Jeremia 15:8 - Ghari

⁸ Mi laona nimui butona kao na daki tinamate ara danga sosongo, liusia bâ na vatuna one i tasi. Au matesigira nimui mane vaolu kalina ara susuliga dou moa, mara gini rota loki sosongo igira na tinaqira. Au naua me tavongani gadovigira na melu ma na matagu loki.

Jeremia 15:8 Referans Kwoze

Isaia 3:25

Migira sui na mane i laona na verabau ia, eo, atsa moa ti igira na mane susuliga liuliu bâ, sauba nomoa kara mate sui lakalaka tana vailabu.

Luka 21:35

Rongona na Dani ia, sauba ke gado vaga na pidipidi i koniqira na tinoni sui tana barangengo popono.

Jeremia 5:6

Aia nogoria na rongona ti sauba igira na laeone kara talu tana goana atsi ma kara mai matesigira, migira na pai atsi kara talu tana kaomate ma kara gati matesigira, migira na kusi atsi kara tuvia na veraqira, rongona ti vaga kesa ke rutsuligi tania na vera, me sauba kara gati ngotsingotsigira, rongona niqira sasi na tinoni girani ara danga seko sosongo, mara piloligi sailagi moa tania God.

Jeremia 4:16

Igira ara mai gana kara parovatavigira na tinoni tana vera sui, ma kara tsarivanigira goto na Jerusalem laka igira na gala ara maimai nogo talu kesa tana vera ao. Sauba kara kangalaginigira na verabau tana Juda,

Isaia 3:26

Ma na verabau nogo ia sauba ke lia vaga moa na daki ara tsoraligi vania na polona me malaiole, me totu raparapa lê tana kao. Migira na matsapakapuna na vera kara morosi vaganana ia, ma kara tangitangi ma kara ngangai.

Isaia 4:1

Mi kalina ke labamai na tagu ia, me sauba kara tu vitu na daki kara tu tangolikakaia kesa moa na mane, ma kara tu tsarivania, “I tugami tangomana kami tu pala tu segenimami, ma kami tu pipisigami segeni, mami tu nongigo kiki ko lia tu savamami, ma kami tu gini tau vangamâ babâ moa rongona e tagara tu savamami.”

Jeremia 16:3

Inau sauba kau tsarivulagi vanigo igoe na omea sauba ke laba vanigira na baka ara botsa tana kao iani, me vanigira goto na tinaqira ma na tamaqira.

Jeremia 18:21

Bâ, mi kalina ia Taovia, ko naua, migira kara mate tana vailabu, ma na daleqira kara gini mate na vitoa. Ko naua, migira na daki kara tinamate sui, ma na savaqira kara gini mate na lobogu seko, ma niqira mane vaolu kara mate sui tana vailabu.

Jeremia 22:7

Inau sauba kau molovanogira na tinoni kara ba toroutsani poponoa. Migira sauba kara adimaia niqira rarati ma kara kavitsunagira nina tuguru rereidou sosongo ara aqosiginia na gai na sida, ma kara tsoni tsavugira tana lake.

Tangitangi 5:3

Migira gamami gala ara matesigira na tamamami, mi kalina ia ara tinamate sui igira na tinamami.

Esekiel 22:25

Migira gaqira ida na tinoni ni Jerusalem ara vaga saikesa na laeone ara gini vainguruvigi kesa na omea tuavati ara gatimatea nogo. Igira ara labumatesigira niqu tinoni, mara komigira sui niqira qolo ma niqira omea tatamani, mi tana labumate igira ara naua ara gini laba danga sosongo na daki tinamate.

Hosea 4:5

Igamu amu tubulagi na dani ma na bongi, migira na propete ara nauvaganana goto ia. Aia nogo na rongona ti inau sauba kau toroutsania na Israel aia na tinamui.

Jeremia 6:26

Ma na Taovia e tsarivanigira nina tinoni, “Kamu sagelia na polo baubau papadana na melu, ma kamu gini uliuli na tora. Kamu tangitangi vaga moa kalina amu tangisia na mateana kesa lelê moa na dalemui mane, rongona sauba ke labunovotigamu aia e vangaraua na toroutsaniamui.