Jeremia 14:8 - Ghari

⁸ Migoe segeni moa nimami amesi igami na tinoni ni Israel. Migoe segeni lelê moa tangomana ko maurisigami tania na omea seko loki. ?Me laka egua ti o vaga moa na tinoni labana tana veramami igami, me vaga moa na tinoni tavetada e mai me maturu bongi kesa moa?

Jeremia 14:8 Referans Kwoze

Jeremia 17:13

Taovia, igoe nogo niqira amesi na Israel. Migira sui ara piloligi tanigo igoe sauba kara paluvangamaqira. Igira sauba kara nanga lê, vaga moa na soa ara maregira tana papasa lê, rongona ara tsonikidamu igoe na Taovia na uluna na ko maroga.

Jeremia 50:7

Migira sui ara tsodogira i sautu ara matesigira. Migira gaqira gala ara tsaria, ‘Igami ami tau loaga tana omea ami naua, rongona na tinoni girani ara sasi sosongo i matana na Taovia. Na mumuaqira igira ara norukakaia na Taovia, me tugua nomoa ti igira goto kara totukakai i konina.’

Isaia 43:3

Rongona inau na Taovia nimui God, na God tabu ni Israel minau nogo au laumaurisigamu. Kalina igamu amu totu moa tana limaqira gamui gala, inau au tusugira na Ejipt, ma na Sudan, ma na Seba, na tugumui, rongona igamu kamu gini totu tanusi.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Joel 3:16

Na Taovia e totu i Jerusalem tana Vungavunga Sion, me maququ nina goko, me poda loki vaga moa na quluqulu, mara ka gini gariri na barangengo ma na masaoka. Maia na Taovia sauba nomoa ke dilagira nina tinoni segeni.

Isaia 45:21

Kamu mai, ma kamu vaigokovigi talu, mi muri ma kamu sauvulagia nimui gogoko tana tinete. ?Laka asei nomoa e kate idanogoa i sau vasau na omea sauba ke laba? ?Me laka e tau inau nogo na Taovia, aia na God e laumaurisigira nina tinoni? E tagara goto sa god tavosi.

Isaia 43:11

“Inau segeni moa na Taovia, minau lelê moa tangomana kau laumaurisigamu.

1 Timoti 1:1

Inau a Paulo, au marea na leta iani vanigo a Timoti, igoe na dalequ manana i laona na tutuni. Eo, inau nogo kesa nina apostolo a Iesu Kristo tana ka niqira rarai kaira God nida Vagamauri ma Iesu Kristo, aia igita a amesi okanogoa. Au nongia God na Tamada, ma Iesu Kristo nida Taovia, kara ka vangalaka vanigo, ma kara ka galuvego, ma kara ka tusuvanigo na rago.

Aqoaqo 28:20

Aia nogo na rongona te au soagamu kamu mai, ma kau gini goko kolugamu. Igamu amu reigira nogo na itai tapala girani igira ara soriginiau. Eo, ara soriginiau na itai tapala, tana rongona nogo aia kesa igira na tinoni ni Israel ara amesi okanogoa laka sauba ke mai.”

Isaia 45:15

Na God ni Israel, aia e laumaurisigira nina tinoni, e dona sosongo na molopoi segenina.

Linge 138:7

Atsa moa ti e gadoviau na rota danga, migoe o maurisiau. Igoe o sugaria niqira momosatoba gaqu gala, mi tana susuligamu o laumaurisiau.

Linge 91:15

Mi kalina ti igira kara nongiau kau sangagira, minau sauba kau sangagira; me ti vaga ke gadovigira na rota, minau sauba kau totu i koniqira. Sauba kau laumaurisiqira ma kau molokaegira.

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 9:9

Na Taovia aia niqira raravi igira ara bingi sekoligira, maia niqira nauna agana na tsogoravi kalina ti ke laba na tagu seko.

Linge 10:1

?Rongona gua ti igoe o ba totu ao vaga sagata ia Taovia? ?Egua vaga ti o taopoi tanigami kalina e ngoligami na rota?

Tinoni Pede 19:17

Ma na tuqatuqa ia e moro bâ na Levite e tototu moa tana pakokana na vera me veisuâ, “?Iava vaga o talumai igoe? ?Miava ko vavano?”

Linge 71:5

Taovia God i konimu nogo au vataraginia niqu amesi; tû kalina au tinoni vaolu minau au molo kalavatavia niqu vainoru i konimu igoe.

Isaia 63:8

Ma na Taovia e goko me tsaria, “Igira niqu tinoni segeni nogo inau, me utu saikesa kara pero bulesiau.” Maia e tû me laumaurisigira

Jeremia 30:7

Na dani seko sosongo e maimai varangi nogo; me tagara goto sa dani segeni ke seko atsalina ia, aia kesa na tagu na rota seko loki vanigira niqu tinoni, minau sauba nomoa kau laumaurisigira.”

Sekaria 9:12

Igamu amu totu tsinogo amu dona nogo kalina ia laka inau sauba kau sangagamu, me vaga ia, ma kamu visumaitugua tana veramui, mi tana kamu totu raviravi dou. I dani eni nogo au vekea laka sauba kau volivisuginigamu na vangalaka ke ruka kalina liusia na rota loki e gadovigamu.

Linge 46:2

Vaga ia, me sauba e utu goto igita ka matagu, atsa moa ti vaga na barangengo ke kasisi popono, ma na vungavunga kara luvu takuti i laona na mao rodo.

Isaia 33:2

Migoe Taovia ko galuvegami. Igami ami norugo moa igoe. Ko reitutugugami na dani ma na dani, mo ko maurisigami tana tagu na rota.

Jeremia 16:19

Taovia, igoe nogo o reitutuguau mo susuligasiau; migoe goto nogo o sangaau tana tagu e gadoviau na rota loki. Migira na puku sui pipi sui tana nauna, tû kesa tabana na barangengo, me tsau bâ tabana, sauba kara mai ma kara tsaria, “Niqira god na mumuamami igami na god peropero moa. E utu saikesa kara naua sa omea kara sangaginigami.