Jeremia 18:13 - Ghari

¹³ Na Taovia e goko me tsaria, “Ko veisuagira na tinoni pipi sui tana vera ti vaga kara reia ke laba i sau na omea vaga girani. !Igira na tinoni ni Israel ara sasi loki sosongo!

Jeremia 18:13 Referans Kwoze

Jeremia 5:30

Na omea seko sosongo e laba nogo tana kao popono:

Hosea 6:10

Minau au reia kesa na omea seko loki sosongo e laba i laona na Israel. Igira niqu tinoni ara naqugasi segeniqira tana samasama vaniaqira na god peropero.

Jeremia 23:14

Mau reigira goto na propete ni Jerusalem, migira ara naua na omea e seko liuliu goto bâ. Ara kiboga mara pero, mara sangagira moa na tinoni na nauana na omea e sasi, me vaga ia, migira na toga sui ara tau goto mololea na nauana na omea tabaruga. I mataqu inau igira sui lakalaka na tinoni ni Jerusalem ara seko vaga saikesa nogo igira na tinoni ni Sodom mi Gomora.

Isaia 66:8

?Laka sa tinoni ke reia se ke rongominogoa ke laba sa omea vaga ia? ?Laka sa butona momoru e dona ke tavongani labadato i laona kesa moa na dani? ?Se laka sa puku na tinoni ke tavongani botsalaba i laona kesa moa na tagu tetelo? Ma na Sion sauba e utu ke vatsangisavi oka ma kara laba dangatugua na dalena.

Jeremia 31:4

Sauba kau turuvaginigamu visutugua, migamu sauba kamu rekesitugua nimui tsetsê, ma kamu gavai tana magemage.

Jeremia 14:17

Na Taovia e ketsaliau inau a Jeremia, laka kau goko vanigira na toga tana rongona niqu melu ma kau tsaria: “Na kô na mataqu ke tave na dani ma na bongi, ma kau tau goto mango na ngangai, rongona igira na gala ara labu sekoligira niqu tinoni, mara gini boka loki sosongo.

1 Korint 5:1

Ara tatamanga vaniau, laka e totu i laomui na vaikibogasigi seko sosongo baa, me atsa moa igira na ponotoba, mara tau nauvaganana ia. !Ara turupatuna vaniau laka e kesa na mane e maturu kolua na tinana savusavu!

Tangitangi 1:15

“Na Taovia e sove tanigira sui niqu mane vaumate susuliga. Me molomaia kesa na alaala na mane vaumate ni veratavosi kara matesigira sui niqu mane vaolu. Mara tsogori rapasigira niqu tinoni, vaga saikesa moa na vuana uaeni ara tsogori rapasigira tana nauna na mani rapasi uaeni.

Isaia 36:22

Mi tana, mi tugira a Eliakim, ma Sebna, ma Joa, ara tu ratsivotâ tu poloqira tana padasavi, mara tu vano mara tu ba turupatuna vania a Hesekia na omea vaga aia gaqira taovia tagao na mane vaumate ni Asiria e tsaria.

1 Samuel 4:7

migira na Pilistia ara gini matagu loki sosongo mara tsaria, “!Are, e kesa na god e mai nogo i tana ara totu igira! !Sauba ka mate igita! !E tau vati laba i sau sa omea vaga ia!

Jeremia 18:14

?Laka igira na vungavunga vatuvatuga ni Lebanon o reia e tau puka na snou i koniqira? ?Me laka ara dona kora na ko bisi dou sosongo e tsatsali tsunamai i koniqira?

Amos 5:1

Igamu na tinoni ni Israel, kamu rongomia na linge na qiluqilu iani inau au lingena vanigamu:

Amos 5:2

!E puka nogo na siama Israel, Me tagara goto ke tau tû tugua! Aia e tsaro matemateaga tana kao, Me tagara goto ke kesa ke tatatuua.