Jeremia 15:7 - Ghari

⁷ Mi laona pipi na vera tana butona kao iani inau au tsonigamu vania na guguri, vaga moa ti na buruburu makede. Au toroutsanigamu igamu niqu tinoni, mau matesigira goto na dalemui, rongona igamu amu tau mololea nimui sasaga tabaru.

Jeremia 15:7 Referans Kwoze

Mateo 3:12

Maia goto sauba ke vilitsagira na tinoni, na douna tanigira na sekona, vaga kesa na mane e adia nina poka me tsikidatoginigira nina uiti, me gini tsida segeni na kekevuna tania na vatuna. Me ke mololakagira na vatuna dou tana nina salo. Me ke tsonigira na kekevuna tana lake e vomate na iruna.”

Jeremia 51:2

Me sauba kau mologira na tinoni ni veratavosi kara ba toroutsania na Babilon, vaga kesa na guguri loki e puasalagira na rau matemate. Mi kalina ke labamai na dani ia, igira na gala sauba kara maiginigira pipi moa tabana, ma kara mangusi poponoa niqira butona kao.

Jeremia 5:3

Taovia igoe o ngao sosongolia laka igira na tinoni kara muria na sautu goto. Igoe o labugira, migira ara tau goto gini boe. Mo tsogori rapasigira, migira ara sove moa na rongomiana nimu totosasaga. Ara baribari sosongo, mara tau goto piloligi tanigira niqira sasi.

Isaia 41:16

Migamu sauba kamu tsonidatogira tana masaoka, vaga moa ti na kekevuna na uiti, ma na guguri sauba ke pualigigira, ma na tulonga ke sarangasigira. Mi muri ti igamu sauba kamu gini magemage tana rongona inau nogo nimui God, ma kamu tsonikaeginiau inau na God tabu loki ni Israel.

Isaia 9:13

Migira na tinoni ni Israel ara tau vati piloligi tania niqira sasi. Me atsa moa ti na Taovia Susuliga Sosongo e kedegira, migira ara tau moa vati visumai i konina aia.

Jeremia 18:21

Bâ, mi kalina ia Taovia, ko naua, migira kara mate tana vailabu, ma na daleqira kara gini mate na vitoa. Ko naua, migira na daki kara tinamate sui, ma na savaqira kara gini mate na lobogu seko, ma niqira mane vaolu kara mate sui tana vailabu.

Linge 1:4

Migira na tinoni seko ara tau goto dona kara nauvaganana ia; igira ara vaga ti na rau matemate lê, e mai na guguri me lovosaginigira lê.

Sekaria 1:4

Igamu kamu laka na usuliaqira na mumuamui. I sau igira na propete ara kate vanigira na mumuamui niqu goko, mara raigira kara mololea na mauri tana sasi. Migira ara sove saikesa na rongomangaqu, mara nausasi babâ moa.

Esekiel 24:25

Ma na Taovia e tsarivaniau goto, “Dalena tinoni igoe, i kalina nogo ia, inau sauba kau adiligia tanigira na Vale Tabu susuliga aia ara gini kaekae, mara gini mage sosongo na reiana ma na tsigoviana. Me sauba kau matesigira sui na daleqira mane ma na daleqira daki.

Na Vaolusi Ketsa 28:41

Migamu sauba kamu tamanina rago na dalemui mane ma na dalemui daki, me sauba kara nangaligi tanigamu, rongona igira gamui gala sauba kara laugira ma kara adivanogira.

Esekiel 24:21

me tsaria kau parovatavigamu vaga iani igamu na tinoni ni Israel: Igamu amu gini kaekae sosongo na susuligana nina Vale Tabu aia. Mamu reingao sosongolia na morosiana ma na mai na tsigoviana, bâ, maia segenina nogo na Taovia sauba ke naqugasia. Migira sui nimui tinoni vaolu ara totuvisu moa i Jerusalem, sauba kara viri mate sui tana vailabu.

Jeremia 9:21

Na mate e sage tsapatugu tana nida ovaova na bisi me sage nogoa tana valeqira nida tinoni lokiloki; maia nogo e vusikutigira na baka tana sautu loki, ma na mane vaolu tana nauna gana na maketi.

Na Vaolusi Ketsa 28:32

Mi kalina kamu momoro moa igamu me sauba kara adigira na dalemui mane ma na dalemui daki, ma kara sauvanogira mala tseka tana vera tavosi. Me pipi dani sauba ke kolae lê na matamui na momoro bâ tana matana sautu na pituaqira na dalemui kara visumai.

Na Vaolusi Ketsa 28:18

“Na Taovia sauba ke vealaginigamu me ke tau danga na dalemui, me ke tau dou nimui omea tsukatsuka, ma kara tau danga nimui buluka ma nimui sipi.

Esekiel 36:12

Sauba nomoa kau adivisugira tugua niqu tinoni ni Israel, ma kara ba totudoutugua i konimui igamu na vungavunga, migamu sauba kamu lia niqira kao. Me utu goto kamu sekoligira tugua na daleqira.

Isaia 9:12

Igira na Siria tabana i longa, migira na Pilistia tabana i tasi, ara sangavinogoa na mangaqira gana kara konomi poponogira na Israel. Me atsa moa ti e vaga ia, ma na korena na Taovia e tau moa vati sui. Aia e kedegira baba moa.