moa na kirapina na angaanga, me totukapu nogo tana matsapakapuna na vera, gana ke totoposuligira niqu tinoni me ke labumatesigira na dangana.

Esekiel 36:15

Migira na puku tavosi e utu goto kara tsirigamu ma kara paluvangamamui, migamu na vungavunga ni Israel e utu goto kamu raqa sasiligira niqu tinoni. Inau na Taovia au tsaria na omea iani.”

Hosea 2:6

“Eo, aia e goko vaganana ia, minau au tsaria laka sauba kau barapoliginia na itai kokonaga, ma kau pakâ na baravatu gana kau utukapusia nina sautu.

Na Vaolusi Ketsa 32:21

Igira ara murigira na god peropero e tagara soaqira, me gini momosa tobaqu, mau gini masugu vanigira. Me vaga ia, minau sauba kau gini aqo kesa na puku tavosi e tagara soana, migira kara gini kore; ma kau naua migira kara masugu vanigira na puku na bule.

Nehemia 9:17

Eo, ara sove saikesa na rongomangamu; mara padalegira na omea sui igoe o naua; mara padalegira goto na valatsatsa loki o aqosia gana ko sangagira. Mi tana niqira kaekae nogo igira te ara tû mara vilia kesa gaqira ida ke adivisugira tugua i Ejipt tana ara totu tseka tana idana. Migoe na God o dona na padaleaqira na sasi ara naua igira na tinoni, o dou laka mo dona sosongo na galuve, mo kisa lê na kore. Nimu galuve e loki sosongo me vô sui; mo tau tsonikidaqira saikesa na mumuamami.

Jeremia 1:16

Inau sauba kau kedegira igira niqu tinoni rongona ara sasi sosongo; ara piloligi taniau, mara savori-kodoputsa vanigira na god peropero, mara aqosia na titinoniqira mara ba samasama vanigira.

Jeremia 11:12

Mi tana, migira na tinoni tana Juda mi Jerusalem sauba kara ragevigira na god peropero ara lavu na savori-kodoputsa vaniaqira, ma kara ngangaidato vanigira laka kara sangagira, me utu vanigira nomoa niqira god peropero kara tangomana na maurisiaqira kalina ke laba mai na tagu na rota seko loki iani.

Jeremia 11:13

Na dangana niqira god peropero igira na tinoni tana Juda e atsa kolua moa na dangana niqira verabau, migira na tinoni ni Jerusalem ara vaturikaegira danga sosongo na belatabu agana na mani kodoputsa vaniana Baal aia na god marasibiga, vaga saikesa nogo na dangana na sautu tana verabau ia.

Jeremia 11:17

“Inau nogo na Taovia Susuliga Sosongo, au tsukagira na Israel ma na Juda, mi kalina ia, inau au tsarivanigira laka sauba kau moloa ke gadovigira na rota seko loki. Igira nogo ara alomai vanigira nogo na omea iani rongona ara naua moa na omea e sasi; ara savori-kodoputsa vania Baal, mara gini tsaia na korequ inau.”