Jeremia 15:21 - Ghari

²¹ Inau sauba kau laumaurisigo tania na limaqira na tinoni vanga tsutsukibo, ma na vanga tangopeke seko. Inau nogo na Taovia au tsaria na omea iani.”

Jeremia 15:21 Referans Kwoze

2 Korint 1:10

E maurisigami kalina e varangi nogo kami mate, eo, mami norua laka sauba ke maurisigami babaa goto.

Jeremia 50:34

Maia sauba ke laumaurisigira e susuliga bâ, ma na soana aia nogo na Taovia Susuliga Sosongo. Aia segenina nogo sauba ke isutuguqira, me ke moloa na rago tana barangengo, ma na rota vanigira na tinoni ni Babilon.”

Isaia 54:17

Me sauba ke tagara goto sa vangana na vailabu ke tangomana na sekoliamu; me sauba ko dona na labuvisuana pipi na goko kara baoginigo na tinoni tavosi. Inau nogo sauba kau isutuguqira niqu maneaqo, me ke gini managaqira. Inau nogo na Taovia au tsaria na omea iani.”

Isaia 29:20

Migira ara peâ God mara bingi sekoligira na tinoni tavosi, sauba kara nangaligi sui. Eo, igira sui lakalaka na tinoni ara totu matengana moa na nausasi sauba kara mate.

Linge 37:40

Aia e sangagira me maurisigira; me laumaurisigira tanigira na tinoni vanga tsutsukibo rongona ara dona kara vano totu raviravi i konina aia.

Linge 27:2

Kalina igira na tinoni seko ara mai saisai gaqu mara tovoa laka kara matesiau, migira ara tubulagi lê mara viri puka sui.

Tuturigana 48:16

!Ma na angelo aia e laumaurisiau inau tania na omea seko sui ke tabukaira! !Ma na soaqu inau ma ka soaqira kaira na tamaqu a Abraham ma Isaak ke totu mamauri ka koniqira na baka karani! !Ma kara ka tamani danga ka daleqira ma ka kukuaqira!”

Roma 16:20

Ma God, aia na pukuna na rago vanigita, sauba ke tau oka me ke tsogori rutua i vavana na tuamui na susuligana Satan. Au nongia a Iesu nida Taovia ke vangalaka vanigamu sui.

Mateo 6:13

Ko laka mololegami vania na tabotabo, mo ko maurisigami tania na seko sui.’

Isaia 29:5

“Jerusalem, igira sui na tinoni ni veratavosi ara maiginigo sauba inau kau pualigigira vaga moa na papasa, ma niqira alaala na mane vaumate mamataguniga sauba kara lovoligi sui vaga moa na buruburu makede. Minau na Taovia Susuliga Sosongo sauba kau tavongani labanovo

Linge 97:10

Na Taovia e galuvegira igira ara reisavia na sasaga seko; maia e reitutugudoua na mauriqira nina tinoni; me laumaurisigira tania na susuligaqira na tinoni vanga tsutsukibo.

Isaia 49:26

Inau sauba kau naua migira ara bingi sekoligo kara vaimatesigi segeni, ma kara gini bule na labumate ma na momosatoba loki. Mi tana ti igira na mamatana tinoni sui kara donaginia laka inau nogo na Taovia, mau laumaurisigo, mau suivisugo, me laka inau nogo niqira God susuliga igira na Israel.”

Isaia 60:16

Migira na puku tavosi ma niqira taovia tsapakae sauba kara reitutugugo, vaga moa kesa na daki e reitutugudoua na dalena. Mi tana ti sauba igoe ko donaginia laka inau nogo na Taovia au laumaurisigo, me laka inau na God Susuliga ni Israel au suivisugo nogo.

Jeremia 16:1

Me kesa goto kalina na Taovia e goko vaniau, inau a Jeremia, me tsaria,

Jeremia 20:13

!Linge vania na Taovia! !Tsonikaea na Taovia! Aia nogo e laumaurisigira na tinoni ara bingi sekoligira igira na vanga tsutsukibo.

Jeremia 31:11

Eo, inau na Taovia au laumaurisigira na tinoni ni Israel tania na limana kesa na puku loki e susuliga liusigira igira.

Jeremia 38:28

Minau a Jeremia au totu sosori moa tana pakokana na valeqira na mane vaumate, poi tsau tana dani igira na gala ara mai tangolia na Jerusalem.

Jeremia 39:11

Ma Nebukadnesar na taovia tsapakae e padatugua laka a Jeremia e totu moa i Jerusalem, te e moloketsa vano vania a Nebusaradan aia niqira taovia na mane vaumate me tsarivania,

Jeremia 39:12

“Ko ba lavea a Jeremia mo ko reitutugudoua. Ko laka goto na nausekoli vaniana sa omea, mo ko nauvania moa na omea aia e ngaoa.”

Daniel 3:17

Me ti vaga na God aia ami tu aqovania tugami ke tangomana na maurisitugami tania na umu romaroma me tanigotoa na susuligamu igoe, maia nogo sauba ke naua.

Daniel 3:25

Maia e veisuagira goto, “?Me vaga ia, ma na rongona gua ti au reitugira ara tu vati na mane ara tu liu bamai i laona na lake ia? Me tagara goto sa sosori tu koniqira, me tau goto ganitugira na lake. Ma na vatinina tu vidaqira e rerei vaga moa na angelo.”

Jeremia 26:24

Bâ, mi kalina igira na toga ara ngaoa na labumatesiana a Jeremia, maia a Ahikam na dalena a Sapan e isutuguna a Jeremia mara tau goto labumatesia.