Jeremia 15:11 - Ghari

¹¹ Taovia, e dou moa kara manaliau pipi sui niqira vealagi ti vaga inau au tau nogo aqo dou vanigo igoe, se au tau nonginongi tsai mateqira gaqu gala kalina e gadovigira na rota loki ma na tagu seko.

Jeremia 15:11 Referans Kwoze

Goko Tabana 16:7

Mi kalina igoe o dou i matana na Taovia, ma God e sangago igoe, mo gini totu tana rago kolugira na tinoni tavosi, migira goto gamu gala.

Linge 106:46

Me naua me gini pilo na tobaqira igira ara bingi sekoligira nina tinoni mara galuvegira tugua na Israel.

Jeremia 37:3

Ma Sedekia na taovia tsapakae e molovanokaira a Jehukal na dalena a Selemia, ma Sepania na manetabu na dalena a Maaseia, kara ka tsarivaganana vaniau, “Ko nonginongi vanigami igami vania na Taovia nida God.”

Sasani Sasaga 8:12

E tau utu kesa tinoni sasi ke naua na sasi loki kesa sangatu kalina me ke mamauri moa. Eo, au dona rago laka ara tsarivaganana iani: “Ti vaga igoe ko rongomangana God, me pipi na omea sui sauba kara dou vanigo,

Jeremia 42:2

mara tsarivaniau, “!Kiki ko nauvanigami na omea ami nongia i konimu! Ko nongia na Taovia nida God vanigami. Ko nonginongi vanigami sui igami ami pitsa tania na mate. Tana idana igami ami danga sosongo; mi kalina ia, vaga igoe o morosinogoa, igami ami tsaurae lê moa ami kauvisu.

Jeremia 21:2

“Kiki igoe a Jeremia, ko goko matemami igami i konina na Taovia, rongona a Nebukadnesar na taovia tsapakae ni Babilonia, ma nina alaala na mane vaumate, ara tupoli popononogoa na verabau iani. Na Taovia e tau utu ngatsu ke aqosia kesa na valatsatsa vanigami vaga e naua i sau, me ke turuginia a Nebukadnesar ke pilovisu lê.”

Goko Tabana 21:1

Na Taovia e tagaovia nina papada kesa na taovia tsapakae vaga saikesa nogo kalina aia e tagaovia nina tave na kô.

Linge 138:3

Mi kalina inau au soago, migoe o rongomiau; ma na susuligamu nogo igoe o susuligasiginia na tidaoqu.

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Jeremia 37:17

Me kesa tana tagu i muri maia Sedekia na taovia tsapakae e ketsaligira kara ba adimaiau i matana, mi kalina au mailaba nogo i tana, ma na taovia tsapakae e veisuaau dodo, “?Egua laka na Taovia e tsarivanigo sa goko?” Minau a Jeremia au gokovisu mau tsaria, “Eo. Igoe sauba kara mologo i limana na taovia tsapakae ni Babilonia.”

Jeremia 38:14

Me kesa tana dani segeni, maia Sedekia na taovia tsapakae e ketsaligira kara adiau ba vania tana tolunina matsapa na sage bâ tana Vale Tabu, ma Sedekia e tsarivaniau, “Inau sauba kau veisuago kesa na veisua, mau ngaoa igoe ko tsarivaniau na manana popono.”