Jeremia 14:9 - Ghari

⁹ ?Megua goto ti o vaga moa na tinoni e ponopala tobana, me vaga na mane vaumate e tau nogo susuliga na tuliusiaqira na gala? !Igami ami tutunina nomoa laka igoe Taovia o totu moa kolugami! Igami nimu tinoni nogo, mami nongigo ko laka na tsonikidamami.’ ”

Jeremia 14:9 Referans Kwoze

Isaia 63:19

Migoe o nauvanigami vaga moa ti o tau saikesa lia gamami tagao, me vaga goto ti igami ami tau saikesa nimu tinoni.

Isaia 59:1

Kamu laka na padaana laka na Taovia e tau susuliga na laumaurisiamui, se ke mui na kulina, me ke gini utu vania na rongomiamui kalina amu ngangaidato vania ke sangagamu.

Jeremia 15:16

Igoe o goko vaniau, minau au rongomi vatavia pipi sui nimu tsaqina goko. Inau nimu tamani nogo igoe Taovia God Susuliga Sosongo, me gini mage sosongo tobaqu na rongomiana nimu goko.

Linge 46:5

Ma God aia e totu pukuga tana vera loki ia, me gini utu ke taveo. Mi tana matsaraka rovorovo maia sauba ke mai me ke sangâ.

Tsoko Tinoni 11:23

Ma na Taovia e gokovisu vania a Moses me tsaria, “?Egua laka o pada igoe laka e kurikuri na limaqu inau? !Sauba nomoa ko reia, e utu goto ke oka, ti vaga na omea au tsaria inau kara laba se tagara!”

Hibru 13:5

Kamu laka na kiliqolo sosongo. Ke dou moa na tobamui ti nagua kamu tamanina. Rongona God e tsarinogoa, “E utu kau mololegamu. Me utu goto kau tsonilegamu.”

2 Korint 6:16

?Kara ka tobasai koegua nina valetabu God ma niqira tidao na tinoni ponotoba? !E utu manana, rongona igita nina valetabu nogo na God mamauri! Aia segenina nogo God e tsaria tana Mamare Tabu na goko iani: “Sauba kau logoa na valequ kolugira niqu tinoni, ma kau totu kalavata i laoqira. Minau sauba kau lia niqira God, migira kara lia niqu tinoni.”

Na Katemai 21:3

Mau rongomia kesa e goko loki talumai tana nina sasana na totukae na Taovia me tsaria, “!Kamu reia baa! !God e molovera nogo kolugira na tinoni! Aia sauba ke mauri kolugira, migira sauba kara lia nina tinoni. God segenina nogo sauba ke totu kolugira, maia nogo sauba ke lia niqira God.

Sekaria 2:5

Na Taovia e vekea laka aia segenina nogo sauba ke iru vaga na lake, me ke lia na baravatuna na verabau ia, me ke reitutugua, me ke totu saviliu i tana tana mararana loki.”

Jeremia 8:19

!Kamu rorongo! Poli poponoa na kao iani inau au rongomigira niqu tinoni ara viri ngangaidato mara tsaria: “?Laka na Taovia e tau nogo totu i Sion? ?Laka na taovia tsapakae ni Sion e tagara goto i tana?” Maia na Taovia, niqira taovia tsapakae nogo, e gokovisu me tsaria, “?Rongona gua ti amu katsugira na nununa na god peropero ni vera tavosi, mamu ba samasama vanigira? Tana nauvaganana ia, amu tsaiau inau, mau gini kore loki sosongo vanigamu.”

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Linge 27:9

!Ko laka goto na totu popoi taniaqu!” Ko laka na kore vaniaqu; ma na tsialigiaqu lê inau nimu maneaqo. Igoe nogo o sangaau tû i sau nogo; vaga ia, mo ko laka goto na mololeaqu ma na tsonikidaqu, igoe nogo niqu God ma niqu vagamauri.

1 Samuel 12:22

Na Taovia e gini vatsa me vekenogoa laka e utu goto ke piloligi tanigamu, rongona tana nina padangao segeni nogo ia te aia e viligamu mamu lia nina tinoni segeni.

Na Vaolusi Ketsa 23:14

Kamu reia ke male dou pipi kalina tana nauna i tana amu tototu, rongona na Taovia nimui God e totu kolugamu i tana, gana ke reitutugugamu me ke sangagamu ma kamu gini tangomana na tuliusiaqira gamui gala. Kamu laka goto na nauana sa omea e tau dou me ke reisavia na Taovia me ke gini piloligi tanigamu.”

Aqoaqo 15:17

Ke vaga nogoria, migira na mamatana na tinoni sui sauba kara mai i koniqu, igira sui nogo au soagira goto kara lia na tamaniqu segeni inau.

Esekiel 48:35

Me saisai ma na totovona vati tabana na baravatuna na verabau ia e tsaulia 4,500 sangava. Me ke tû kalina ia me ke bâ ma na verabau ia kara soaginia, ‘Na-Taovia-E-Totu-Ieni!’ ”

Habakuk 1:2

?Ei, igoe Taovia, ke oka koegua sagata kau ngasugo ko sangagami ti ko rongomia niqu nonginongi, mo ko laumaurisigami tania niqira sasaga vutoro ara naua igira gamami gala, mara gini rotasi sosongoligami?

Na Vaolusi Ketsa 28:10

Mi tana ti igira sui na tinoni tana barangengo sauba kara reigadovia laka aia na Taovia e viligamu nogo kamu lia nina tinoni segeni, me sauba igira kara matagunigamu igamu.

2 Turupatu Dato 7:14

me ti vaga igira kara nonginongi vaniau ma kara padasavi matena niqira sasi, ma kara piloligi tanigira niqira nauseko ara lavu na nauana, mi tana ti inau sauba kau rongomigira tû i baragata, ma kau padale vanigira niqira sasi, ma kau naua me ke douvisutugua niqira kao.

Linge 10:1

?Rongona gua ti igoe o ba totu ao vaga sagata ia Taovia? ?Egua vaga ti o taopoi tanigami kalina e ngoligami na rota?

Isaia 43:7

Igira niqu tinoni segeni nogo inau, minau nogo au vusagira gana kara tsonikaeginiau.”

Jeremia 51:5

Minau na Taovia God Susuliga Sosongo au tau tsonikidaqira na Israel ma na Juda, atsa moa ti igira ara totu i laona na Babilon ara sasi sosongo i mataqu inau na God Tabu Loki ni Israel.

Tangitangi 5:20

?Ma na rongona gua ti o tsonilegami mo padalegami oka vaga sagata ia?

Sekaria 8:3

Minau sauba kau visutugua i Sion, ma kau ba totu kalavata i Jerusalem niqu verabau tabu. Me sauba igira na tinoni sui kara soaginia Jerusalem na Verabau e Totu Kakai Konina God. Ma nina vungavunga na Taovia Susuliga Sosongo kara soaginia na Vungavunga Tabu.